motivation-251

നമ്മുടെയൊക്കെ ജീവിതത്തിൽ ഉയർച്ചകളും താഴ്ചകളുമൊക്കെ പലപ്പോഴായി ഉണ്ടായെന്നു വരാം.

നമ്മൾക്കുണ്ടാകുന്ന താഴ്ചകളിൽ തളരാതെ മുന്നോട്ടു പോകുവാൻ നമ്മൾ ഓരോരുത്തർക്കും സാധിക്കേണ്ടതുണ്ട്.

നമ്മൾ ആഗ്രഹിച്ചതുപോലെ എല്ലായ്പോഴും നമ്മുടെയൊക്കെ ജീവിതത്തിൽ നേട്ടങ്ങൾ സംഭവിക്കണമെന്നില്ല. നമ്മൾക്കുണ്ടാകുന്ന ഓരോ തോൽ‌വിയിൽ നിന്നും പാഠങ്ങൾ പഠിക്കേണ്ടതുണ്ട്.

എന്തു കാര്യത്തിലും ഉയർച്ച ഉണ്ടാവണമെങ്കിൽ നമ്മുടെ ഭാഗത്തു നിന്നും നല്ലതുപോലെ പരിശ്രമം ആവശ്യമാണ്.

നമ്മൾക്കുണ്ടാകുന്ന ഓരോ പരാജയത്തിന്റെയും കാരണങ്ങൾ കണ്ടെത്തേണ്ടതും ശരിയായ വിധത്തിൽ പരിഹരിക്കാൻ കഴിയേണ്ടതുമുണ്ട്.

ഇന്നലെകളിലെ മോശപ്പെട്ട അവസ്ഥകളിൽ നിന്നും, നമ്മുടെയൊക്കെ ജീവിതത്തിൽ ഉയർച്ചകൾ നേടുമെന്ന് ഉറച്ചു വിശ്വസിക്കുവാൻ സാധിക്കേണ്ടതുണ്ട്, അതിനായി കഠിനാധ്വാനം ചെയ്യേണ്ടതുണ്ട്.

മറ്റുള്ളവരുടെ കുറ്റപ്പെടുത്തലുകളിൽ, നിരുത്സാഹപ്പെടുത്തലുകളിൽ, വിമർശനങ്ങളിൽ, കളിയാക്കലുകളിൽ തളരാതെ, നിരാശപ്പെട്ടിരിക്കാതെ, പ്രതീക്ഷയോടെ മുന്നേറാൻ നമ്മൾ ഓരോരുത്തർക്കും സാധിക്കേണ്ടതുണ്ട്.

നാളെകളിൽ ഉയർച്ച നേടണമെങ്കിൽ നല്ലതുപോലെ ഇന്നത്തെ ദിവസം അലസതകളെ ഒഴിവാക്കികൊണ്ട് പൂർണ്ണമായി വിജയത്തിനുവേണ്ടി പരിശ്രമിക്കേണ്ടതായിട്ടുണ്ട്.

ഉയർച്ച നേടുക തന്നെ ചെയ്യുമെന്ന് ഉറച്ചു വിശ്വസിച്ചുകൊണ്ട് മുന്നേറാൻ നമ്മൾ എല്ലാവർക്കും സാധിക്കട്ടെ.