സ്നേഹസ്പർശനമായി കൺമുൻപിൽ:A spark of love to open your eyes-116

116.ക്ഷമയോടെ കാത്തിരിക്കുക.

നമ്മളിൽ പലർക്കും പലപ്പോഴും ക്ഷമ നഷ്ടപ്പെടാറുണ്ട്.എന്തെങ്കിലും കിട്ടുമെന്ന് ഉറപ്പുണ്ടെങ്കിൽ ക്ഷമയോടെ എത്ര നേരം വേണമെങ്കിലും കാത്തിരിക്കാൻ നമ്മളിൽ പലരും ഒരു പക്ഷെ തയ്യാറായി എന്ന് വരും.ക്ഷമ നൽകാനും ക്ഷമ സ്വീകരിക്കാനും കഴിവുള്ളവർ ഭാഗ്യം ചെയ്തവരാണ്.തെറ്റുകൾ ആരുടെ ഭാഗത്തു നിന്നും എപ്പോൾ വേണമെങ്കിലും സംഭവിക്കാം, നമ്മുടെ ഭാഗത്തുനിന്നും ഉണ്ടായത് അബദ്ധം ആണെങ്കിൽ/തെറ്റ് പറ്റിയത് ആണെങ്കിൽ നമ്മൾ കാരണം മനസ്സ് വേദനിക്കപ്പെട്ട വ്യക്തിയോട് ക്ഷമ ചോദിക്കുക എന്നത് ആ വ്യക്തിയോട് നമ്മൾ കാണിക്കുന്ന മര്യാദയാണ്.

ക്ഷമയോടെ ഒരു പരിധി വരെ കാത്തിരിക്കാനെ ഭുരിഭാഗം മനുഷ്യർക്കും സാധിക്കുകയുള്ളു.

എത്ര നാൾ ക്ഷമയോടെ കാത്തിരുന്നാലാണ് നമ്മൾ ആഗ്രഹിച്ചത് നേടിയെടുക്കാൻ കഴിയുക എന്നത് ആർക്കും ഉറപ്പ് പറയാൻ കഴിയില്ലല്ലോ. എല്ലാത്തിനും അതിന്റെതായ സമയം ഉണ്ടല്ലോ.

എന്തിലും പൂർണ്ണത കൈവരിക്കണം എങ്കിൽ ക്ഷമയോടെ കാത്തിരിക്കേണ്ടി വരും.എന്തും നമ്മളെക്കൊണ്ട് പൂർത്തിയാക്കാൻ നിശ്ചിതസമയം വേണ്ടിവരും.നമ്മൾ ഓരോരുത്തരും എന്തിനു വേണ്ടിയാണെങ്കിലും ക്ഷമയോടെ കാത്തി രിക്കുന്നതിൽ അർത്ഥം ഉണ്ടാവണം, വെറുതെ കാത്തിരിക്കുന്നത് കൊണ്ട് ആർക്കാർക്കും യാതൊരു പ്രയോജനവും ഇല്ലല്ലോ.നമ്മൾ ചെയ്യുന്നത് നല്ലതെങ്കിൽ ക്ഷമയോടെ കാത്തിരിക്കുക, അതിന്റെതായ ഫലം ഒരുനാൾ ലഭിക്കുക തന്നെ ചെയ്യും.എല്ലാവർക്കും അവരവർക്ക് വേണ്ട കാര്യങ്ങൾക്കായി ക്ഷമയോടെ കാത്തിരിക്കാൻ ഇനിയുള്ള നാളുകൾ സാധിക്കട്ടെ.

Read More

സ്നേഹസ്പർശനമായി കൺമുൻപിൽ:A spark of love to open your eyes-115

115.ക്ഷണിക്കുക.

