ഉണർവിൻ പൊൻകിരണങ്ങൾ:The awakening golden rays-109

നമ്മളിൽ പലർക്കും പലപ്പോഴും പഴയ കാലത്തിലേക്ക് തിരിച്ചു പോകാൻ ഒത്തിരി ആഗ്രഹമുണ്ടാകും, പക്ഷെ എങ്കിൽ അതൊന്നും ഒരിക്കലും സാധ്യമായ കാര്യം അല്ലല്ലോ.

ഇന്ന് നമ്മൾ ചിലവഴിക്കുന്ന നിമിഷങ്ങൾ ഒരിക്കലും നാളെകളിൽ  നമ്മൾക്ക് തിരിച്ചുകിട്ടുകയില്ലല്ലോ.

ഇന്ന് ഇപ്പോൾ  നമ്മളുടെ കഴിവിന്റെ പരമാവധി ചെയ്യാൻ കഴിയുന്ന കാര്യങ്ങൾ ചെയ്യുക, അങ്ങനെയെങ്കിൽ നാളെകളിൽ 

അതിന്റെ പേരിൽ വിഷമിക്കേണ്ട സാഹചര്യം ഒരുപക്ഷെ ഉണ്ടാവത്തില്ല.

എല്ലാ മനുഷ്യരുടെയും സമയം വളരെ വിലപ്പെട്ടതാണ്, അതു മനസ്സിലാക്കി മറ്റുള്ളവരുടെ സമയം പാഴാക്കാൻ ഇടവരുത്താതെ മുന്നോട്ടു പ്രവർത്തിക്കുക.

ഇന്നലെകളിൽ നമ്മൾക്ക് ലഭിച്ച സമയങ്ങൾ നമ്മൾക്ക് പൂർണമായി പ്രയോജനപ്പെടുത്താൻ ഒരുപക്ഷെ സാധിച്ചിട്ടുണ്ടാകില്ല,അതിനു ഒത്തിരി കാരണങ്ങൾ ഉണ്ടായേക്കാം. അതേക്കുറിച്ചൊർത്തുകൊണ്ടു ഇനിയിപ്പോൾ വിഷമിച്ചിരുന്നിട്ട് കാര്യം ഇല്ലല്ലോ, കഴിഞ്ഞുപോയ കാലം കഴിഞ്ഞു ഇനി ഒരിക്കലും  ആ നാളുകൾ തിരികെ വരില്ല.

ഓരോ കാലവും നമ്മൾക്ക് നൽകുന്ന തിരിച്ചറിവുകൾ വളരെ വലുതാണ്, കാലമാണ് നമ്മളെ പലതും പഠിപ്പിച്ചു തരുന്നത്.

ഓരോ കുട്ടികളും ജനിച്ചത് മുതൽ ഓരോ കാലവും ഓരോ തരത്തിലുള്ള വളർച്ചയാണ് കുട്ടിക്ക് ഉണ്ടാവുക,ചില കുട്ടികൾക്ക് കാലത്തിനു അനുസരിച്ചു വളർച്ച പെട്ടെന്ന് കൈവരിക്കാൻ സാധിച്ചെന്ന് വരില്ല. ഓരോരുത്തരിലും വളർച്ച പൂർത്തിയാക്കാൻ നിശ്ചിത കാലം ആവശ്യമാണ്.

നമ്മുടെ ചുറ്റിലുമുള്ള ഓരോ മനുഷ്യരും വ്യത്യാസ്തരാണ്, എല്ലാവരിലും കഴിവുകളും അതോടൊപ്പം ഒരുപക്ഷെ കുറവുകളും ഉണ്ടാകുമായിരിക്കും, അതെല്ലാം വേണ്ടതുപോലെ തിരിച്ചറിഞ്ഞു പ്രവർത്തിക്കാൻ കഴിയട്ടെ.

നമ്മൾക്ക് ആർക്കും ഈ ഭൂമിയിൽ ഇനി എത്ര കാലം ജീവിക്കാനാകും എന്ന് ഉറപ്പ് പറയാൻ കഴിയില്ലല്ലോ.

ഇന്നലെകളിലെ നമ്മളുടെ ജീവിതത്തിൽ ഉണ്ടായ നഷ്ടങ്ങളെയും, വിഷമിപ്പിച്ച അനുഭവങ്ങളെയും, സാഹചര്യങ്ങളെയും ഓർത്തുകൊണ്ടും ഇനിയും ഈ സമയംകൂടി ചിലവഴിച്ചാൽ നമ്മൾക്ക് ഇന്നിപ്പോൾ ചെയ്യാൻ കഴിയുമായിരുന്ന ഒത്തിരി കാര്യങ്ങൾക്ക് തടസ്സമായേക്കാം.

സമയത്തെ ആർക്കും തടഞ്ഞു നിർത്താൻ ആകില്ല, നമ്മൾക്ക് കഴിയാവുന്ന കാര്യങ്ങൾ ചെയ്യുക.

നമ്മൾ ചെയ്യുന്ന നല്ല കാര്യങ്ങൾക്ക് ഒരുപക്ഷെ ഇന്നിപ്പോൾ വേണ്ടത്ര ഫലം ലഭിക്കണമെന്നില്ല, പക്ഷെ എങ്കിൽ ഒരിക്കൽ കാലം അതിന്റെ യഥാർത്ഥ ഫലം തിരിച്ചു നൽകുക തന്നെ ചെയ്യും, ഈ പ്രകൃതി നമ്മളെ പഠിപ്പിച്ചു തരുന്ന വലിയൊരു പാഠമാണ്.

