DAILY MOTIVATION WORDS

 

319.വേർതിരിവ്.

നമ്മൾ ഓരോരുത്തരും പല കാര്യത്തിലും മറ്റുള്ളവരിൽ നിന്നും പലപ്പോഴായി വേർതിരിവ് നേരിട്ടിട്ടുള്ളവർ ആയിരിക്കാം.ഒരുപക്ഷെ നമ്മളിൽ പലരും പല കാരണങ്ങൾകൊണ്ടും മറ്റുള്ളവരോട് വേർതിരിവ് കാണിച്ചിട്ടുണ്ടാകാം. വേർതിരിവ് ആവശ്യം ആയിട്ടുള്ള സന്ദർഭവും, ആവശ്യം ഇല്ലാത്ത സന്ദർഭങ്ങളും നമ്മുടെയൊക്കെ ജീവിതത്തിൽ എപ്പോഴെങ്കിലും ഉണ്ടാവാം. ഒരു പക്ഷേ നമ്മളോട് പലരും പല കാര്യത്തിലും വേർതിരിവ് കാണിക്കാറുണ്ടായിരിക്കാം.

മറ്റുള്ളവർ നമ്മളോട് കാണിക്കുന്ന വേർതിരിവിന് കാരണങ്ങൾ പലതുമുണ്ടാകാം. പലരും അവരുടെ ജീവിതത്തിലുണ്ടായിട്ടുള്ള വേർതിരിവുകൾ നൽകിയ വേദനകൾ പൊതുസമൂഹത്തിന്റെ മുൻപിൽ പങ്കുവെച്ചിട്ടുണ്ട്. ആ സാഹചര്യത്തി ലൂടെ കടന്നുപോയവർക്കേ അതിന്റെ ബുദ്ധിമുട്ട് യഥാർത്ഥത്തിൽ മനസ്സിൽ ആവുകയുള്ളു.

വേർതിരിവ് മനുഷ്യൻ ഭൂമിയിൽ ഉള്ളിടത്തോളം കാലം ഒരു പക്ഷെ ഉണ്ടായിരിക്കാം.നമ്മൾ ഓരോരുത്തരും എടുക്കുന്ന വേർതിരിവുകൾ എന്തെങ്കിലും പ്രയോജനം ചെയ്യുന്നുണ്ടോ എന്ന് പരിശോധിക്കേണ്ടിയിരിക്കുന്നു.വേർതിരിവ് കൊ ണ്ട് ഗുണവും ദോഷവും ഉണ്ടായേക്കാം ഒരു പക്ഷെ, അതെല്ലാം നമ്മളുടെ തിരഞ്ഞെടുപ്പ് പോലെയിരിക്കും.നമ്മുടെ ജീവിതം സ്വയം പരിശോധിച്ചു നോക്കിയാൽ അറിയാം എന്തെല്ലാമാണ് നമ്മൾക്ക് ആവശ്യം ഇല്ലാത്തതെന്നും, ആവശ്യം ഉള്ളതെന്നും. വേർതി രിവ് കൊണ്ടുള്ള ഗുണവും ദോഷവും മനസ്സിലാക്കി ഉചിതമായ തീരുമാനം എടുക്കാൻ എല്ലാവർക്കും സാധിക്കട്ടെ.