ഉണർവിൻ പൊൻകിരണങ്ങൾ:The awakening golden rays-140

തളരാത്ത മനസ്സ് ഉള്ളവർക്ക് പല രംഗത്തും വിജയം സ്വന്തമാക്കാൻ എളുപ്പം കഴിഞ്ഞേക്കും.

നമ്മളുടെ ജീവിതത്തിൽ പല വിധത്തിലുള്ള ബുദ്ധിമുട്ട് ഉണ്ടായേക്കാം, അവിടെയൊക്കെ തളരാതെ നോക്കേണ്ടത് നമ്മുടെയൊക്കെ ആവശ്യമാണ്.

തളർന്നു പോകുവാൻ എളുപ്പമാണ്, പക്ഷെ എങ്കിൽ തളർച്ചകളിൽ നിന്നും ഉയിർത്തെഴുന്നേൽക്കാനാണ് നമ്മൾ ഓരോരുത്തരും ശ്രമിക്കേണ്ടത്.

നമ്മുടെ തളർച്ചകളിൽ നിന്നും നമ്മളെ കൈപിടിച്ച് ഉയർത്താൻ നമ്മുടെ വേണ്ടപ്പെട്ട എല്ലാവർക്കും തന്നെ ഒരുപക്ഷെ സാധിക്കണം എന്നില്ല.

നമ്മൾ തളർന്നാൽ നമ്മളെ ആരു സംരക്ഷിക്കും എന്നതിന് ഉത്തരം പലപ്പോഴും കാലമാണ് തീരുമാനിക്കുന്നത്.

ജീവിതസാഹചര്യം ദുസ്സഹമാകുമ്പോൾ പലർക്കും പരസ്പരം താങ്ങാകാൻ കഴിയാതെ പോകുന്നുണ്ട്.

എന്തു പ്രശ്നവും നമ്മുടെയൊക്കെ ജീവിതത്തിൽ വന്നുചേർന്നാലും അതിനെയൊക്കെ ധിരതയോടെ നേരിടാനുള്ള ശക്തി നമ്മൾ തന്നെ നിരന്തരമായ പരിശ്രമത്തിലൂടെ നേടിയെടുക്കേണ്ടതുണ്ട്.

ശരീരത്തിന്റെ ആവശ്യം അനുസരിച്ചു വേണ്ട ഭക്ഷണം കഴിച്ചില്ല എങ്കിൽ തളർച്ച ഒരുപക്ഷെ അനുഭവപ്പെട്ടേക്കാം.

ഭക്ഷണം ആവശ്യത്തിന് നമ്മുടെ ശരീരത്തിനു കിട്ടിയില്ലെങ്കിൽ പിന്നിട് മറ്റു പല അസുഖങ്ങൾക്കും ഒരുപക്ഷെ കാരണം ആയി തീർന്നേക്കാം.

ജീവിതത്തിൽ ഉണ്ടായിട്ടുള്ള വെല്ലുവിളികളിലും നഷ്ടങ്ങളിലും തളരാതെ മുന്നോട്ടു പോയതുകൊണ്ട് പലർക്കും അവരവർക്ക് ആവശ്യമായ കാര്യങ്ങളിൽ നേട്ടങ്ങൾ സ്വന്തമാക്കാൻ കഴിഞ്ഞു, അതിനു അവർക്ക് ഏറ്റവും സഹായകമായത് തളരാത്ത മനസ്സാണ്.

നമ്മൾ മുന്നോട്ടു സഞ്ചരിക്കുമ്പോൾ പല തരത്തിലുള്ള ബുദ്ധിമുട്ടുകളെയും നേരിടേണ്ടി വന്നേക്കാം, അവിടെയൊക്കെ നമ്മൾക്ക് ആശ്വാസം നൽകുവാൻ നമ്മുടെ ഉള്ളിലെ തളരാത്ത മനസ്സിന് കഴിയട്ടെ.