ഉണർവിൻ പൊൻകിരണങ്ങൾ:The awakening golden rays-145

എന്തുകാര്യവും ഫലപ്രാപ്തിയിൽ എത്തിച്ചേരുക താല്പര്യത്തോടെ ചെയ്യുമ്പോഴാണ്.

എന്തുകാര്യവും പഠിക്കണമെങ്കിൽ പഠിക്കുന്ന കാര്യത്തോട് താല്പര്യം ഉണ്ടാകണമല്ലോ, അതിയായ താല്പര്യം ഉണ്ടെങ്കിൽ മാത്രമാണ് തടസ്സങ്ങളെയെല്ലാം ശരിയായ വിധത്തിൽ തരണം ചെയ്യാൻ ഒരുപക്ഷെ സാധിക്കുക.

എഴുത്തിനോട്, വായനയോടു, ചിത്രം വരക്കുന്നതിനോട്, പാട്ടു പാടുന്നതിനോട്, ഡാൻസ് കളിക്കുന്നതിനോട്, സിനിമ, ടീവി ഷോകൾ കാണുന്നതിനോട്, യാത്ര ചെയ്യുന്നതിനോട്, ഷോപ്പിംഗ് ചെയ്യുന്നതിനോട്, ചെടികൾ നട്ടുപരിപാലിക്കുന്നതിനോട്, ഭക്ഷണം കഴിക്കുന്നതിനോട് തുടങ്ങി ഒത്തിരി താല്പര്യം ഉള്ള അനവധി കാര്യങ്ങൾ നമ്മുടെ ഓരോരുത്തരുടെയും കൺമുൻപിൽ ഉണ്ടല്ലോ.

നമ്മൾക്ക് ഉണ്ടാകുന്ന എല്ലാ താല്പര്യങ്ങളും സഫലമാക്കാൻ സാഹചര്യത്തിന്റെ പരിമിതികൾ കാരണം എല്ലായ്പോഴും സാധിച്ചെന്നു വരില്ലല്ലോ.

എന്തുകാര്യത്തിൽ ആയാൽ പോലും താല്പര്യം മാത്രം ഉണ്ടായാൽ പോരാ, താല്പര്യം നേടിയെടുക്കാൻ നേരായ വഴിക്ക് കഷ്ടപ്പെടേണ്ടതായിട്ടുണ്ട്.

നമ്മുടെ വളർച്ചയെ ഇല്ലായ്മ ചെയ്യുന്ന താല്പര്യങ്ങളെ ഉപേക്ഷിക്കാൻ നമ്മൾ ഓരോരുത്തരും തയ്യാറാകേണ്ടതുണ്ട്.

മറ്റുള്ളവർക്ക് വേദന സമ്മാനിക്കുന്ന താല്പര്യം ചിലപ്പോഴൊക്കെ നമ്മൾക്ക് ഉണ്ടായെന്നു വരാം, ആരെയും മനഃപൂർവം വേദനിപ്പിക്കാതിരിക്കാൻ ശ്രദ്ധിക്കുക. നമ്മുടെ താല്പര്യങ്ങൾക്ക് മേൽ മറ്റുള്ളവരുടെ നിയന്ത്രണം ഉണ്ടായെന്നു വരാം.

പലർക്കും അവരവരുടെ താല്പര്യങ്ങളെ ജീവിതസാഹചര്യം നിമിത്തം പാതിവഴിയിൽ ഉപേക്ഷിക്കേണ്ടി വരുന്ന അവസ്ഥയാണുള്ളത്.

നമ്മുടെ ഓരോ വിഷയത്തിലുമുള്ള താല്പര്യങ്ങളിൽ കാലത്തിനു അനുസരിച്ചു ഏറ്റകുറച്ചിലുകൾ ഉണ്ടായേക്കാം.ഇന്ന് നമ്മൾക്ക് താല്പര്യമുള്ള വിഷയങ്ങൾ നാളെകളിൽ താല്പര്യം ഉണ്ടാകണമെന്ന് യാതൊരു ഉറപ്പും പറയാൻ കഴിഞ്ഞെന്ന് വരില്ല.

നമ്മൾക്ക് ഓരോ കാലത്തിനു അനുസരിച്ചു താല്പര്യം മാറിക്കൊണ്ടിരിക്കും.

നമ്മുടെ ജീവിതത്തിൽ നമ്മൾക്ക് താല്പര്യം ഇല്ലാത്ത ഒത്തിരി സംഭവങ്ങൾ പല സാഹചര്യത്തിലും ഉണ്ടായെന്നു വന്നേക്കാം.

നമ്മൾക്ക് പലപ്പോഴും താല്പര്യം ഉള്ള മേഖലയിൽ ജോലി ചെയ്യാൻ, പഠിക്കാൻ സാധിച്ചെന്ന് വരില്ലല്ലോ.താല്പര്യം ഉപേക്ഷിക്കാതെ ക്ഷമയോടെ പരിശ്രമിച്ചുകൊണ്ടിരിക്കുക.

ചിലരൊക്കെ ജീവിതപ്രാരാബ്ദം കാരണം അവർക്കു ചെറുപ്പം തൊട്ടുണ്ടായ താല്പര്യം ഉപേക്ഷിക്കും. എന്നാൽ ചിലരൊക്കെ ഒത്തിരി പ്രായം ചെന്നാലും താല്പര്യം നഷ്ടപ്പെടുത്താതെ പരിശ്രമിച്ചുകൊണ്ട് നേടിയെടുക്കും.

