ഉണർവിൻ പൊൻകിരണങ്ങൾ:The awakening golden rays-152

നമ്മുടെ ചുറ്റിലും ശരിയും തെറ്റുകളുമുണ്ട്.

നമ്മൾക്ക് തിരിച്ചറിവില്ലാത്ത പ്രായത്തിൽ പല തെറ്റുകളും നമ്മൾക്ക് സംഭവിക്കാറുണ്ട്.

മുന്നോട്ടുള്ള തെറ്റായ കാര്യങ്ങൾ അവഗണിക്കേണ്ടതുണ്ട് നമ്മൾ ഓരോരുത്തരും.തെറ്റായ കാര്യങ്ങൾ മനസ്സിലാക്കാൻ ശരിയായ കാര്യങ്ങൾ എന്തെല്ലാമാണെന്ന് തിരിച്ചറിയേണ്ടതുണ്ട്.

തെറ്റായ കാര്യങ്ങൾ ശരിയാണെന്നു കരുതി പരിഗണിച്ചാൽ പലതരത്തിലുള്ള പ്രതിസന്ധികളും പ്രശ്നങ്ങളും ഒരുപക്ഷെ നമ്മൾക്ക് ഉണ്ടായേക്കാം.

തെറ്റായ കാര്യങ്ങൾ ആരുടെ ഭാഗത്തു നിന്നുണ്ടായാലും പ്രതിരോധിക്കാനും അവസരത്തിനൊത്തു പ്രതിഷേധിക്കാനും നിയമത്തിന്റെ വഴിയേ സഞ്ചരിക്കാനും കഴിയണം.

തെറ്റുകൾ എന്നും തെറ്റുകൾ തന്നെയാണ്.

തെറ്റിനെ എത്രയോക്കെ ന്യായികരിച്ചാലും അതൊരിക്കലും ശരിയാകില്ലല്ലോ.

ശരികൾ കണ്ടെത്താൻ കഴിയാതെ പോകുമ്പോൾ പലപ്പോഴും തെറ്റുകളിലേക്ക് വഴിതെറ്റി കടന്നുപോയേക്കാം.

തെറ്റായ വഴിയിലൂടെ സഞ്ചരിക്കുന്നതും നേരായ വഴിയിലൂടെ സഞ്ചരിക്കുന്നതും തമ്മിൽ ഒത്തിരി അന്തരം ഉണ്ടല്ലോ.

തെറ്റായ കാര്യങ്ങളെ അവഗണിച്ചാൽ മാത്രമേ ഒരുപക്ഷെ നേരായ കാര്യങ്ങൾ ശ്രദ്ധിക്കാൻ കഴിയുകയുള്ളു.

തെറ്റായ കാര്യങ്ങൾ കേട്ടു അതെല്ലാം ശരിയാണെന്നു വിശ്വസിച്ചു മുന്നോട്ട് പോകുന്നതാണ് നമ്മളുടെ ഭാഗത്തുനിന്നുള്ള ഏറ്റവും വലിയൊരു തെറ്റ്.

ഒരാൾ ചെയ്യുന്ന തെറ്റിന്റെ ഫലം അനുഭവിക്കുക ഒരുപക്ഷെ മറ്റു പലരുമായിരിക്കും.

നമ്മുടെയൊക്കെ ജീവിതത്തിൽ തെറ്റുകൾ ഒരിക്കൽ സംഭവിക്കാം, ഒരുപക്ഷെ പല ആവർത്തിയും സംഭവിച്ചേക്കാം, തെറ്റുകൾ തിരുത്താൻ തയ്യാറാവുക.

തെറ്റുകൾ സംഭവിച്ചാൽ, ഭാവിയിൽ വീണ്ടും തെറ്റുകൾ സംഭവിക്കാതിരിക്കാൻ ആവശ്യമായ തിരുത്തലുകൾ വരുത്താൻ നമ്മൾ ഓരോരുത്തരും തയ്യാറാകേണ്ടതുണ്ട്.

എല്ലാവരുടെയും തെറ്റുകൾ എല്ലാവർക്കും എപ്പോഴും തിരുത്തികൊടുക്കാൻ ആവില്ലല്ലോ.

നമ്മളുടെ മുന്നോട്ടുള്ള ജീവിതത്തെ തെറ്റായ കാര്യങ്ങൾ മോശമായ രീതിയിൽ ഒരിക്കലും സ്വാധിനിക്കാൻ പാടില്ലല്ലോ.

തെറ്റിലൂടെ ഉണ്ടായ പല നഷ്ടങ്ങളും നമ്മൾക്ക് ആർക്കും തന്നെ എപ്പോഴും നികത്താൻ സാധിച്ചെന്ന് വരത്തില്ല.

ഏതു തെറ്റിന് ആയാലും ഏതു ശരികൾക്ക് ആയാലും അതിന്റെതായ ഫലം എന്നെങ്കിലും ഒരിക്കൽ ഉണ്ടാവാതിരിക്കില്ല.

ഇന്ന് നമ്മൾ ചെയ്യുന്ന ഓരോ തെറ്റുകൾക്കും എത്രയൊക്കെ സുഖം ഉണ്ടെങ്കിൽ കൂടിയും നാളെകളിൽ ആ സുഖം ഒന്നും ഉണ്ടാകില്ല എന്നത് തിരിച്ചറിയാൻ ഇനിയുമെറെ വൈകരുത്.

തെറ്റിലൂടെ കിട്ടുന്നതൊന്നും ഒരിക്കലും സ്ഥിരമല്ല.

നാളിതുവരെ നമ്മൾ വരുത്തിയ തെറ്റുകൾ മനസ്സിലാക്കാനും തിരുത്താനും ആന്മാർത്ഥമായി ശ്രമിക്കാം.

നേട്ടങ്ങൾ സ്വന്തമാക്കാൻ, ലക്ഷ്യം നേടിയെടുക്കാൻ ഒരിക്കലും വളഞ്ഞ വഴികൾ തിരഞ്ഞെടുക്കരുത്.

എല്ലാവർക്കും തെറ്റായ കാര്യങ്ങളെ അവഗണിച്ചുകൊണ്ട് ശരികളുമായി മുന്നോട്ടു പോകുവാൻ സാധിക്കട്ടെ.