സ്നേഹസ്പർശനമായി കൺമുൻപിൽ:A spark of love to open your eyes-347

നമ്മുടെ ജീവിതത്തിൽ ഏറ്റവും പ്രധാനപ്പെട്ട കാര്യം എന്നത്, സമയം എങ്ങനെ ചിലവഴിക്കുന്നു എന്നതാണ്. സമയം ഒരിക്കലും നമ്മൾക്ക് വേണ്ടി കാത്തിരിക്കില്ലല്ലോ. നിരാശചിന്തകളാണ് നമ്മുടെ വിലപ്പെട്ട സമയം പലപ്പോഴും നഷ്ടപ്പെടുത്തികൊണ്ടിരിക്കുന്നത്. ജീവിതത്തിൽ നഷ്ടങ്ങൾ ഉണ്ടാവാം അതിപ്പോൾ സമയത്തിന്റെ കാര്യത്തിൽ ആയാൽ പോലും , എന്ന് കരുതി കഴിഞ്ഞ കാല നഷ്ടങ്ങളിലേക്ക് നോക്കി കൊണ്ടിരുന്നാൽ വിഷമിക്കാൻ മാത്രമേ നമ്മൾക്കൊക്കെ ഒരുപക്ഷെ നേരം കാണുള്ളൂ. ഏതൊരു വിഷമവും കാലങ്ങൾ കൊണ്ടു കുറഞ്ഞെന്നു വരാം, ചിലർക്ക് പഴയ ഓർമ്മകൾ വേദനകൾ സമ്മാനിക്കുമായിരിക്കും, അതെല്ലാം മാറ്റിയെടുക്കാൻ നമ്മളുടെ വിലപ്പെട്ട സമയത്തെ പൂർണ്ണമായ തോതിൽ പ്രയോജനപ്പെടുത്തി എടുക്കേണ്ടതാണ്.

 

നമ്മുടെ ജീവിതം വിലയുള്ളതായി മാറാൻ നമ്മുടെ സമയം പ്രയോജനപ്പെടുത്തുന്ന കാര്യങ്ങൾക്കായി മാറ്റിവെക്കേണ്ടതുണ്ട്. നമ്മൾക്ക് ആവശ്യമായിട്ടുള്ള കാര്യങ്ങൾക്കുവേണ്ടി നമ്മൾ തന്നെ മുന്നിട്ടിറങ്ങണം, നമ്മളെപ്പറ്റി മോശം പറയുന്നവർ ഉണ്ടാവാം, അപവാദം പറയുന്നവർ ഉണ്ടാവാം, അതെല്ലാം ഒഴിവാക്കി നമ്മുടെ ലക്ഷ്യങ്ങളെ മുന്നിൽ കണ്ടുകൊണ്ട് പരിശ്രമിക്കാൻ നമ്മൾ എല്ലാവർക്കും കഴിയണം.

 

നമ്മൾ മനസ്സ് വെക്കാതെ ആർക്കും നമ്മളെ മാനസികമായി തളർത്താൻ കഴിയില്ല. ഓരോ കാര്യത്തിനുവേണ്ടിയും നിശ്ചിത സമയം മാറ്റിവെക്കുക. സമയം നഷ്ടപ്പെടുത്തി കളയുന്ന കാര്യങ്ങൾ ഉപേക്ഷിക്കുക. നല്ല കാര്യങ്ങൾക്കായി സമയം മാറ്റിവെച്ചാൽ നമ്മുടെ ശരീരത്തിനും മനസ്സിനും സന്തോഷവും സംതൃപ്തിയും ലഭിച്ചേക്കാം. എല്ലാവർക്കും സമയത്തെ വേണ്ട വിധം പ്രയോജനപ്പെടുത്താൻ സാധിക്കട്ടെ.