motivation-68

മറക്കാനാവാത്ത വേദനകൾ നമ്മൾക്ക് എപ്പോഴെങ്കിലും ഒരുപക്ഷെ അനുഭവപ്പെട്ടേക്കാം.

ഓരോ വേദനകൾക്ക് പിന്നിലും എന്തെങ്കിലുമൊക്കെ കാരണങ്ങൾ കാണും അതെല്ലാം വേണ്ട വിധത്തിൽ പരിഹരിക്കാൻ ശ്രമിക്കേണ്ടതുണ്ട്.

ഒരിക്കലും പ്രതീക്ഷിക്കാത്ത ദുഃഖകരമായ കാര്യങ്ങൾ നമ്മുടെ ജീവിതത്തിൽ ഉണ്ടാകുമ്പോൾ നമ്മളിൽ പലർക്കും വളരെയേറെ പ്രയാസങ്ങൾ അനുഭവപ്പെട്ടേക്കാം.

ഓരോ നിമിഷവും വിലപ്പെട്ടതാണ്, എങ്ങനെ സമയത്തെ നമ്മൾ ഓരോരുത്തരും ഉപയോഗപ്പെടുത്തുന്നു എന്നത് അനുസരിച്ചിരിക്കും സമയത്തിന്റെ ഫലങ്ങൾ നമ്മൾക്ക് ലഭിക്കുക.

ഇന്നലെകളിലെ നഷ്ടങ്ങൾ പലതും നമ്മൾക്ക് ഒത്തിരിയേറെ സങ്കടങ്ങൾക്ക് കാരണമായിട്ടുണ്ട്, ഇനി ഒരിക്കലും ആ നഷ്ടങ്ങൾ നമ്മളിൽ പലർക്കും നികത്താൻ കഴിയണമെന്നില്ല.

യാഥാർഥ്യം ഉൾകൊള്ളാൻ നമ്മൾക്കു കഴിയണം, നമ്മുടെ ഓരോരുത്തരുടെയും ജീവിതത്തിന് അർത്ഥം കണ്ടെത്താൻ കഴിയണം.

നമ്മളുടെ ഓരോ പ്രവർത്തിയും നമ്മുടെ ചുറ്റിലുമുള്ള ആർക്കെങ്കിലും സഹായം ആവുന്നതായിരിക്കാൻ പരമാവധി ശ്രദ്ധിക്കുക.

മരണം നമ്മൾ എല്ലാവരെയും തേടി ഒരു നാൾ വരും,അന്ന് നമ്മൾ ഈ ലോകത്തിൽ നിന്നും യാത്രയാകും. ഈ ലോകത്തിൽ അനുഭവിച്ച വേദനകൾ എല്ലാം നമ്മൾക്ക് ഒരുനാൾ നമ്മളിൽ നിന്നും അകലുമെന്ന് ആശ്വസിക്കാം.

ഓരോ മനുഷ്യർക്കും അവരുടേതായ സങ്കടങ്ങൾ ഒത്തിരിയുണ്ട്. സങ്കടം ഒഴിവാക്കാനുള്ള വഴി സമയത്തെ വേണ്ട രീതിയിൽ ഉപയോഗിക്കുക എന്നതാണ്.

സമയം പാഴാക്കിയിട്ട് സങ്കടപ്പെടുന്നതിൽ അർത്ഥമില്ല. ചെറുതും വലുതുമായ പല നഷ്ടങ്ങളും നമ്മുടെയൊക്കെ ജീവിതത്തിൽ പലപ്പോഴായി കടന്നുവന്നേക്കാം, അതിനെയെല്ലാം ധിരതയോടെ നേരിടാൻ, ആത്മവിശ്വാസത്തോടെ മുന്നേറാൻ നമ്മൾ എല്ലാവർക്കും ഇനിയുള്ള നാളുകളിൽ സാധിക്കട്ടെ.