ജീവിതത്തെ സ്നേഹം കൊണ്ട് നിറക്കാൻ സ്നേഹത്തെ നമ്മുടെയൊക്കെ ജീവിതത്തിലേക്ക് ക്ഷണിക്കാം.സ്നേഹം എന്നും നിലനിൽക്കണമെങ്കിൽ നമ്മുടെയൊക്കെ ജീവിതത്തിൽ ക്ഷമ വേണം.മറ്റുള്ള 

വരോടുള്ള വെറുപ്പ്, വിദ്വേഷം, പക, പ്രതികാരചിന്ത എല്ലാം കൈവെടിയേണ്ടതുണ്ട് .നമ്മൾക്ക് ആവശ്യം ഉള്ളതുമാത്രം നമ്മുടെ ജീവിതത്തിലേക്ക് ക്ഷണിക്കാൻ നമ്മൾ ഓരോരുത്തർക്കും കഴിയട്ടെ.

Read More

സ്നേഹസ്പർശനമായി കൺമുൻപിൽ:A spark of love to open your eyes-114

114.കഷ്ടപാടുകൾ സഹിക്കാൻ തയ്യാറാവുക.

കഷ്ടപാടുകൾ സഹിക്കാത്ത ആരും തന്നെ നമ്മൾക്കിടയിൽ ഉണ്ടാവില്ലല്ലോ.എല്ലാവർക്കും ഓരോ കാര്യവും ചെയ്തു തീർക്കുന്നതിനു അതിന്റെതായ കഷ്ടപ്പാടുണ്ട്.കഷ്ടപ്പെടാതെ ആർക്കും ഒന്നും തന്നെ ഈ ലോകത്തു നേടാൻ കഴിയില്ലല്ലോ.

കഷ്ടപ്പാടുകൾ മാറാനാണ് നമ്മൾ എല്ലാവരും രാപകൽ ഇല്ലാതെ അധ്വാനിക്കുന്നത്.ആസ്വദിച്ചു ചെയ്യുമ്പോൾ പല കാര്യങ്ങളും കഷ്ടപ്പാട് ആയിട്ട് തോന്നുകയില്ല.എന്തുകാര്യവും ശീലം ആകുമ്പോൾ ചെയ്യാൻ എളുപ്പം ഉണ്ടാവും.ശീലം ആകുന്നതുവരെ എന്തു കാര്യത്തിലും തുടക്കത്തിൽ കഷ്ടപ്പാട് ആയിട്ട് തോന്നിയേക്കാം.കഷ്ടപ്പെടാനുള്ള മനസ്സുള്ളവർക്ക് കഷ്ടപ്പെടുന്നതിലൂടെ നേട്ടങ്ങൾ നേടാനുള്ള സാധ്യത കൂടുതൽ ഉണ്ടായേക്കാം.

ഒരാൾക്ക് പോലും ഓരോ നേട്ടങ്ങളും ഒറ്റ നിമിഷത്തിൽ ഉണ്ടാവുന്നതല്ലല്ലോ.നാളുകൾആയി ട്ടുള്ള കഷ്ടപ്പാടിന്റെ ഫലം ആയിരിക്കാം ഓരോരുത്തർക്കും ഉള്ളത്.എല്ലാവർക്കും കഷ്ടപ്പാ ടുകളെ അഭിമുഖികരിച്ചു ജീവിതത്തെ മനോഹരമായി മുന്നോട്ട് കൊണ്ടുപോകാൻ സാധിക്കട്ടെ.

കഷ്ടപ്പാടുകൾ സഹിക്കാൻ തയ്യാറാവുന്നവർക്കേ മുന്നോട്ട് വിജയം നേടാൻ കൂടുതൽ സാധ്യത ഉള്ളത്.

കഷ്ടപ്പെട്ട് നേടുന്നതിന്റെ സുഖം അതൊന്നു വേറെ തന്നെയാണല്ലോ.ജീവിതത്തിൽ ഒരുപാട് കഷ്ടപ്പാടു കളെ തരണം ചെയ്യേണ്ടി വന്നേക്കാം നമ്മൾ എല്ലാവർക്കും.നമ്മൾ എല്ലാവരും ആഗ്രഹിക്കുക നമ്മുടെ ഇപ്പോഴത്തെ കഷ്ടപ്പാടെല്ലാം മാറി പെട്ടെന്ന് തന്നെ സ്വസ്ഥം ആകാൻ കഴിയണം എന്നായിരിക്കും.

