നേർവഴി സഞ്ചാരങ്ങൾ:Straight Path Journeys-137

നല്ല അവസരങ്ങൾ എപ്പോഴും നമ്മൾക്ക് മുന്നിലേക്ക് കടന്നുവരണമെന്നില്ല. നമ്മൾ, നമ്മൾക്ക് കിട്ടിയ ഓരോ നല്ല അവസരങ്ങളെയും വേണ്ടതുപോലെ ഉപയോഗപ്പെടുത്തണം.

നല്ല അവസരങ്ങൾ നഷ്ടപ്പെടുത്തിയിട്ട് വിഷമിച്ചിരിക്കുന്നതിൽ അർത്ഥമില്ല. നല്ല അവസരങ്ങൾക്കായി നിരന്തരം ശ്രമിച്ചുകൊണ്ടിരിക്കുക.

നമ്മൾ എത്രത്തോളം ശ്രമിക്കുന്നുവോ അതിനനുസരിച്ചു മാത്രമേ നല്ല അവസരങ്ങളും, അതിലുടെ നേട്ടങ്ങളും നമ്മൾക്ക് ലഭിക്കുകയുള്ളു.

ഇന്നലെകൾ കടന്നുപോയി, ഇനിയുള്ള നാളുകൾ അലസമായി ചിലവഴിക്കാതെ വേണ്ട രീതിയിൽ ഉപയോഗപ്പെടുത്താൻ ശ്രമിക്കുക.

അവസരങ്ങളെ വേണ്ടതുപോലെ ഉപയോഗിച്ചതുകൊണ്ടാണ് നമ്മളിൽ പലർക്കും നേട്ടങ്ങൾ സ്വന്തമാക്കാൻ സാധിച്ചിട്ടുള്ളത്.

അവസരങ്ങൾ എപ്പോഴാണ് ഉണ്ടാവുകയെന്നൊന്നും ആർക്കും ഉറപ്പ് പറയാൻ കഴിയില്ല. കിട്ടുന്ന ഓരോ നല്ല അവസരവും വേണ്ടതുപോലെ ഉപയോഗപ്പെടുത്തുക.

നമ്മളിലേക്ക് ആരും നല്ല അവസരം എപ്പോഴും കൊണ്ടു വന്നു തരില്ല, നമ്മളായിട്ട് അന്വേഷിച്ചു കണ്ടെത്തണം.

നല്ല അവസരങ്ങൾ വേണ്ടതുപോലെ ഉപയോഗിച്ചാൽ മാത്രമേ ഉയരങ്ങളിൽ എത്തിച്ചേരാൻ കഴിയുകയുള്ളു.

നമ്മുടെ ചുറ്റുപാടും ഓരോ നിമിഷവും പുതിയ സാധ്യതകൾ തുറന്നുകിടപ്പുണ്ട്. ആ സാധ്യതകൾ കണ്ടെത്തികൊണ്ട് ഉപയോഗപ്പെടുത്താൻ സാധിക്കണം.

നമ്മൾ സാഹചര്യം അനുസരിച്ചു മാറ്റങ്ങൾ ഉൾകൊള്ളാൻ തയ്യാറാവണം. ഇന്നലെകളിൽ ഉണ്ടായിരുന്ന പലതും ഇന്നിപ്പോൾ ഓർമ്മകൾ മാത്രമായി. കാലഘട്ടത്തിന്റെ മാറ്റം ഉൾകൊള്ളാൻ കഴിഞ്ഞില്ലെങ്കിൽ നമ്മൾ പലയിടത്തുനിന്നും ഒഴിവായിപോകും.

നല്ല അവസരങ്ങൾ കിട്ടുമ്പോൾ അതൊക്കെ വേണ്ടതുപോലെ ഉപയോഗിക്കാൻ കഴിയണം.

കിട്ടുന്ന അവസരങ്ങൾ നല്ലതാണോ മോശമാണോയെന്ന് പരിശോധിക്കണം. മോശപ്പെട്ട അവസരങ്ങളെ ഒഴിവാക്കണം.

മറ്റുള്ളവരെ കുറ്റപ്പെടുത്തിയും, സാഹചര്യത്തെ കുറ്റം പറഞ്ഞുമിരുന്നാൽ നമ്മൾ എവിടെയും എത്തുകയില്ല.

ഇന്നലെകളിലെ പരാജയങ്ങളെയും, നഷ്ടങ്ങളെയും, ഒറ്റപ്പെടുത്തലുകളെയും, കുറ്റപ്പെടുത്തലുകളെയും കുറിച്ചു ആലോചിച്ചു നിരാശപ്പെട്ടിരുന്നാൽ നമ്മുടെ വിലപ്പെട്ട സമയങ്ങളാണ് നഷ്ടപ്പെടുകയെന്നത് തിരിച്ചറിയുക.

നമ്മൾ നേട്ടങ്ങൾ സ്വന്തമാക്കാനായി നല്ലതുപോലെ കഷ്ടപ്പെടാൻ തയ്യാറാവുക.നല്ല അവസരങ്ങൾ നമ്മളിലേക്ക് എത്തിച്ചേരുമ്പോൾ, കിട്ടുന്ന നല്ല അവസരത്തെ വേണ്ടതുപോലെ ഉപയോഗപ്പെടുത്താൻ ഇനിയെങ്കിലും സാധിക്കട്ടെ.