ഉണർവിൻ പൊൻകിരണങ്ങൾ:The awakening golden rays-128

നമ്മൾ ഓരോ മനുഷ്യരും അവരവരുടെ ജീവിതത്തിൽ അർത്ഥം കണ്ടെത്താനുള്ള തിരക്കിലാണ്.

നമ്മുടെ വേണ്ടപ്പെട്ടവർക്കുവേണ്ടി നമ്മൾ ഒത്തിരി കഷ്ടപ്പെട്ടിട്ട്, നമ്മുടെ അവസാനകാലത്ത് നമ്മളെ ആർക്കും വേണ്ടാത്ത അവസ്ഥ വന്നാൽ നമ്മൾക്ക് ഒത്തിരി സങ്കടം ഉണ്ടായേക്കാം.

നമ്മുടെ അവസ്ഥ മറ്റാരേക്കാളും കൂടുതലായിട്ട് നമ്മൾക്ക് മാത്രമാണ് അറിയുകയുള്ളു.

നമ്മുടെ അവസ്ഥ അനുസരിച്ചു മാത്രം ഓരോ കാര്യങ്ങളും ചെയ്യാൻ നോക്കുക.

ലോകത്തിൽ ഓരോ ദിവസവും പുതിയ കണ്ടുപിടുത്തങ്ങൾ വഴിയായി ഒത്തിരി നല്ല മാറ്റങ്ങൾ സംഭവിക്കുന്നുണ്ടെങ്കിലും, മോശമായ മാറ്റങ്ങളും മറ്റൊരു ഭാഗത്തു നടക്കുന്നുണ്ട്.

നമ്മളുടെ ജീവിതം കൊണ്ടു ഈ ലോകത്തിലുള്ള മനുഷ്യർക്ക് എന്തെങ്കിലും നല്ല കാര്യം ചെയ്തു തീർക്കേണ്ടതുണ്ട്. നമ്മൾ, നമ്മളുടെ ചുറ്റിലുമുള്ള കുറച്ചു പേരുടെ മനസ്സിൽ നല്ല ഓർമ്മകൾ ആയിട്ടു ഉണ്ടാവാൻ, നമ്മൾ ചെയ്യുന്ന പ്രവർത്തികൾ അപരന് ഉപകാരം ഉള്ളവ ആയിരിക്കാൻ ശ്രദ്ധിക്കേണ്ടതുണ്ട്.

നമ്മുടെ കടമകൾ ഭംഗിയായി നിർവഹിച്ചുകൊണ്ടും, അപരന് നന്മകൾ ചെയ്തുകൊണ്ടുമൊക്കെ നമ്മുടെയൊക്കെ ജീവിതത്തിന് അർത്ഥം കണ്ടെത്താൻ സാധിക്കട്ടെ.