ഉണർവിൻ പൊൻകിരണങ്ങൾ:The awakening golden rays-105

കഴിവുകൾ ഇല്ലാത്ത മനുഷ്യരില്ല. എല്ലാവർക്കും എന്തെങ്കിലും തരത്തിലുള്ള കഴിവുകളുണ്ട്.

ഓരോരുത്തരും തങ്ങളുടെ കഴിവ് അനുസരിച്ചു പ്രവർത്തിക്കുന്നതുകൊണ്ടാണ് നേട്ടങ്ങൾ സ്വന്തമാക്കുന്നത്.

കഴിവുകൾ കണ്ടെത്തി അതൊക്കെ നിരന്തരമായ ശ്രമത്തിലൂടെ ഉയർച്ചയിലേക്ക് കൊണ്ടുവരേണ്ടതുണ്ട്.

ഓരോ സാഹചര്യങ്ങളാണ്, ആ സാഹചര്യം നേരിടാനുള്ള കഴിവുകൾ സ്വന്തമാക്കാൻ നമ്മളെ പ്രേരിപ്പിക്കുന്നത്.

നമ്മൾ ജന്മനാ കഴിവുള്ളവർ ആയിരുന്നില്ലല്ലോ, പല കാര്യത്തിലും കഴിവുള്ളവർ ആയത്, അതിനായി പരിശ്രമിച്ചതുകൊണ്ടാണല്ലോ.

നിരന്തരം ക്ഷമയോടെ പരിശ്രമിച്ചാൽ പല കഴിവുകൾ നമ്മൾ ഓരോരുത്തർക്കും ഒരുപക്ഷെ സ്വന്തമാക്കാൻ കഴിഞ്ഞേക്കും.

എന്തു തരത്തിലുള്ള കഴിവുകൾ ആയികൊള്ളട്ടെ, അതു വളർത്തിയെടുക്കാൻ നമ്മൾ പരിശ്രമിച്ചെങ്കിൽ മാത്രമാണ് സാധിക്കുകയുള്ളു.

കഴിവുകൾ വികസിക്കാനുള്ള പ്രവർത്തനം നമ്മുടെ ഭാഗത്തുനിന്നും എല്ലായ്പോഴും ഉണ്ടാവേണ്ടതുണ്ട്.

നമ്മളിലെ നല്ല കഴിവുകൾ ഉയർത്തികൊണ്ടുവരിക.

നമ്മുടെ കഴിവുകൾ സമൂഹത്തിന് ഉപകാരമായിട്ടുള്ള രീതിയിൽ ഉപയോഗിക്കുക.

നമ്മുടെ കഴിവുകളെ മറ്റുള്ളവരുടെ കഴിവുകളുമായി ഒരിക്കലും താരതമ്യം ചെയ്യാതിരിക്കുക.