ഉൾകൊള്ളാൻ ഉൾകാഴ്ചകൾ:The Art of innerspring insight-286

 ഒത്തിരി നാളായി ഒരു മാറ്റം വേണമെന്ന് നമ്മളിൽ പലരും പറയാറുണ്ട്. പലപ്പോഴും മറ്റുള്ളവരെ മാറ്റാൻ ആണ് നമ്മൾ ശ്രമിക്കാറുള്ളത്.

ജീവിതം ഓരോ നിമിഷവും മാറി കൊണ്ടിരിക്കുകയാണ്.

നമ്മൾ ജീവിക്കുന്ന ലോകത്തിലെ ഓരോ മനുഷ്യർക്കും ഓരോ തരത്തിലുള്ള ബുദ്ധിമുട്ടുകൾ ഉണ്ട്, അതിലെ പല ബുദ്ധിമുട്ടുകളും കുറയാൻ ഇടയാക്കിയത് ഓരോ കണ്ടുപിടിത്തങ്ങളാണ്.

ഇവിടെ നമ്മുടെ ജീവിതത്തിൽ പലതും നമ്മൾ ഒരു നല്ല മാറ്റത്തിനായി ഉപേക്ഷിക്കാൻ തയ്യാറാവണം. ചെറിയൊരു തുടക്കം ആണ് വലിയൊരു മാറ്റത്തിനു കാരണം ആകുന്നത്.

മാറ്റം നമ്മളിൽ നിന്നും ആണ് തുടങ്ങേണ്ടത്, ബാക്കി എല്ലാവരും മാറിയിട്ടേ ഞാൻ മാറുകയുള്ളൂ എന്ന് പറഞ്ഞിരുന്നാൽ ഒരു പക്ഷെ ഒത്തിരി കാലം കാത്തിരിക്കേണ്ടി വന്നേക്കാം നമ്മൾ പ്രതീക്ഷിക്കുന്ന മാറ്റം അവരിൽ വരാനായിട്ട്.

ആരുടെയെങ്കിലും ജീവിതത്തിൽ നിന്നും വേദനകൾ ഒഴിവാക്കാൻ കഴിഞ്ഞാൽ അത് നമ്മളെകൊണ്ട് ചെയ്യാൻ കഴിയുന്ന വലിയൊരു കാര്യമാണ്.

നല്ല പ്രവർത്തി മൂലം മറ്റുള്ളവർക്കും നല്ലത് ചെയ്യാൻ കഴിഞ്ഞാൽ അത് വലിയൊരു മാറ്റത്തിനു കാരണമായിതീരും, അതിനു എല്ലാവർക്കും കഴിയട്ടെ.