കഷ്ടപ്പാടുകൾ ഓരോരുത്തർക്കും ഓരോ വിധത്തിൽ ആയിരിക്കും.

നേട്ടങ്ങൾ സ്വന്തമാക്കാൻ കഷ്ടപ്പാടുകൾ സഹിക്കാൻ നമ്മൾ ഓരോരുത്തരും തയ്യാറാവേണ്ടതുണ്ട്.

ഇപ്പോഴത്തെ സുഖസൗകര്യം എല്ലാം ഉപേക്ഷി ക്കേണ്ടി വരും എന്തെങ്കിലും നമ്മൾക്ക് നേടണമെങ്കിൽ.കഷ്ടപ്പാടുകൾ എന്തെന്ന് തിരിച്ചറിഞ്ഞെങ്കിലെ മറ്റുള്ളവരുടെ കഷ്ടപ്പാടു കൾക്കും നമ്മൾക്കൊരു വില നൽകാൻ കഴിയുകയുള്ളു.കഷ്ടപ്പെട്ട് ജീവിക്കുന്ന ഒരുപാട് മനുഷ്യരുണ്ട് ഈ ലോകത്തിൽ.എല്ലാവരും ആഗ്രഹിക്കുക കഷ്ടപ്പെടാതെ സുഖമായി ജീവിക്കാനാണ്.ജീവിതത്തിൽ മുഴുവൻ കഷ്ടപ്പാടാണെന്ന് ചിന്തിച്ചിരിക്കാതെ, കഷ്ടപ്പാടിലും സന്തോഷം കണ്ടെത്താൻ നമ്മൾ എല്ലാവർക്കും സാധിക്കട്ടെ.കഷ്ടപ്പാടുകളെ സധൈര്യം നേരിടാൻ നമ്മൾ എല്ലാവർക്കും ഇനിയുള്ള കാലം കഴിയട്ടെ.

Read More

സ്നേഹസ്പർശനമായി കൺമുൻപിൽ:A spark of love to open your eyes-113

113.കഴിവില്ലാത്തവൻ/കഴിവില്ലാത്തവൾ എന്ന് നമ്മളെക്കുറിച്ച് മറ്റുള്ളവർ പറയുന്നത് കേൾക്കുന്നതിനെപ്പറ്റി.

നമ്മളെപ്പറ്റി പലരും പറയാൻ സാധ്യത ഉള്ള കാര്യമാണ് കഴിവില്ലാത്തവൻ അല്ലെങ്കിൽ കഴിവില്ലാത്തവൾ എന്നൊക്കെ.നമ്മൾ, നമ്മളെ തന്നെ കഴിവില്ലാത്തവരായി സ്വയം മനസ്സിൽ രൂപപ്പെടുത്തിയാൽ പിന്നെ നമ്മൾക്ക് നമ്മളെതന്നെ കഴിവുള്ള വ്യക്തിയായി തോന്നാൻ ഒരുപക്ഷെ സാധ്യതയില്ല.ഈ ലോകത്ത് ആരും തന്നെ ജനിച്ചപ്പോൾ തന്നെ കഴിവുള്ളവർ ആയിരുന്നില്ലല്ലോ, സാഹചര്യം അവരെ കഴിവുള്ളവരാക്കി മാറ്റി.നമ്മുടെ കഴിവുകൾ വളർത്തിയെടുക്കാൻ നമ്മൾ ഓരോരുത്തരും നല്ലതുപോലെ കഷ്ടപ്പെടുക തന്നെ ചെയ്യണം.

