ഉണർവിൻ പൊൻകിരണങ്ങൾ:The awakening golden rays-15

ലോകത്തിൽ നേട്ടങ്ങൾ സ്വന്തമാക്കാൻ നമ്മൾ ഓരോരുത്തർക്കും പ്രധാനമായിട്ട് വേണ്ടത് അറിവാണ്.

തോൽവികളിൽ നിന്നും ഒത്തിരി കാര്യങ്ങൾ പഠിക്കാനുണ്ട്. പലപ്പോഴും തോൽവികൾ നമ്മൾക്ക് നിരാശകൾ നൽകിയേക്കാം, എങ്കിൽ കൂടിയും അതിനെയെല്ലാം മറികടന്നാൽ മാത്രമാണ് നമ്മൾക്ക് മുന്നോട്ടു വിജയ സാധ്യതകൾ നേടാൻ സാധിക്കുള്ളു.

നേരായിട്ടുള്ള അറിവുകൾ മാത്രമാണ് നമ്മൾക്ക് പ്രയോജനം ചെയ്യുകയുള്ളൂ. തെറ്റായിട്ടുള്ള അറിവുകൾ ഉപേക്ഷിക്കാൻ നമ്മൾ തയ്യാറാകേണ്ടതുണ്ട്.

ഇന്നിപ്പോൾ നമ്മുടെ വിരൽതുമ്പിൽ ഒരുപാട് കാര്യങ്ങളെപറ്റിയുള്ള അറിവുകൾ ലഭിക്കാനുള്ള സൗകര്യം ലഭ്യമാണ്, അതിൽ നിന്നും ശരിയായവ കണ്ടെത്താൻ നമ്മുടെ ഭാഗത്തുനിന്നുള്ള ആത്മാർത്ഥമായ പരിശ്രമം ആവശ്യമാണ്.

ലോകം നമ്മൾക്ക് മുൻപിൽ ഒരുപാട് അറിവുകൾ നൽകുന്നുണ്ട്, അതിൽ നിന്നും നമ്മൾക്കു ആവശ്യം ആയവ മാത്രം സ്വീകരിക്കുക.

നമ്മൾക്ക് അറിവ് സമ്പാദിക്കാൻ കഴിയണം. ചിലപ്പോഴൊക്കെ അറിവുകൾ നേടാൻ ഒരുപാട് വില നൽകേണ്ടതായിട്ട് വന്നേക്കാം. അറിവുകൾ കണ്ടെത്താൻ ഒത്തിരി കഷ്ടപ്പെടേണ്ടി വന്നേക്കാം.

നമ്മളുടെ ഭാഗത്തുനിന്നുള്ള പരിശ്രമം എത്രത്തോളം ഉണ്ടോ അതിനു അനുസരിച്ചു മാത്രം ആയിരിക്കും നമ്മൾക്ക് വേണ്ട അറിവ് ലഭിക്കുക.

നമ്മുടെ വിലപ്പെട്ട സമയം നമ്മൾ വേണ്ട രീതിയിൽ ചിലവഴിച്ചാൽ മാത്രമാണ് ശരിയായ അറിവുകൾ നേടിയെടുക്കാൻ സാധിക്കുകയുള്ളു.

ഈ ഭൂമിയിൽ എത്രയെത്ര കണ്ടുപിടുത്തങ്ങളാണ് ഓരോ മനുഷ്യർ നടത്തിയിട്ടുള്ളത്, അവരുടെ കണ്ടുപിടുത്തങ്ങളാണ് പിൽകാലത് നമ്മളെ ഓരോ കാര്യങ്ങളും സുഖപ്രദമായി ചെയ്യാൻ സാധിച്ചിട്ടുള്ളത്.

നമ്മളുടെ ഇന്നലെകൾ ദുഃഖദുരിതം ആയിരുന്നെങ്കിൽ ഇന്ന് അതിൽ നിന്നും എന്തെങ്കിലും മാറ്റങ്ങൾ ഉണ്ടായിട്ടുണ്ടെങ്കിൽ അതിന്റെ പ്രധാന കാരണം നമ്മൾ ഇന്നലെകളിൽ നിന്നും ഒരുപാട് അറിവുകൾ നേടിയെടുത്തു എന്നതാണ്.