ആർക്കാർക്കും ബുദ്ധിമുട്ട് ഇല്ലാത്ത താല്പര്യങ്ങളെ കൂടെ ചേർക്കുക.

നമ്മൾ ഒരിക്കലും നമ്മുടെ വ്യക്തി താല്പര്യങ്ങൾ മറ്റുള്ളവരിലേക്ക് അടിച്ചേൽപ്പിക്കാൻ ശ്രമിക്കരുത്.

താല്പര്യം ഉള്ള മേഖലയിൽ കൂടുതൽ അവസരം കണ്ടെത്താൻ നിത്യവും ശ്രമിച്ചുകൊണ്ടിരിക്കുക.

പല സാഹചര്യത്തിലും അവനവന്റെ താല്പര്യം മാത്രം നോക്കിയാൽ പോരാ, കൂടെയുള്ളവരുടെയും താല്പര്യം നോക്കേണ്ടതുണ്ട്.

താല്പര്യം ഇല്ലാത്ത കാര്യങ്ങൾ ചെയ്യാൻ കഴിവതും ആരെയും നിർബന്ധിക്കാതിരിക്കുക.

താല്പര്യം ഇല്ലാത്ത കാര്യങ്ങൾ താല്പര്യം ഇല്ലായെന്ന് തുറന്നു പറയുക. മറ്റുള്ളവരോട് നേരിട്ട് പറയാൻ ബുദ്ധിമുട്ടുള്ള സാഹചര്യത്തിൽ വേണ്ടപ്പെട്ടവരുടെ സഹായം തേടുക.

താല്പര്യം ഉണ്ടോ ഇല്ലയോ എന്നറിഞ്ഞിട്ട് വേണം മറ്റു പലർക്കും മുന്നോട്ടു തുടർനടപടികൾ സ്വീകരിക്കാൻ, ആയതുകൊണ്ട് എത്രയും വേഗം മറുപടി കൊടുത്താൽ സമയം നഷ്ടപ്പെടുത്താതെ മറ്റു മാർഗങ്ങൾ സ്വീകരിക്കാമല്ലോ.

ചെറുപ്പം തൊട്ടേ കുട്ടികളുടെ ശരിയായ താല്പര്യം കണ്ടെത്താൻ ശ്രമിച്ചുകൊണ്ടിരിക്കുക.

ഒരേ കാര്യം തന്നെ കുറെ സമയം ആവർത്തിച്ചുകൊണ്ടിരുന്നാൽ മടുപ്പ് വരാനുള്ള സാധ്യതയുണ്ടാകുമല്ലോ.അൽപ്പം വിശ്രമം ആവശ്യമാണ് ഏതു കാര്യത്തിൽ ആയാലും താല്പര്യം നഷ്ടപ്പെടാതിരിക്കാൻ.

നമുക്കുള്ള അമിതമായ താല്പര്യം നിയന്ത്രണവിധേയമാക്കണം. താല്പര്യം ഉണ്ടെന്ന് കരുതി എന്തും അമിതമായാൽ അപകടകരമായ അവസ്ഥ ഒരുപക്ഷെ നേരിടേണ്ടി വന്നേക്കാം.

ഓരോരുത്തർക്കും ഉണ്ടാകുന്ന താല്പര്യങ്ങൾ വ്യത്യസമാണ്. ഓരോരുത്തരുടെയും താല്പര്യത്തിന് പിന്നിൽ ഒത്തിരി കാരണങ്ങളുണ്ടാകും.

ആദ്യമൊക്കെ താല്പര്യം ഇല്ലായെന്ന് പറയുന്നവർ തന്നെ താല്പര്യം ആണെന്ന് പറയുന്ന സാഹചര്യവും, ആദ്യമൊക്കെ താല്പര്യം ഉണ്ടെന്ന് പറയുന്നവർ തന്നെ താല്പര്യം ഇല്ലായെന്ന് പറയുന്ന സാഹചര്യവും നമ്മുടെ ചുറ്റിലും ഉണ്ടായിട്ടുണ്ടല്ലോ.

എന്തുകാര്യവും താല്പര്യത്തോടെ ചെയ്യുമ്പോഴാണ് ആത്മസംതൃപ്തി ഒരുപക്ഷെ കൂടുതലായി ലഭിക്കുക.

നമ്മുടെ നല്ല ലക്ഷ്യം നേടിയെടുക്കാനുള്ള താല്പര്യം പ്രതിസന്ധികൾക്ക് മുന്നിൽ പോലും നഷ്ടപ്പെടുത്താതെ മുന്നോട്ടു കൊണ്ടുപോകുവാൻ കഴിയട്ടെ.

നേട്ടങ്ങൾ സ്വന്തമാക്കാൻ നേരായ വഴിക്ക് അധ്വാനിക്കാൻ താല്പര്യം ഉണ്ടായേ തീരു.അലസത ഉപേക്ഷിച്ചു നേട്ടങ്ങൾ സ്വന്തമാക്കാൻ, ലക്ഷ്യം നേടിയെടുക്കാൻ നമ്മളിൽ നല്ല താല്പര്യം ഉണ്ടാകട്ടെ.

ഓരോരുത്തർക്കുമുള്ള താല്പര്യം ശരിയായ വിധത്തിൽ മാത്രം മുന്നോട്ടു കൊണ്ടുപോകുവാൻ സാധിക്കട്ടെ.