പലരും അവരുടെ അനുഭവം പങ്കുവെക്കുമ്പോൾ പല രാത്രികൾ കഷ്ടപ്പാടുകൾ സഹിച്ചുകൊണ്ട് കഴിച്ചുകൂട്ടിയതിനെപറ്റി പറയാറുണ്ട്.ഇന്ന് ഒരുപാട് സൗകര്യം അവർക്ക് നേടാൻ കഴിഞ്ഞത്, തന്റെ ചെറുപ്പകാലത്തിൽ അനുഭവിച്ച ദുരിതങ്ങൾ നൽകിയ പാഠങ്ങളാണ്.കഴിവുകൾ സ്വന്തമാക്കിയാൽ നമ്മൾക്ക് പരിധികൾ ഇല്ലാതെ ഒരുപാട് നേട്ടങ്ങൾ സ്വന്തമാക്കാനായിട്ട് സാധിക്കും.

നമ്മൾക്ക് ചുറ്റിലും ഉള്ള ആരെയും ഒരിക്കൽപോലും കഴിവില്ലാത്തവരായി കാണാതിരിക്കട്ടെ.

Read More

സ്നേഹസ്പർശനമായി കൺമുൻപിൽ:A spark of love to open your eyes-112

112.കഴിവ് തെളിയിക്കുക.

നമ്മൾ ഓരോരുത്തരിലും ഓരോ തരത്തിലുള്ള കഴിവുകൾ ഉണ്ട്.നമ്മൾ തന്നെ പരിശ്രമിച്ചാൽ മാത്രമേ നമ്മളിലുള്ള കഴിവുകൾ പുറത്തു കൊണ്ട് വരാൻ കഴിയുകയുള്ളു.നമ്മൾക്ക് മറ്റുള്ളവരുമായി താരതമ്യം ചെയ്തു നോക്കുമ്പോൾ അവരുടേതുപോലെ ഒരുപക്ഷെ കഴിവുകൾ ഉണ്ടായെന്നു വരില്ല..ഏത് വ്യക്തിയായാലും തന്നിലെ കഴിവ് കണ്ടെത്തി അതിനെ വളർത്തികൊണ്ട് വന്നാൽ മാത്രമെ വളർച്ച കൈവരിക്കാനും അതുവഴി നേട്ടങ്ങൾ സ്വന്തമാക്കാനും സാധിക്കുകയുള്ളു.എന്തിലും കൂടുതൽ കൂടുതൽ മികവ് തെളിയിക്കാൻ ആയിട്ട് പരിശീലനം ആവശ്യമാണ്.എല്ലാവർക്കും ആവശ്യമുള്ള കാര്യങ്ങളിൽ കഴിവ് തെളിയിക്കാൻ അവസരം കിട്ടട്ടെ.

Read More

സ്നേഹസ്പർശനമായി കൺമുൻപിൽ:A spark of love to open your eyes-111

111.കരുതലോടെ മുന്നോട്ട്.

നാളെയെക്കുറിച്ച് നമ്മൾ ഓരോരുത്തർക്കും കരുതൽ ഉണ്ടാവേണ്ടതിന്റെ ആവശ്യകത വളരെ അധികം പ്രാധാന്യം അർഹിക്കുന്ന ഒന്നാണ്.നാളയെ പറ്റി നാളെ ആലോചിച്ചാൽ പോരേ എന്തിനാണ് ഇപ്പോഴേ ആവലാതി പെടുന്നത് എന്ന് നമ്മളിൽ പലരും ചോദിച്ചേക്കാം.ഓരോരുത്തരുടെയും ജീവിത ചുറ്റുപാട് വ്യത്യാസം ആണ്.സ്വന്തം എന്ന് കരുതിയത് എല്ലാം സ്വന്തം അല്ലാതാവുന്ന നിമിഷം ഉണ്ട് നമ്മിൽ പലരുടെ

എങ്കിലും ജീവിതത്തിൽ.