ഒരു ചെടി നട്ടാൽ ഉടനെ തന്നെ ആ ചെടിയിൽ നിന്നും ഫലം ഉണ്ടാവില്ലല്ലോ, ഫലങ്ങൾ ഉണ്ടാവാൻ ആ ചെടിക്ക് പൂർണ്ണ വളർച്ച കൈവരിക്കുന്നതുവരെ കാത്തിരിക്കേണ്ടതായിട്ട് വന്നേക്കാം, ആ കാലത്തിനുവേണ്ടി ക്ഷമയോടെ കാത്തിരിക്കുക എന്നല്ലാതെ മറ്റു മാർഗങ്ങളില്ല.

എല്ലാവരുടെയും ജീവിതത്തിൽ ഇന്നലെകളിൽ സങ്കടത്തിന്റെ, നഷ്ടത്തിന്റെ, ദുരിതത്തിന്റെ ഓർമ്മകൾ സമ്മാനിക്കുന്ന കാലങ്ങൾ ഒരുപക്ഷെ ഉണ്ടായികാണും, അതിനെയെല്ലാം ധിരതയോടെ നേരിട്ടതുകൊണ്ടാണ് നാം ഇപ്പോൾ ആയിരിക്കുക.

നാളെകളിൽ ദുഃഖിക്കാതിരിക്കാൻ ഇന്നിപ്പോൾ നമ്മൾക്ക് ലഭിക്കുന്ന നല്ല അവസരങ്ങളെ വേണ്ട രീതിയിൽ പ്രയോജനപ്പെടുത്തുക.

സമയത്തിന്റെ വില എന്ന് നമ്മൾ തിരിച്ചറിയുന്നുവോ അന്നാണ് നമ്മൾക്ക് ഒരുപക്ഷെ സമയം അനാവശ്യമായി ഇനിയുള്ള നാളുകളിൽ നഷ്ടപ്പെടുത്തികൂടായെന്ന് തിരിച്ചറിവ് ഉണ്ടാവുക.

നഷ്ടങ്ങളും, സങ്കടങ്ങളും, പ്രതിസന്ധികളും നമ്മുടെയൊക്കെ ജീവിതത്തിൽ ഏതുനിമിഷവും കടന്നുവന്നേക്കാം, അതെല്ലാം നേരിട്ടുകൊണ്ട് മുന്നോട്ട് പോകുവാൻ ആത്മധൈര്യം കൈവരിക്കാൻ നമ്മൾക്ക് ആകട്ടെ.

സന്തോഷത്തെ സ്വീകരിക്കാൻ കഴിയുന്നതുപോലെ സങ്കടത്തേയും അതിനുകാരണമായ യാഥാർഥ്യത്തെയും ഉൾകൊള്ളാൻ നമ്മൾക്ക് കഴിയണം.

തിരുത്തേണ്ട കാര്യങ്ങൾ തിരുത്തി ജീവിതത്തിൽ സന്തോഷം കണ്ടെത്താൻ ഇനിയുള്ള നാളുകളിൽ കഴിയട്ടെ.

പരാജയങ്ങളിൽ തളരാതെ ഉണർന്നു പ്രവർത്തിക്കുക. പരിശ്രമിക്കുന്നവർക്ക് മാത്രമേ എക്കാലവും വിജയം സ്വന്തമാക്കാൻ കഴിയുകയുള്ളുവെന്ന് തിരിച്ചറിയുക.

നൈമിഷിക സുഖങ്ങൾ കൈവെടിഞ്ഞു നല്ല നാളെകൾക്കായി ഉണർന്നു പ്രവർത്തിക്കാൻ തയ്യാറാകുക.

നമ്മളുടെ സങ്കടങ്ങൾ, നമ്മളെ വിട്ടുപോകണമെങ്കിൽ ഇനിയുള്ള വിലപ്പെട്ട സമയം നഷ്ടപ്പെടുത്തി കളയാതെ ഉണർന്നു നല്ല കാര്യങ്ങൾക്കുവേണ്ടി സമയം ചിലവഴിക്കേണ്ടതുണ്ട്.

ഇന്നെലെകളിൽ ഉണ്ടായ നഷ്ടങ്ങളാണ് ഒത്തിരി മനുഷ്യർക്ക് വേണ്ട തിരിച്ചറിവുകൾ നൽകിയതും, പിന്നിടുള്ള കാലം വലിയൊരു നേട്ടത്തിന് അവരെ അർഹരാക്കിയതും.

ഏതൊരു പ്രശ്നവും കാലങ്ങൾകൊണ്ടു പരിഹരിക്കാൻ ഒരുപക്ഷെ കഴിഞ്ഞേക്കാം, അതുവരെ ക്ഷമയോടെ കാത്തിരിക്കേണ്ടതായിട്ട് വന്നേക്കാം.

ഓരോ മനുഷ്യനും ഓരോ സാഹചര്യത്തോടും പൊരുതേണ്ടി വന്നേക്കാം. ഓരോ മനുഷ്യർക്കും എല്ലാ കാലവും ഒരുപോലെ ആയിരിക്കാൻ സാധിക്കില്ലല്ലോ, ഓരോ സമയം മാറുന്നത് അനുസരിച്ചു മനുഷ്യരിൽ ശാരീരിക, മാനസിക വളർച്ചകൾ സംഭവിച്ചുകൊണ്ടിരിക്കുന്നു.

നമ്മളുടെ വളർച്ചയെ മുരടിപ്പിക്കുന്ന കാര്യങ്ങൾ വളരെ ശ്രദ്ധയോടെ ഒഴിവാക്കുക. ഇനിയുള്ള സമയമെങ്കിലും ജീവിതത്തിൽ വളരെ വിലപ്പെട്ടതാണെന്ന തിരിച്ചറിവിൽ നല്ല കാര്യങ്ങൾക്കായി ചിലവഴിക്കാൻ നമ്മൾ ഓരോരുത്തർക്കും ആകട്ടെ.