ഉണർവിൻ പൊൻകിരണങ്ങൾ:The awakening golden rays-136

നമ്മളിൽ പലർക്കും പലവിധത്തിലുള്ള തടസ്സങ്ങൾ നേരിടേണ്ടി വരാറുണ്ട്.

ചില തടസ്സങ്ങൾ ഒത്തിരി നാൾ എടുക്കും നമ്മളിൽ നിന്നും മാറിപോകാൻ.

ഏതു തടസ്സം ആയാലും അതിനെല്ലാം അതിന്റെതായ സമയം ആവശ്യമാണ് വിട്ടുപോകാൻ.

പരിശ്രമം ഇല്ലാതെ തടസ്സങ്ങളെ മാറ്റാൻ കഴിയില്ലല്ലോ.

ഏതു തടസ്സത്തിനും അതിന്റെതായ കാരണങ്ങൾ ഉണ്ടാകുമല്ലോ.

തടസ്സത്തിന്റെ കാരണങ്ങൾ കണ്ടെത്തി ശരിയായ വിധത്തിൽ പരിഹരിക്കാൻ ശ്രമിക്കേണ്ടതുണ്ട്.

തടസ്സങ്ങൾ ഉണ്ടാവുന്നത് ആർക്കും ഇഷ്ടമുള്ള കാര്യം അല്ലല്ലോ.

സാഹചര്യം നിമിത്തം പല തടസ്സങ്ങളെയും സ്വീകരിക്കേണ്ടതായി വന്നേക്കാം.

ക്ഷമയോടെ കാത്തിരിക്കേണ്ടി വന്നേക്കാം പല തടസ്സങ്ങളുടെയും യഥാർത്ഥ കാരണം മനസ്സിലാക്കാൻ.

പലരുടെയും പിടിവാശി, വിട്ടുവിഴ്ചയില്ലാത്ത മനോഭാവം ഇതെല്ലാം ഒത്തിരി നാളുകൾ തടസ്സങ്ങൾക്ക് കാരണം ആയേക്കാം.

നമ്മൾ ഓരോരുത്തരും നിരന്തരം അധ്വാനിക്കുന്നത് സന്തോഷകരമായ ജീവിതത്തിനു തടസ്സം നിൽക്കുന്നത് ഒഴിവാക്കാൻ വേണ്ടി കൂടിയാണല്ലോ.

എന്തുകാര്യവും തുടക്കത്തിൽ ചെയ്യുമ്പോൾ ഒത്തിരി അധികം തടസങ്ങളെ അഭിമുഖികരിക്കേണ്ടി വന്നേക്കാം.

പല സാഹചര്യത്തിലും തടസ്സങ്ങളെ മാറ്റിയെടുക്കുക എന്ന് പറയുന്നത് എല്ലാവർക്കും എളുപ്പമുള്ള കാര്യമല്ലല്ലോ.

ഭാവിയിലെ പുരോഗതിക്കുവേണ്ടി ഓരോ കാര്യവും ചെയ്യുമ്പോൾ പല കാര്യത്തിലും തടസ്സങ്ങൾ ഉണ്ടാവുക സ്വഭാവികമാണ്. തടസ്സം മാറുവാൻ ക്ഷമയോടെ കാത്തിരിക്കാനും നിരന്തരം പരിശ്രമിക്കാനും നമ്മൾ ഓരോരുത്തരും ശ്രദ്ധിക്കേണ്ടതുണ്ട്.

എല്ലാവർക്കും ഉയരങ്ങളിൽ എത്തിപ്പെടാൻ, തടസ്സങ്ങളെ വേണ്ടവിധത്തിൽ ഒഴിവാക്കാൻ ഇനിയുള്ള നാളുകളിൽ പരിശ്രമിക്കാൻ സാധിക്കട്ടെ.