ഉണർവിൻ പൊൻകിരണങ്ങൾ:The awakening golden rays-134

തകർച്ചകൾ നമ്മുടെയൊക്കെ ജീവിതത്തിൽ പ്രതീക്ഷിക്കാത്ത സമയങ്ങളിൽ ഉണ്ടാവാം.

തകർച്ചകൾ ഏതൊരാൾക്കും എപ്പോൾ വേണമെങ്കിലും സംഭവിക്കാം. പല തകർച്ചകളും മനുഷ്യർക്ക് ഒരുപരിധിയിൽ കൂടുതൽ താങ്ങാൻ കഴിഞ്ഞെന്നു വരില്ല.

തകർച്ചകളെ അതിജീവിക്കാൻ എല്ലായ്പോഴും എളുപ്പം ആവണമെന്നില്ല, അതിനു നിശ്ചിത സമയം ആവശ്യമാണ്.

നമ്മൾ തളർന്നാൽ തകർച്ചകൾ ഒരുപക്ഷെ വർധിക്കും എന്നല്ലാതെ കുറയണമെന്നില്ല.

സുരക്ഷിത മാർഗം സ്വീകരിച്ചില്ല എങ്കിൽ പല കാര്യത്തിലും തകർച്ചകൾ ഉണ്ടായേക്കാം.

ഏതൊരു കെട്ടിടത്തിനും ആയുസ്സ് നിശ്ചിത വർഷമാണ്, അതിനു അപ്പുറം ആ കെട്ടിടത്തിനു തകർച്ചകൾ ഉണ്ടായേക്കാം.

വെള്ളത്തിലുടെ സഞ്ചരിക്കുന്ന വാഹനത്തിന് വെള്ളം കയറാനുള്ള ചെറിയ സുഷിരം മാത്രം മതി വെള്ളം കയറി വാഹനം തകരാനായിട്ട്.

എന്തു കാര്യത്തിലും കൃത്യമായി പരിശോധനകൾ നടത്തേണ്ടത് ഒരു പരിധി വരെ തകർച്ചകൾ ഉണ്ടാവാതിരിക്കാൻ സഹായിക്കും.

പല തകർച്ചകളും നമ്മളെ ശാരീരികമായും മാനസികമായും ഒരുപക്ഷെ ഒരുപാട് തളർത്തിയേക്കാം.

നമ്മുടെ ജീവിതത്തിൽ ഉണ്ടാകുന്ന തകർച്ചകളുടെ കാരണങ്ങൾ കണ്ടെത്തി പരിഹരിച്ചാൽ മാത്രമാണ്, മുന്നോട്ടു തകർച്ചകളെ അതിജീവിക്കാൻ സാധിക്കുകയുള്ളു.

പഠന മേഖലയിൽ, തൊഴിൽ മേഖലയിൽ, കൂടുംബ ജീവിതത്തിൽ, ബിസിനസ്‌ മേഖലയിൽ,സുഹൃത്ത്‌ ബന്ധങ്ങൾക്കിടയിൽ, സാമ്പത്തിക മേഖലയിൽ അങ്ങനെ തുടങ്ങി ഒരുപാട് മേഖലകളിൽ ഒരുപക്ഷെ നമ്മൾക്കൊക്കെ തകർച്ചകൾ ഉണ്ടായെന്നു വരാം.

അതിനെയെല്ലാം അതിജീവിക്കുവാൻ മനകരുത്തും പരിശ്രമവും ആവശ്യമാണ്.

എല്ലാവർക്കും അവരവർക്കുണ്ടാകുന്ന തകർച്ചകളെ നേരിടാനുള്ള ശക്തി ലഭിക്കട്ടെ.