സ്നേഹസ്പർശനമായി കൺമുൻപിൽ:A spark of love to open your eyes-357

ആരോടും പരാതിയും പരിഭവങ്ങളും ഇല്ലാതെ എല്ലാം സഹിച്ചും ക്ഷമിച്ചും ജീവിക്കുന്നവർ ഒരുപാട് മനുഷ്യരുണ്ട്. ചില ആളുകൾക്ക് ചെറിയ വേദനകൾ പോലും സഹിക്കാൻ പറ്റുന്നില്ല, മറ്റു ചിലരാകട്ടെ എത്ര വലിയ വേദനകളെയും സഹിക്കാൻ തയ്യാറാണ്. നാളെകളിൽ സന്തോഷത്തോടെ ജീവിക്കാൻ ഇന്നിപ്പോൾ കഷ്ടപ്പെടാൻ നമ്മൾ ഓരോരുത്തരും തയ്യാറാകണം.കഷ്ടപ്പെടാതെ ഈ ഭൂമിയിൽ ഒന്നും നേടിയെടുക്കാൻ ആർക്കും കഴിഞ്ഞെന്ന് വരില്ല.

സഹനങ്ങൾ ജീവിതത്തിന്റെ ഭാഗമാണ്. നമ്മളിൽ പലർക്കും ഇതുവരെയുള്ള ജീവിതത്തിൽ പലതും സഹിക്കേണ്ടി വന്നിട്ടുണ്ട്.

 

ഒരാൾ അനുഭവിക്കുന്ന വേദന അതൊരിക്കലും ഒരു പരിധിയിൽ കൂടുതൽ മറ്റൊരാളെ പറഞ്ഞു മനസ്സിലാക്കാൻ കഴിഞ്ഞെന്ന് വരില്ല. നമ്മളിൽ പലർക്കും ചെറിയൊരു വേദന വന്നാൽ, വിഷമം വന്നാൽ സഹിക്കാൻ വലിയൊരു പ്രയാസമാണ്.അപ്പോൾ നമ്മളെക്കാൾ എത്രയോ ഇരട്ടി വേദന അനുഭവിക്കുന്നവരുടെ അവസ്ഥ ഒന്നു ആലോചിച്ചുനോക്കിക്കേ?.നമ്മളുടെ വേദനകൾ മറ്റുള്ളവരുടേതുമായി താരതമ്യം ചെയ്യുമ്പോൾ വളരെ നിസ്സാരമായിട്ട് തോന്നാം.

 

ഏതൊരു സഹനങ്ങളെയും അതിജീവിക്കുവാൻ നമ്മൾ ഓരോരുത്തരും നല്ലതുപോലെ കഷ്ടപ്പെടേണ്ടതുണ്ട്.സ്വന്തം വേദന മറന്നുകൊണ്ട് മറ്റുള്ളവരെ സഹായിക്കുന്ന ഒരുപാട് വ്യക്തികളുണ്ട് നമ്മുടെ ചുറ്റിലും.പലപ്പോഴും നമ്മൾക്ക് ലഭിക്കുന്ന ഓരോ വേദനകൾ ആയിരിക്കും നമ്മളെ ആ തെറ്റിൽ നിന്നും പിന്തിരിപ്പിക്കുന്നത്.കാലം മാറുന്നത് അനുസരിച്ചു നമ്മുടെ വേദനകൾക്ക് കുറവ് ഉണ്ടാകും എന്നുതന്നെ പ്രതീക്ഷിക്കാം.നമ്മൾ ഇന്നോളം അനുഭവിച്ച സഹനങ്ങളെ നേരിട്ട അനുഭവ സമ്പത്തുമായി കരുത്തോടെ മുന്നോട്ട് പോകാം. എല്ലാവർക്കും അവരവരുടെ ജീവിതത്തിൽ ഉണ്ടാകുന്ന സഹനങ്ങളെ നേരിടാൻ ശക്തിയും പ്രാപ്തിയും ഉണ്ടാകട്ടെ, ജീവിതത്തിൽ ആവശ്യമുള്ള കാര്യങ്ങൾ സഹിക്കാൻ നമ്മൾ എല്ലാവർക്കും സാധിക്കട്ടെ.