സ്വന്തം എന്ന് കരുതാൻ ഈ ഭൂമിയിൽ ആരെങ്കിലും ഉണ്ടായിരുന്നു എങ്കിൽ ആഗ്രഹിക്കാത്ത മനുഷ്യർ കാണില്ല. ഭാവി യെക്കുറിച്ച് കരുതൽ വേണം നമ്മളുടെ ഓരോരുത്തരുടെയും ഭാവി ശോഭനം ആകാൻ.

നമ്മൾക്ക് എന്തെങ്കിലും കരുതാൻ ഇപ്പോൾ ഒന്നും കയ്യിൽ ഇല്ലെങ്കിലും നിരാശപ്പെടാതെ പരിശ്രമിച്ചുകൊണ്ടിരിക്കുക.

ജീവിതം ജീവിച്ചു തീർക്കുക.നഷ്ടങ്ങളെ ഓർത്തു ദുഖിച്ചിരിക്കാതെ നല്ലൊരു നാളെ ഉണ്ടാകും എന്ന് പ്രതീക്ഷയോടെ കാത്തിരിക്കുക.നമ്മുടെ വിലപ്പെട്ട സമയം നമ്മൾ നല്ലത് പോലെ ചില വഴിക്കുക.നമ്മൾ എല്ലാവർക്കും എന്നും കരുതലോടെ മുന്നോട്ട് പോകുവാൻ കഴിയട്ടെ.

Read More

സ്നേഹസ്പർശനമായി കൺമുൻപിൽ:A spark of love to open your eyes-110

110.കരുതൽ.

നമ്മൾ ഓരോരുത്തരും ദിനംപ്രതി ചെയ്യുന്ന ഓരോ കാര്യത്തിൽ കരുതൽ ഉള്ളവരാണ്. സന്തോഷത്തോടെ ജീവിതം മുന്നോട്ട് പോകുവാൻ കരുതൽ ഉണ്ടാവണം നമ്മൾ ഓരോരുത്തർക്കും.

നമ്മൾ ചെയ്യുന്ന ഓരോ കാര്യത്തിലും വേണ്ടത്ര കരുതൽ ഉണ്ടാവേണ്ടത് നമ്മുടെ ആവശ്യമാണ്.

ഭാവിയെ കുറിച്ചു കരുതൽ ഉണ്ടെങ്കിൽ മുന്നോട്ട് കാര്യങ്ങൾ കുറേകൂടി എളുപ്പത്തിൽ ചെയ്തു തീർക്കാൻ കഴിഞ്ഞേക്കും.മറ്റുള്ളവർ നമ്മളെപറ്റി എന്ത് കരുതും എന്ന് നമ്മളിൽ പലരും ചിന്തിക്കാറുണ്ട്.സ്നേഹം ഉള്ളിടത്തെ ഒരു പക്ഷെ കരുതൽ ഉണ്ടാവാൻ സാധ്യത ഏറെ ഉണ്ടാവുള്ളു.

നമ്മുടെ ഓരോരുത്തരുടെയും ജീവിതത്തിൽ കരുതലിന്റെ പ്രാധാന്യം വളരെ വലുതാണ്.മു ന്നോട്ടുള്ള വളർച്ച ആഗ്രഹിക്കുന്നുണ്ടെങ്കിൽ അവിടെയെല്ലാം നമ്മുടെ ഭാഗത്തു നിന്നുള്ള കരുതൽ ഉണ്ടാവേണ്ടത് അത്യാവശ്യമാണ്.എല്ലാ 

വർക്കും ജീവിതത്തിൽ സന്തോഷവും സമാധാനവും ഉണ്ടാവാനായിട്ട് ചെയ്യുന്ന എല്ലാ കാര്യത്തിലും ആവശ്യമായ കരുതൽ ഉണ്ടാവട്ടെ.

Read More

സ്നേഹസ്പർശനമായി കൺമുൻപിൽ:A spark of love to open your eyes-109

109.കരുത്ത്.

