motivation-336

നമ്മൾക്ക് ജീവൻ നിലനിർത്താൻ ആവശ്യമായിട്ടുള്ള ഏറ്റവും പ്രധാനപ്പെട്ട ഘടകമെന്നത് ഭക്ഷണമാണ്. നമ്മൾ ആവശ്യത്തിന് ഭക്ഷണം കഴിച്ചാൽ മാത്രമാണ് ആരോഗ്യത്തോടെ മുന്നോട്ടു പോകുവാൻ കഴിയുകയുള്ളുവെന്ന് നമ്മൾക്കറിയാം.

ഭക്ഷണം നമ്മൾ ഓരോരുത്തരും വളരെയേറെ പ്രാധാന്യത്തോടെ കാണുന്ന ഒന്നാണ്. ഭക്ഷണം തയ്യാറാക്കുന്നതിൽ കാണിക്കുന്ന അശ്രദ്ധ ഇന്നിപ്പോൾ ഒത്തിരി മനുഷ്യരുടെ ആരോഗ്യത്തെയും, ആയുസ്സിനെ തന്നെയും കാര്യമായിട്ട് സ്വാധിനിച്ചിട്ടുണ്ട്.

പണ്ടുള്ളവർ കഴിച്ചിരുന്ന ഭക്ഷണശീലങ്ങളിൽ നിന്നും ഇന്നിപ്പോൾ നമ്മൾ ഒത്തിരി മാറ്റങ്ങൾ കൊണ്ടുവന്നു. ഇന്നിപ്പോൾ ഒത്തിരി ആളുകൾ വീടിനു പുറമെ നിന്നുമാണ് കൂടുതലായി ഭക്ഷണങ്ങൾ കഴിക്കുന്നത്.

ആരോഗ്യത്തിന് ഉചിതമല്ലാത്ത ഭക്ഷണം കഴിച്ചതിലൂടെ നമ്മളിൽ പലരും പലതരത്തിലുള്ള അസുഖങ്ങളുടെ പിടിയിലായി.

വിഷങ്ങൾ ഇല്ലാത്ത ഭക്ഷണം കഴിക്കണമെങ്കിൽ നമ്മൾ തന്നെ സ്വന്തമായി കൃഷി ചെയ്തു പച്ചക്കറികൾ വിളവെടുക്കേണ്ടതായിട്ടുണ്ട്.

നമ്മുടെ ആരോഗ്യത്തിന് വേണ്ട പ്രാധാന്യം നൽകാൻ നമ്മൾ ഓരോരുത്തരും കഴിക്കുന്ന ഭക്ഷണത്തിൽ വളരെയേറെ ശ്രദ്ധ ചെലുത്തേണ്ടതുണ്ട്.

നമ്മളുടെ ചുറ്റിലുമുള്ള നിരവധി മനുഷ്യർ ഒരു നേരത്തെ ഭക്ഷണത്തിനായി വളരെയേറെ ബുദ്ധിമുട്ടുന്നുണ്ട്. ജീവിതത്തിൽ എപ്പോഴെങ്കിലും പട്ടിണി അനുഭവിച്ചവരൊക്കെ പിന്നിടുള്ള കാലം ഭക്ഷണം പാഴാക്കാതിരിക്കാൻ വളരെയേറെ ശ്രദ്ധിക്കും, കാരണം അവർക്ക് ഭക്ഷണത്തിന്റെ വില നല്ലതുപോലെ അറിയാം.

നമ്മൾ ഓരോരുത്തരും ഇനിയുള്ള നാളുകളിൽ ഭക്ഷണം ഒരുകാരണവശാലും പാഴാക്കികൂടാ. ഭക്ഷണം നമ്മൾ പാഴാക്കി കളയുമ്പോൾ മറ്റൊരാൾക്ക്‌ കഴിക്കേണ്ട ഭക്ഷണമാണ് നമ്മൾ പാഴാക്കുന്നതെന്നുള്ള ഉത്തമബോധ്യം നമ്മൾ ഓരോരുത്തർക്കും ഉണ്ടാവേണ്ടതുണ്ട്. 

ഇനിയുള്ള കാലം ഭക്ഷണത്തിനു വേണ്ട പ്രാധാന്യം നൽകാനും, ആവശ്യമില്ലാതെ ഭക്ഷണം പാഴാക്കുന്നത് ഒഴിവാക്കാനും സാധിക്കട്ടെ.