സ്നേഹസ്പർശനമായി കൺമുൻപിൽ:A spark of love to open your eyes-102

102.ഓരോ കാര്യത്തിനും അതിന്റെതായ വില നൽകുക.

നമ്മളിൽ പലരും പല കാര്യത്തിനും അതിന്റെതായ വില നൽകാറില്ല പലപ്പോഴും.ഓരോന്നും നമ്മുടെ ജീവിതത്തിൽ നിന്നും നഷ്ടപ്പെടുമ്പോഴായിരിക്കും ഒരുപക്ഷെ അതിന്റെയെല്ലാം ശരിക്കും വില നമ്മൾ ഓരോരുത്തരും തിരിച്ചറിയുക.എന്തുകാര്യത്തിനും അതിന്റെതായ വിലയുണ്ട് എന്നത് നമ്മൾ ഇനിയും മനസ്സിലാക്കാതെ പോകരുത്.ആരെയും ഒന്നിനും കൊള്ളാത്തവർ എന്ന് പറഞ്ഞുകൊണ്ടു പുച്ഛിച്ചു തള്ളാതെ ഇരിക്കുവാൻ ശ്രമിക്കുക.സമയം പാഴാക്കാൻ ഉള്ളതല്ല എന്നുള്ള തിരിച്ചറിവ് ഇനിയെങ്കിലും നമ്മൾക്ക് ഉണ്ടാകണം.ജീവിതത്തിൽ എന്തെല്ലാം നമ്മൾക്ക് ആവശ്യമാണോ അതിനെല്ലാം നമ്മളെ സഹായിക്കുന്നത് നമ്മളുടെ വിലപ്പെട്ട സമയങ്ങളാണ്.സമയത്തെ എങ്ങനെ പ്രയോജന പ്പെടുത്താം എന്ന് ഇനിയെങ്കിലും നമ്മൾ ഗൗരവമായി തന്നെ കാണേണ്ട കാര്യമാണ് .

ജീവിതം നമ്മൾക്ക് സമ്മാനിക്കുന്ന സന്തോഷങ്ങളും ദുഃഖങ്ങളും ബുദ്ധിമുട്ടുകളും കഷ്ടപ്പാടുകളും ജീവിതത്തിന്റെ ഭാഗം തന്നെയാണ് എന്നത് മനസ്സിലാക്കുക.ആർക്കും സംഭവിക്കേണ്ട കാര്യങ്ങ ളിൽ നിന്നും രക്ഷപ്പെടാൻ കഴിഞ്ഞെന്ന് വരില്ലല്ലോ എല്ലാ സാഹചര്യത്തിലും.നമ്മളെ ദ്രോഹിച്ചവർ ഉണ്ടാവാം, നമ്മളെ വാക്കുകൾ കൊണ്ടു മുറിപ്പെടുത്തിയവർ ഉണ്ടാവാം, മോശമായി നമ്മളോട് പെരുമാറിയവർ ഉണ്ടാകാം. എല്ലാത്തിനെയും അതിജീവിക്കുക.

നമ്മളുടെ ജീവിതത്തിൽ സന്തോഷം കണ്ടെത്തണം എങ്കിൽ മറ്റു ആരും തന്നെ വിചാരിച്ചിട്ട് കാര്യം ഇല്ല, നമ്മൾ തന്നെ വിചാരിക്കണം എന്നത് ഒരിക്കലും മറക്കാതിരിക്കുക.

ആരൊക്കെ നമ്മളെ കുറ്റപ്പെടുത്തിയാലും അതിനെയെല്ലാം ശരിയായ വിധത്തിൽ മാത്രം ഉൾക്കൊണ്ട്‌ മുന്നോട്ട് പോകുവാൻ നമ്മൾ ഓരോരുത്തർക്കും സാധിക്കണം.മറ്റുള്ളവരുടെ ഭാഗത്തുനിന്നുള്ള തെറ്റുകൾ കൊണ്ടു നമ്മുടെ ജീവിതത്തിൽ വേദനകൾ ഉണ്ടായിട്ടുണ്ടെങ്കിൽ അതെല്ലാം ഓർത്തുകൊണ്ട് വിലപ്പെട്ട സമയം നഷ്ടപ്പെടുത്താൻ ഉള്ളതല്ല ഇനിയുള്ള സമയം എന്ന് നമ്മൾ ഓരോരുത്തരും ഇനിയെങ്കിലും തിരിച്ചറിയണം.നമ്മൾക്ക് എന്തെങ്കിലും നേടിയെടുക്കാൻ നമ്മൾ തന്നെ മുന്നിട്ടിറങ്ങണം, വേറെ ആരും നമ്മൾക്ക് പകരമായി മുന്നോട്ട് വന്നതുകൊണ്ടായില്ല.ഏതൊരു മേഖലയിലും അറിവിനും

അനുഭവസമ്പത്തിനും വളരെ അധികം പ്രാധാന്യമുണ്ടല്ലോ.എല്ലാവർക്കും അവരവരെ തന്നെ വിലയുള്ളതായി കാണാൻ ഇനിയുള്ള കാലം സാധിക്കട്ടെ.