നമ്മൾ എല്ലാവരും എപ്പോഴും ആഗ്രഹിക്കുക കരുത്തോടെ ജീവിക്കാനാണ്.മാനസികമായി തളരുമ്പോൾ നമ്മൾക്ക് കരുത്തു കിട്ടുന്നത് നമ്മളുടെ വേണ്ടപ്പെട്ടവർ നമ്മളെ സഹായിക്കു മ്പോഴാണ്,അവരിൽ നിന്നും സ്നേഹം കിട്ടുമ്പോഴാണ്.പ്രതിസന്ധികളിൽ തളരാതെ മുന്നോട്ട് പോകുവാൻ ഓരോരുത്തർക്കും വേണ്ടത് ആന്മധൈര്യമാണ്.ഒരു ചുള്ളി കമ്പ് ഒടിക്കാൻ വളരെ എളുപ്പമാണ്.അതെ സമയം ഒരുകൂട്ടം ചുള്ളി കമ്പുകൾ ആണെങ്കിലോ ഒടിക്കാൻ വളരെ ബുദ്ധിമുട്ട് ആയിരിക്കും.കാരണം ചുള്ളികമ്പ് കൂട്ടമായപ്പോൾ കരുത്തു കൂടി.ചില സന്ദർഭങ്ങളിൽ ഉണ്ടാവുന്ന ബുദ്ധിമുട്ടുകളെ നേരിടാൻ ഒരു കൂട്ടം ആളുകളുടെ സഹായം വേണ്ടി വരും.

സന്തോഷകരമായ ജീവിതത്തിനു മാനസികമായി കരുത്തു ആർജിക്കേണ്ടതിന്റെ പ്രാധാന്യം എത്രത്തോളമുണ്ട് എന്ന് നമ്മൾ ഇനിയും തിരിച്ചറിയേണ്ടി ഇരിക്കുന്നു.നമ്മളുടെ ജീവിത ത്തിലുണ്ടാകുന്ന പ്രതിസന്ധികളെ അതിജീവി ക്കുവാൻ പരിശ്രമിക്കേണ്ടിയിരിക്കുന്നു.കരുത്തു കൂടുതൽ നേടാൻ നമ്മൾ തന്നെ ശ്രമിക്കേണ്ടതുണ്ട്.ഒരു പക്ഷെ നമ്മളെ സ്നേഹിക്കാൻ, സഹായിക്കാൻ ആരും ഉണ്ടായെന്നു വരില്ല എപ്പോഴും.പ്രതിസന്ധികളെ അതിജീവിക്കുകയാണ് കരുത്തു നേടാനുള്ള വഴി.

ഈ ലോകത്തു ഒത്തിരി വ്യക്തികൾ അവരുടെ പരിമിതികളെ കരുത്തുകൊണ്ട് അതിജീവിച്ചിട്ടുണ്ട്.പരിശ്രമങ്ങളാണ് അവരെ ഓരോരുത്തരെയും കരുത്തരാക്കിയത്.മുന്നോട്ടുള്ള വഴികളിൽ ഉണ്ടാകുന്ന പ്രതിസന്ധികളെ, ദുരിതങ്ങളെ, കഷ്ടപ്പാടുകളെ നേരിടുവാൻ നമ്മൾ ഓരോരുത്തരും കരുത്ത് ആർജിക്കേണ്ടതുണ്ട്.ഒരു പക്ഷെ നമ്മുടെ
വേണ്ടപ്പെട്ടവരുടെ സ്നേഹ ത്തോടെ ഉള്ള വാക്കായിരിക്കാം, സഹായങ്ങൾ ആകാം.നമ്മൾ എല്ലാവർക്കും നമ്മുടെ ഇഷ്ടമേഖലയിൽ കൂടുതൽ വിജയങ്ങൾ വരിക്കാൻ കരുത്തു നേടാൻ കഴിയട്ടെ.

Read More

സ്നേഹസ്പർശനമായി കൺമുൻപിൽ:A spark of love to open your eyes-108

108.ക്രമികരിക്കുക.

