ഉണർവിൻ പൊൻകിരണങ്ങൾ:The awakening golden rays-154

നമ്മളുടെ ചിന്തകളിലേക്ക് നല്ലതും മോശമായതും കടന്നുവന്നേക്കാം. മോശമായ ചിന്തകൾ നമ്മുടെ ജീവിതത്തിൽ നഷ്ടങ്ങൾക്കും ദുഃഖങ്ങൾക്കും ഒരു പക്ഷെ കാരണം ആയിതിർന്നേക്കാം.

തെറ്റായ ചിന്തകളെ അകറ്റാനുള്ള ആത്മാർത്ഥമായ ശ്രമങ്ങൾ നമ്മുടെ ഭാഗത്തുനിന്നും എല്ലായ്പോഴും ഉണ്ടാവേണ്ടതുണ്ട്.

ശരികൾ ഏതെന്നു തിരിച്ചറിഞ്ഞാൽ മാത്രമാണ് പലപ്പോഴും തെറ്റുകൾ മനസ്സിലാക്കാൻ സാധിക്കുക.

തെറ്റായ ചിന്തകൾ മനസ്സിൽ കൊണ്ടു നടക്കുന്നത്, ഭാവിയിൽ വിജയം നേടുന്നതിന് തടസ്സം സൃഷ്ടിച്ചേക്കാം.

നമ്മൾക്ക് വിജയം നേടാൻ ആഗ്രഹം ഉണ്ടെങ്കിൽ തെറ്റായ ചിന്തകളെ ഉപേക്ഷിക്കേണ്ടത് വളരെയേറെ ആവശ്യമായിട്ടുള്ള കാര്യമാണ്.

തെറ്റായ ചിന്തകളെ അകറ്റി, പകരം നല്ല ചിന്തകളെ സ്വീകരിച്ചുകൊണ്ട് ജീവിതത്തിൽ സന്തോഷവും സമാധാനവും കൊണ്ടുവരാൻ എല്ലാവർക്കും കഴിയട്ടെ.