ഉൾകൊള്ളാൻ ഉൾകാഴ്ചകൾ:The Art of innerspring insight-313

 വാശിയോടെ പഠനത്തിൽ ഏർപ്പെടണം എന്ന് ആഗ്രഹിക്കുന്ന എത്രയോ വ്യക്തികളുണ്ട്.

നമ്മൾ ഒരു ലക്ഷ്യത്തിന് വേണ്ടി തുനിയുക, അതിനിടയിൽ ഒത്തിരി പ്രതിസന്ധികൾ കടന്നുവന്നേക്കാം, അതിനെയെല്ലാം ധിരമായി നേരിടുക.

നമ്മൾ ആഗ്രഹിക്കുന്നത് പോലെ ജീവിതം മുന്നോട്ട് പോകണം എന്നില്ല എപ്പോഴും.നമ്മുടെ മുന്നിൽ കടന്നു വരുന്ന പ്രതിസന്ധികളെ അതിജീവിക്കാൻ നമ്മളിൽ വാശി ഉണ്ടാകണം.

ഒരു വട്ടം പരിശ്രമിച്ചു, തോറ്റു കഴിഞ്ഞാൽ പിന്നെയും പരിശ്രമിക്കണം എങ്കിൽ നമ്മളിൽ ജയിക്കണം, ജയിച്ചേ പറ്റുള്ളൂ എന്നൊരു വാശി ഉണ്ടാകണം.

നമ്മുടെ ഉള്ളിലെ വാശികൾ എന്നും നമ്മുടെ നല്ലതിന് വേണ്ടി മാത്രം ആയിരിക്കണം, മറ്റുള്ളവരെ വേദനിപ്പിക്കാനോ ദ്രോഹിക്കാനോ ഉള്ളത് ആകരുത്.

ഇന്നലെകളിലെ തെറ്റുകൾ ഓർത്തു വിഷമിക്കാതെ ഇനി എന്ത് ചെയ്യാൻ കഴിയും എന്ന് ആലോചിക്കുക.

ഓരോ അനുഭവത്തിൽ നിന്നും നല്ല നല്ല പാഠങ്ങൾ പഠിക്കുക.

തെറ്റിൽ നിന്നും അകന്നു നിൽക്കുക.

നമ്മൾ, നമ്മൾക്ക് ആവശ്യം ഇല്ലാത്ത വാശികൾ ഒഴിവാക്കികൊണ്ടു നമ്മുടെ നല്ലൊരു നാളെക്കായി അധ്വാനിക്കുക.

നമ്മുടെ ഭാഗത്ത്‌ നിന്ന് തെറ്റ് പറ്റിയാൽ ക്ഷമ ചോദിക്കുക, മനസ്സിൽ ആരോടും വാശി കൊണ്ടു നടക്കാതെ ഇരിക്കുക.

ആലോചിക്കുക നമ്മുടെ ഉള്ളിൽ കൊണ്ട് നടക്കുന്ന വാശി നല്ലതാണോ അല്ലയോ എന്ന്.എല്ലാവർക്കും നല്ലൊരു ലക്ഷ്യത്തിനായി, മറ്റാർക്കും ബുദ്ധിമുട്ട് ഉണ്ടാവാത്ത വിധത്തിൽ, മറ്റുള്ളവരുടെ മുൻപിൽ വിജയിച്ചുകാണിക്കാൻ നല്ല രീതിയിൽ ഉള്ള വാശി ഉണ്ടാകട്ടെ.

ആവശ്യം ഇല്ലാതെ വാശി പിടിച്ചിരുന്നാൽ നമ്മുടെ മുൻപിൽ വരുന്ന ഓരോ അവസരങ്ങളും നമ്മൾക്ക് ചിലപ്പോൾ നഷ്ടം ആയേക്കാം.

നമ്മുടെ കഴിഞ്ഞകാലത്തിലെ ഓരോ വാശികളെയും എടുത്തു പരിശോധിക്കുക, അതിലുടെ എന്തൊക്കെ നേടാൻ പറ്റി, എന്തെല്ലാം അവസരങ്ങൾ നഷ്ടപ്പെട്ടു എന്നൊക്കെ അറിയാൻ കഴിയും.

എല്ലാവർക്കും പരസ്പരം വാശിയില്ലാതെ ജീവിതം മുന്നോട്ട് കൊണ്ടുപോകാൻ കഴിയട്ടെ.