ഓരോ കാര്യവും ഭംഗിയാവണമെങ്കിൽ ആവശ്യമായ ക്രമികരണങ്ങൾ നടത്തേണ്ടതുണ്ട്.

ജീവിതത്തിൽ എല്ലാ കാര്യത്തിനും അതിന്റെതായ ക്രമികരണം ഉണ്ടെങ്കിലാണ് ഭംഗിയുണ്ടാ വുകയുള്ളു.നമ്മളെല്ലാം ഓരോ ദിവസവും നമ്മൾ ഏർപ്പെടുന്ന കാര്യത്തിൽ എല്ലാം എന്തെല്ലാം ക്രമികരണങ്ങളാണ് നടത്തികൊണ്ടിരിക്കുന്നത്.

പ്രകൃതി എന്തെല്ലാം ക്രമികരണങ്ങളാണ് ഓരോ ദിവസവും നമ്മൾക്കായി ചെയ്തുകൊണ്ടിരി ക്കുന്നത്.നമ്മളുടെ വളർച്ചയിൽ ഓരോ കാര്യവും കൃത്യമായി ക്രമികരിച്ചു ചെയ്യേണ്ടതിന്റെ ആവശ്യം വളരെ വലുതാണ്.ഒരു ആഘോഷ പരിപാടി നല്ലൊരു വിജയം ആകണമെങ്കിൽ പരിപാടിക്കുവേണ്ട ഓരോ കാര്യവും നല്ലത് പോലെ ക്രമികരിക്കേണ്ടതുണ്ട്.ഏതൊരു കാര്യത്തിനും ഭംഗിയായി ക്രമികരി ക്കാൻ കഴിഞ്ഞാൽ മാത്രമേ അടുക്കും ചിട്ടയും കൈവരികയുള്ളു.നമ്മൾക്ക് ആവശ്യമായ കാര്യങ്ങൾ നല്ലതുപോലെ ക്രമികരിക്കാൻ നമ്മൾ എല്ലാവർക്കും സാധിക്കട്ടെ.

Read More

സ്നേഹസ്പർശനമായി കൺമുൻപിൽ:A spark of love to open your eyes-107

107.കണ്ടുവരുന്ന പ്രവണത.

നമ്മളുടെ ചുറ്റിലും നടക്കുന്ന കാര്യങ്ങളിൽ നല്ല പ്രവണതയും മോശം പ്രവണതയും ഉണ്ടാകുമല്ലോ.

ഏതാണ് നല്ല പ്രവണത, ഏതാണ് മോശം പ്രവണത എന്നത് നമ്മൾ ഓരോരുത്തരും തിരിച്ചറിയേ ണ്ടിയിരിക്കുന്നു.മോശം പ്രവണതകൾഇല്ലാതെയാ ക്കാനുള്ള നിരന്തരമായ പരിശ്രമങ്ങൾ നമ്മുടെ ഓരോരുത്തരുടെയും ഭാഗത്തുനിന്നും ഉണ്ടാ വേണ്ടതുണ്ട്.

മോശം പ്രവണതകൾ ആരുടെ ഭാഗത്തുനിന്നുണ്ടായാലും ഒരു കാരണവശാലും പ്രോത്സാഹിപ്പിക്കാൻ പാടുള്ളതല്ല.നമ്മളെകൊണ്ട് കഴിയുന്നതുപോലെ മോശം പ്രവണതകളെ തിരുത്തികൊടുക്കണം, മോശം പ്രവണതകളെ ഇല്ലാതെയാക്കണം.മോശം പ്രവണതകളെ നിയന്ത്രി ക്കാൻ നമ്മൾ ഓരോരുത്തർക്കും കഴിയണം.നമ്മൾ എല്ലാവർക്കും നല്ല പ്രവണതകളെ വളർത്തികൊണ്ടുവരാനും മോശം പ്രവണതകളെ ശരിയായ വിധത്തിൽ ഇല്ലായ്മ ചെയ്യാനും സാധിക്കട്ടെ.

Read More