motivation-323

നമ്മൾ ഓരോരുത്തർക്കും ഓരോ നിമിഷത്തിലും ഒത്തിരിയേറെ ആഗ്രഹങ്ങൾ ഉണ്ടാകുമല്ലോ. നമ്മുടെ ആഗ്രഹങ്ങൾ എല്ലാം തന്നെ എല്ലായ്പോഴും സഫലമാകണമെന്നില്ല. ജീവിതത്തിൽ ഉയർച്ചകൾ കൈവരിക്കാൻ നമ്മൾക്ക് നല്ല ആഗ്രഹങ്ങൾ ഉണ്ടാവേണ്ടതുണ്ട്.

ഇന്നലെകളിൽ നമ്മൾക്കുണ്ടായ ആഗ്രഹങ്ങളാണ് നമ്മളെ ഇന്നിവിടെ വരെ ഒരുപക്ഷെ എത്തിച്ചത്. എന്തുകാര്യത്തിലും ശ്രമിച്ചു നോക്കിയാൽ മാത്രമാണ് മുന്നോട്ടു പോകുവാൻ കഴിയുകയുള്ളു.

നമ്മളുടെ അവസ്ഥകൾ ഇന്നിപ്പോൾ വളരെയേറെ മോശമാണെങ്കിൽ പോലും നാളെകളിൽ നമ്മുടെ അവസ്ഥകൾക്ക് നല്ലതായ മാറ്റങ്ങൾ ഉണ്ടാകുമെന്ന് സ്വപ്നം കാണാനും അതിനായി നല്ലതുപോലെ പരിശ്രമിക്കാനും കഴിയേണ്ടതുണ്ട്.

മുന്നോട്ടുള്ള ഓരോ ശ്രമങ്ങളും എപ്പോഴും വിജയം കൈവരിക്കണമെന്നില്ല. നമ്മൾ വിജയം നേടും വരെ നിരാശപ്പെട്ടിരിക്കാതെ പരിശ്രമിച്ചുകൊണ്ടിരിക്കുക.

നമ്മുടെ ഉള്ളിൽ ശക്തമായ ആഗ്രഹങ്ങൾ ഉണ്ടെങ്കിൽ തീർച്ചയായും നമ്മൾക്ക് ഒരുനാൾ നേട്ടങ്ങൾ കൈവരിക്കാൻ ഒരുപക്ഷെ കഴിഞ്ഞേക്കാം.

ഉള്ളിലെ ത്രിവമായ ആഗ്രഹങ്ങളാണ് ഓരോ കാര്യവും ചെയ്യാൻ നമ്മൾക്ക് ശക്തമായ പ്രേരണ നൽകുന്നത്. എന്തുകാര്യവും നമ്മൾക്ക് കിട്ടണമെങ്കിൽ നല്ലതുപോലെ കഷ്ടപ്പെടാൻ നമ്മൾ ഓരോരുത്തരും ഒരുക്കമാകേണ്ടതുണ്ട്.

നമ്മൾക്കുണ്ടായ പരാജയങ്ങളിൽ നിന്നും ശരിയായ വിധത്തിൽ പാഠങ്ങൾ ഉൾകൊള്ളാൻ പഠിക്കേണ്ടതുണ്ട്.

നമ്മൾ ആഗ്രഹിച്ചതെല്ലാം നമ്മൾക്ക് കിട്ടണമെന്നില്ല എന്നുള്ള ഉത്തമബോധ്യം നമ്മൾ ഓരോരുത്തർക്കും ഉണ്ടാവട്ടെ.

ഈ ലോകത്തുള്ള എല്ലാ മനുഷ്യർക്കും അവരുടേതായ പരിമിതികളുണ്ട്. നമ്മൾ എപ്പോഴും നല്ല ആഗ്രഹങ്ങളെയാണ് കൂടെ കൂട്ടേണ്ടത്.

നല്ല ആഗ്രഹങ്ങൾ നേടിയെടുക്കാൻ ആത്മാർത്ഥമായി പരിശ്രമിക്കാൻ, പ്രതിസന്ധികൾക്ക് മുന്നിൽ തളരാതെ പൊരുതാൻ നമ്മൾ എല്ലാവർക്കും ഇനിയുള്ള കാലം സാധിക്കട്ടെ.