motivation-223

നമ്മുടെ ചുറ്റുപാടും പ്രാധാന്യം കൊടുക്കേണ്ട ഒത്തിരി കാര്യങ്ങളുണ്ട്. പ്രാധാന്യം കൊടുക്കേണ്ട പലതിനും നമ്മൾ വേണ്ടതുപോലെ പ്രാധാന്യം കൊടുക്കാത്തതുകൊണ്ടാണ് നമ്മളിൽ പലർക്കും പല കാര്യത്തിലും ഒരുപക്ഷെ ബുദ്ധിമുട്ട് നേരിടേണ്ടി വരുന്നത്.

സമയത്തിനും, സമ്പത്തിനും, പഠനത്തിനും, ആരോഗ്യത്തിനും, ബന്ധങ്ങൾക്കും ആവശ്യമായ പ്രാധാന്യം നൽകാൻ നമ്മൾക്ക് കഴിയേണ്ടതുണ്ട്.

പ്രധാനപ്പെട്ട കാര്യങ്ങൾക്ക് പ്രഥമ പരിഗണന കൊടുക്കേണ്ടതുണ്ട്.ഇന്ന് പ്രാധാന്യമുള്ള പലതിനും നാളെകളിൽ പ്രാധാന്യം ഉണ്ടാവണമെന്നില്ല. ഇന്ന് പ്രാധാന്യം ഇല്ലാത്ത പലതിനും നാളെകളിൽ പ്രാധാന്യം ഒരുപക്ഷെ ഉണ്ടായെന്നും വരാം.

കാലഘട്ടത്തിനനുസരിച്ചു കൊടുക്കേണ്ട പ്രാധാന്യങ്ങൾക്ക് വ്യത്യാസങ്ങൾ ഉണ്ടായേക്കാം.

പല മേഖലയിലും ജോലി നേടാൻ പരിശീലനവും പഠനവും പരിശ്രമവും ആവശ്യമാണ്, ഇവയ്ക്കെല്ലാം വേണ്ട പ്രാധാന്യം കൊടുക്കാൻ കഴിഞ്ഞില്ലെങ്കിൽ നല്ലതുപോലെ ഇഷ്ടമുള്ള ജോലി കണ്ടെത്താൻ സാധിക്കണമെന്നില്ല.

ആരോഗ്യത്തിന് പ്രാധാന്യം കൊടുക്കുന്നവർ ആരും തന്നെ ആരോഗ്യം നശിപ്പിക്കുന്ന കാര്യങ്ങളിൽ ഏർപ്പെടുകയില്ല.

നമ്മളെകൊണ്ട് പറ്റാവുന്ന സാഹചര്യത്തിൽ പ്രാധാന്യം നൽകേണ്ടതിന്റെ ആവശ്യകത മറ്റുള്ളവരെ മനസ്സിലാക്കിക്കാൻ കഴിയട്ടെ.

പ്രായത്തിന്റെ അറിവില്ലായ്മയിൽ പല കാര്യത്തിലും വേണ്ടതുപോലെ പ്രാധാന്യം നൽകാൻ നമ്മളിൽ പലർക്കും ഒരുപക്ഷെ കഴിഞ്ഞെന്നു വരില്ല.

പ്രാധാന്യം വേണ്ടതുപോലെ നൽകാൻ കഴിയാത്തതുമൂലം പല കാര്യത്തിലും നമ്മളിൽ പലർക്കും ഒത്തിരിയേറെ നഷ്ടങ്ങൾ, വേദനകൾ നേരിടേണ്ടി വന്നിട്ടുണ്ടാവാം.

പല കാര്യത്തിലും നഷ്ടങ്ങൾ സംഭവിക്കുമ്പോഴായിരിക്കും പലപ്പോഴും തിരിച്ചറിവുകൾ ഉണ്ടാവുന്നത്. പല നഷ്ടങ്ങളും നമ്മൾ എത്ര ശ്രമിച്ചാൽ പോലും നികത്താൻ ഒരുപക്ഷെ സാധിച്ചെന്നു വരില്ല.

ഇനിയുള്ള കാലം പ്രധാനപ്പെട്ട കാര്യങ്ങൾക്ക് വേണ്ട പ്രാധാന്യം നൽകാൻ നമ്മൾക്ക് കഴിയട്ടെ.