ഓരോരുത്തർക്കും വ്യത്യസ്തമായ വിഷയങ്ങളിൽ ആയിരിക്കും അറിവുകൾ വേണ്ടി വരിക. ബിസിനസ്‌ ചെയ്യുന്ന വ്യക്തിക്ക് എങ്ങനെ കൂടുതൽ ലാഭകരമായി ബിസിനസ്‌ ചെയ്യാൻ സാധിക്കും എന്നതിനെകുറിച്ചുള്ള അറിവാണ് വേണ്ടി വരിക. ബിസിനസ്‌ തുടങ്ങാൻ പോകുന്ന വ്യക്തിക്ക് എങ്ങനെയാണ് ബിസിനസ്‌ ആരംഭിക്കാൻ കഴിയും എന്നതിനെകുറിച്ചുള്ള അറിവായിരിക്കും വേണ്ടി വരിക.

നമ്മൾ കണ്ടും കേട്ടും അനുഭവിച്ചും ഒരുപാട് അറിവുകൾ നേടുന്നുണ്ട്. നമ്മൾ നേടുന്ന അറിവുകൾ നല്ലതും മോശമായതും തിരിച്ചറിയാൻ കഴിയേണ്ടതുണ്ട്.

നമ്മൾ എടുക്കുന്ന പല തീരുമാനങ്ങളും ഒരുപക്ഷെ തെറ്റിയേക്കാം ചിലപ്പോൾ ശരിയായേക്കാം, അതെല്ലാം കാലം നമ്മൾക്ക് ബോധ്യം ആക്കി തരും.

പണം ഉണ്ടായതുകൊണ്ട് സന്തോഷം നേടാൻ കഴിയണം എന്നില്ല. പണം ഇല്ലാത്തതുകൊണ്ട് സന്തോഷം ഉണ്ടാവില്ല എന്നുമില്ല. നമ്മുടെ സന്തോഷം നമ്മുടെ കൈകളിലാണ്, അതിന് നിയന്ത്രണം നമ്മൾക്ക് മാത്രമാണ്.

വേദനിപ്പിക്കുന്ന, നിരാശപ്പെടുത്തുന്ന, തളർത്തുന്ന ഒത്തിരി സാഹചര്യങ്ങൾ നമ്മുടെയൊക്കെ ജീവിതത്തിൽ ഉണ്ടായെന്നു വന്നേക്കാം, അതിനെയെല്ലാം ധിരമായി നേരിടാൻ നമ്മൾക്ക് ശരിയായ അറിവുകൾ ആവശ്യമാണ്. സാഹചര്യത്തെ കുറ്റപ്പെടുത്തി ഇരിക്കുന്നതിൽ അർത്ഥമില്ല, നമ്മൾ ഓരോരുത്തർക്കും മുന്നോട്ട് പോകേണ്ടതുണ്ട്.

നമ്മുടെ പരിശ്രമങ്ങളാണ് നമ്മളെ മുന്നോട്ട് നയിക്കേണ്ടത്. നമ്മൾ വിജയത്തിലെത്താൻ ഒത്തിരി പരിശ്രമിക്കേണ്ടതുണ്ട്.

കഷ്ടപ്പെടാതെ ആർക്കും ഒന്നും നേടാൻ കഴിയില്ലല്ലോ.

നമ്മുടേതായ പരിമിതികളിൽ നിന്നുകൊണ്ട് അറിവ് സ്വന്തമാക്കാൻ പരിശ്രമിക്കുക.

നമ്മൾക്ക് കിട്ടിയ ശരിയായ അറിവുകൾ മറ്റുള്ളവർക്ക് ഉപകാരം ചെയ്യുന്നത് ആണെങ്കിൽ മാത്രം പകർന്നു കൊടുക്കുക.

അറിവുകൾ വർധിപ്പിക്കുവാൻ എപ്പോഴും ശ്രമിച്ചുകൊണ്ടിരിക്കുക. നമ്മൾക്ക് ലഭിച്ച തെറ്റായ അറിവുകൾ തിരുത്താൻ തയ്യാറാവുക.ശരിയായ വിധത്തിൽ അറിവുകൾ വർധിപ്പിക്കുന്നതിലൂടെ നമ്മുടെയൊക്കെ ജീവിതത്തിൽ വളർച്ച കൈവരിക്കാൻ ഇടയാകട്ടെ.