motivation-347

നമ്മളിൽ പലർക്കും പലപ്പോഴും സ്വയം വില നൽകാൻ കഴിയാറില്ല. സ്വയം വില നൽകണമെങ്കിൽ നമ്മൾ, നമ്മളെ തന്നെ സ്നേഹിക്കാനും, പരിഗണിക്കാനും ശ്രമിക്കണം.

നമ്മുടെ ഓരോ സമയത്തിനും വേണ്ട വില നൽകാൻ സാധിക്കേണ്ടതുണ്ട്. നമ്മൾ, നമ്മൾക്ക് ലഭിച്ച സമയത്തെ പാഴാക്കാതിരിക്കാൻ ശ്രദ്ധിക്കേണ്ടതുണ്ട്.

നമ്മുടെ പരാജയങ്ങളിൽ, നഷ്ടങ്ങളിൽ നമ്മളെ ഒറ്റപ്പെടുത്താനും, കുറ്റപ്പെടുത്താനും പലരും ശ്രമിച്ചെന്നിരിക്കാം അതിലൊന്നും തളരാതെ, നിരാശപ്പെട്ടിരിക്കാതെ സ്വയം വില നൽകികൊണ്ട് മുന്നേറാൻ സാധിക്കേണ്ടതുണ്ട്.

എന്തു നേട്ടവും നമ്മൾക്ക് സ്വന്തമാക്കാൻ കഴിയണമെങ്കിൽ നമ്മളായിട്ട് നല്ലതുപോലെ കഷ്ടപ്പെട്ടാൽ മാത്രമാണ് സാധിക്കുകയുള്ളു.

സ്വയം വില തിരിച്ചറിയാൻ നമ്മൾ ഓരോരുത്തരും ശ്രമിക്കണം. മറ്റുള്ളവരിൽ പലരും നമ്മളെ കളിയാക്കുമ്പോഴും, അപമാനിക്കുമ്പോഴും, പരാജയപ്പെടുത്തുമ്പോഴുമെല്ലാം നമ്മൾ തളർന്നുപോകാതെ മുന്നോട്ടു നല്ലതുപോലെ പരിശ്രമിക്കാൻ കഴിയേണ്ടതുണ്ട്.

നമ്മളിൽ ധാരാളം പരിമിതികൾ കണ്ടേക്കാം, എങ്കിൽ പോലും നമ്മളുടെ പരിമിതികളെ അതിജീവിക്കാനുള്ള പരിശ്രമം നമ്മുടെയൊക്കെ ഭാഗത്തുനിന്നും ആത്മാർത്ഥമായി ഉണ്ടാവേണ്ടതുണ്ട്.

ഏതു മോശം സാഹചര്യം ആണെങ്കിൽ പോലും സ്വയം വില നൽകാൻ നമ്മൾ ഓരോരുത്തരും വളരെയേറെ ശ്രദ്ധിക്കേണ്ടതുണ്ട്.

ഉയർച്ചകൾക്കൊപ്പം താഴ്ചകളും ഉണ്ടായേക്കാം. ഇരുട്ടിനോടൊപ്പം പ്രകാശവുമുണ്ടായേക്കാം.സന്തോഷത്തിനോടൊപ്പം ദുഃഖവുമുണ്ടായേക്കാം ഒന്നുള്ളപ്പോൾ മറ്റൊന്ന് തത്കാലം അകലുമെന്ന് മാത്രം.

നമ്മൾക്ക് പല വിധത്തിലുള്ള സാഹചര്യത്തിലൂടെയൊക്കെ കടന്നുപോകേണ്ടി വന്നേക്കാം. നമ്മുടെയൊക്കെ ഭാവിയിൽ എന്തെല്ലാമാണ് സംഭവിക്കുകയെന്ന് മുൻകൂട്ടി പറയാൻ ആർക്കും കഴിയില്ലല്ലോ.

നമ്മുടെ വിലപ്പെട്ട സമയം അനാവശ്യ കാര്യങ്ങൾക്കായി ചിലവഴിച്ചുകൊണ്ട് പാഴാക്കാതിരിക്കാനും, സ്വയം വില നൽകാനും നമ്മൾ ഓരോരുത്തർക്കും ഇനിയുള്ള നാളുകളിൽ സാധിക്കട്ടെ.