ഉണർവിൻ പൊൻകിരണങ്ങൾ:The awakening golden rays-123

നമ്മുടെ മുന്നിലൂടെ ഓരോ കാര്യവും ദിവസം തോറും കടന്നുപോകുന്നുണ്ട്.നമ്മൾക്കു നല്ലതെന്നു തോന്നുന്നവ മറ്റുള്ളവർക്ക് നല്ലത് ആകണമെന്നില്ല.

നല്ലത് ചെയ്താൽ ഭാവിയിൽ അതിലുടെ നേട്ടങ്ങൾ ഉണ്ടാകും, മോശമായത് ചെയ്താൽ അതിലുടെ നാശങ്ങൾ ഉണ്ടാകും.

നമ്മൾക്ക് ഗുണങ്ങൾ കിട്ടുന്ന കാര്യം ആണെങ്കിലാണല്ലോ നമ്മളിൽ പലരും ആ കാര്യത്തിൽ മുന്നോട്ടു നിങ്ങുന്നത്, ഗുണം ഇല്ലെന്ന് കണ്ടാൽ നമ്മളിൽ പലരും ഒരുപക്ഷെ പാതി വഴിയിൽ ഉപേക്ഷിച്ചേക്കാം.

നമ്മൾ തിരഞ്ഞെടുക്കേണ്ടത് ഇന്നും,ഭാവിയിലും ഉപകാരപ്പെടുന്നവ ആയിരിക്കണം.

ഗുണങ്ങൾ എല്ലാ കാര്യത്തിലും വളരെ പെട്ടെന്ന് തന്നെ കിട്ടണമെന്നില്ല. ഒരു ചെടി നട്ടാൽ അതിൽ നിന്നും ഫലങ്ങൾ ലഭിക്കാൻ വർഷങ്ങൾ കാത്തിരിക്കേണ്ടി വന്നേക്കാം. വർഷങ്ങൾ കാത്തിരുന്നാൽ മാത്രം പോരാ, നല്ലതുപോലെ വളവും ജലവും നൽകി സംരക്ഷിക്കേണ്ടതുമുണ്ട്.

ഗുണം കിട്ടുമെന്നുള്ള പ്രതീക്ഷയിലാണ് നമ്മളൊക്കെ ഓരോ കാര്യവുമായി മുന്നോട്ടു പോയി കൊണ്ടിരിക്കുന്നത്.

ചില കാര്യങ്ങളിൽ ഇടപെടൽ നടത്തുമ്പോൾ ഗുണത്തെക്കാൾ ഏറെ ദോഷമായിരിക്കും ഒരുപക്ഷെ ഉണ്ടാവുക.

മറ്റൊരാളെ സഹായിച്ചതുകൊണ്ട് നമ്മൾക്ക് ഗുണം ഒന്നുമില്ല എന്ന ചിന്തയിൽ സഹായിക്കാതിരിക്കരുത്, നാളെ ഇതെ അവസ്ഥയിലൂടെ നമ്മൾക്കും കടന്നു പോകേണ്ടി വന്നേക്കാം, അന്ന് നമ്മുടെ ചുറ്റിലുമുള്ളവർ അവർക്ക് ഗുണം ഒന്നുമില്ല എന്നുകണ്ടു ഒരുപക്ഷെ സഹായിക്കാതിരുന്നാൽ വലിയ നഷ്ടത്തിന് കാരണം ആയേക്കാം.

നമ്മളുടെ പ്രവർത്തികൾ കാരണം നമ്മൾക്കു പ്രേത്യകിച്ചു ഉപകാരം ഇല്ലെങ്കിൽ കൂടിയും മറ്റുള്ളവർക്ക് ഉപകാരം പെടുന്നവ ആണെങ്കിൽ നിയമവിധേയമായി നമ്മൾക്കു മുന്നോട്ടു പോകുവാൻ സാധിക്കട്ടെ.

നമ്മുടെ ഭാഗത്തുനിന്നുള്ള നിമിഷനേരത്തെ ഇടപെടൽ ആയിരിക്കും ഒരു വ്യക്തിയുടെ വിലപ്പെട്ട ജീവൻ രക്ഷിക്കാൻ കാരണം ആയിതിർന്നിട്ടുണ്ടാവുക.

നമ്മൾക്ക് നഷ്ടം മാത്രം ബാക്കിയായി കൊണ്ടു മറ്റുള്ളവർക്ക് ഗുണങ്ങൾ കിട്ടുന്ന കാര്യങ്ങൾ നമ്മൾക്ക് ആർക്കും തന്നെ ഒരുപരിധിയിൽ കൂടുതൽ ചെയ്യാൻ സാധിക്കില്ലല്ലോ.