ഉൾകൊള്ളാൻ ഉൾകാഴ്ചകൾ:The Art of innerspring insight-309

 നമ്മൾ പലപ്പോഴും മുന്നോട്ടുള്ള വഴികളിൽ  നേരായിട്ടുള്ള വഴി കാണാതെ ഒരുപക്ഷെ വഴിതെറ്റി പോകാറുണ്ട്.

എന്താണ് ഈ ലോകത്തിൽ ഒരു മനുഷ്യനെ ഏറ്റവും കൂടുതൽ വഴിതെറ്റിക്കുന്നത്.ഒരു പക്ഷെ നിരവധിയായ പ്രലോഭനങ്ങൾ ആവാം, മോഹനവാഗ്ദാനങ്ങൾ ആവാം, സമ്പാദ്യങ്ങൾ ആവാം, സ്ഥാനമാനങ്ങൾ ആവാം, അധികാരം ആവാം.

തെറ്റായ സന്ദേശം നമ്മളെ ആരെയായാലും വഴി തെറ്റിക്കും.നമ്മൾ ആരെയും വഴിതെറ്റിക്കാൻ ഇടയാവാതിരിക്കട്ടെ.വഴിതെറ്റിക്കാൻ പലതുമായി പലരും നമ്മുടെ കൺമുൻപിൽ കടന്നു വന്നേക്കാം.ഓരോ സമയത്തും നമ്മൾ എടുക്കുന്ന ശരിയായ തീരുമാനമാണ് നമ്മളെ നേരായ വിധത്തിൽ മുന്നോട്ട് നയിക്കുക.വഴിതെറ്റാനുള്ള സാഹചര്യം ഒഴിവാക്കാൻ നമ്മൾ ഓരോരുത്തരും നിരന്തരം പരിശ്രമിക്കേണ്ടതുണ്ട്.

വഴിതെറ്റി പോയ ജീവിതം നേർവഴിക്ക് കൊണ്ടുവരാൻ നമ്മൾ ഓരോരുത്തരുടെയും ഭാഗത്തുനിന്നും നിരന്തരമായ പരിശ്രമം ആവശ്യമാണ്. വഴിതെറ്റി പോയവരോട് അവരുടെ തെറ്റിന്റെ ആഴം മനസ്സിലാക്കി ജീവിതത്തിലേക്ക് തിരികെ കൊണ്ടുവരാൻ നമ്മൾ ഓരോരുത്തർക്കും സാധിക്കട്ടെ.ആവശ്യത്തിന് സ്നേഹമോ പരിഗണനയോ ഒന്നും കിട്ടാത്തത് ആയിരിക്കാം പലർക്കും വഴിതെറ്റിപോകാൻ ദുഷ്പ്രേരണ നൽകുന്നത്.

 

ശരിയായ തീരുമാനങ്ങൾ സമയത്തിനുതന്നെ എടുക്കാൻ സാധിക്കാതെ വഴിതെറ്റിപ്പോയി പിന്നിടുള്ള കാലം ദുരിതത്തിലായി ജീവിതം തള്ളിനിക്കുന്ന ഒരുപാട് മനുഷ്യരുണ്ട് നമ്മുടെ ചുറ്റിലും.വഴിതെറ്റിപോയ നിമിഷങ്ങളെ ഓർത്തു ഭാവിയിൽ ദുഃഖിക്കാൻ ഇടവരാതിരിക്കാൻ വഴിതെറ്റിപോകാനുള്ള സാഹചര്യം ഒഴിവാക്കാൻ ഇപ്പോൾ മുതൽ തന്നെ നമ്മൾ ഓരോരുത്തർക്കും കഴിയട്ടെ.