ഉണർവിൻ പൊൻകിരണങ്ങൾ:The awakening golden rays-178

ഏതൊരു മനുഷ്യനും ആഗ്രഹങ്ങൾ ഒത്തിരി ഉണ്ടാകും.എല്ലാ ആഗ്രഹവും എല്ലായ്പോഴും സഫലം ആകണമെന്നില്ല. സഫലമാകാത്ത ആഗ്രഹങ്ങൾ നമ്മൾക്ക് ഒത്തിരി വേദനകൾ ഒരുപക്ഷെ സമ്മാനിച്ചേക്കാം.

നമ്മളിൽ പലരുടെയും ആഗ്രഹങ്ങൾ നീണ്ട ഒരുപാട് വർഷങ്ങൾ കാത്തിരുന്നതിനുശേഷം ആയിരിക്കാം ഒരുപക്ഷെ സാധിച്ചിട്ടുണ്ടാകുക.

നമ്മളുടെ ജീവിതത്തിൽ ദുരാഗ്രഹങ്ങൾ ഉണ്ടാകാതിരിക്കാൻ വളരെയേറെ ശ്രദ്ധിക്കേണ്ടതുണ്ട്.

ഏതൊരു കാര്യത്തിലും ആഗ്രഹം ഉണ്ടായതുകൊണ്ട് മാത്രം കാര്യം ഇല്ലല്ലോ, അതിനുള്ള ആത്മാർത്ഥമായ പരിശ്രമം കൂടി ഉണ്ടാവേണ്ടതുണ്ട്.

നമ്മുടെ ഇപ്പോഴത്തെ ജീവിതസാഹചര്യം നോക്കികൊണ്ട് പലപ്പോഴും വലിയൊരു ആഗ്രഹം സ്വപ്നം കാണാൻ പോലും നമ്മളിൽ പലരും ശ്രമിക്കാറില്ല.

നമ്മളുടെ ജീവിതത്തിൽ പലപ്പോഴും നമ്മൾക്ക് ഇഷ്ടമില്ലാത്തത് ചെയ്യേണ്ടിവന്നേക്കാം , അനുഭവിക്കേണ്ടി വന്നേക്കാം, ഇതൊന്നും ഒരുപക്ഷെ നമ്മൾ ആഗ്രഹിച്ചതുകൊണ്ടാവില്ലല്ലോ.

എന്തു കാര്യവും സ്വന്തം ആഗ്രഹത്തോടെ ചെയ്യുമ്പോഴാണ് അതിൽ പരിപൂർണ്ണത കണ്ടെത്താൻ ഒരുപക്ഷെ സാധിക്കുക.

മറ്റുള്ളവരുടെ ആഗ്രഹങ്ങൾക്ക് വേണ്ടി മാത്രമാകാതെ നമ്മുടെ ആഗ്രഹങ്ങൾക്കുവേണ്ടികൂടി സമയം ചിലവഴിക്കാൻ നമ്മൾ ഓരോരുത്തരും ശ്രദ്ധിക്കണം.

ജീവിക്കണമെന്ന് ആഗ്രഹിച്ചിട്ടും ജീവിക്കാൻ പറ്റാതെ പോയവർ,

പഠിക്കാൻ വളരെയേറെ ആഗ്രഹിച്ചിട്ടും പഠിക്കാൻ സാധിക്കാതെ പോയവർ ധാരാളം ആളുകൾ ഉണ്ടാകും ഒരുപക്ഷെ.

നമ്മൾ ആഗ്രഹിച്ച ലക്ഷ്യത്തിൽ എത്താൻ കഴിയാതെ പോയതിൽ നിരാശരാകാതെ പരിശ്രമിച്ചുകൊണ്ടേയിരിക്കുക.

നമ്മുടെ ആഗ്രഹം നേടിയെടുക്കാൻ നമ്മൾ തന്നെ പരിശ്രമിക്കണം, മറ്റുള്ളവർക്ക്‌ നമ്മളെ എപ്പോഴും സഹായിക്കാൻ സാധിച്ചെന്നു വരത്തില്ലല്ലോ.

നമ്മളിലെ മോശം ആഗ്രഹങ്ങളെ ഉപേക്ഷിച്ചുകൊണ്ട് നല്ല ആഗ്രഹങ്ങൾക്കുവേണ്ടി പരിശ്രമിക്കാൻ നമ്മൾ ഓരോരുത്തർക്കും കഴിയട്ടെ.

ജീവിതത്തിൽ നേട്ടങ്ങൾ സ്വന്തമാക്കാനായിട്ട് നമ്മൾ എല്ലാവർക്കും നല്ല നല്ല ആഗ്രഹങ്ങൾ ഉണ്ടാവേണ്ടതുണ്ട്.

നമ്മുടെ ആഗ്രഹങ്ങൾ എല്ലാവരുടെയും മുന്നിലും വെളിപ്പെടുത്തണം എന്നില്ലല്ലോ, പലപ്പോഴും നമ്മുടെ ചുറ്റിലുമുള്ള പലരും നമ്മുടെ ആഗ്രഹത്തെ ഒരുപക്ഷെ നിരുത്സാഹപ്പെടുത്തിയേക്കാം, കളിയാക്കിയേക്കാം, വിമർശിച്ചേക്കാം.

ആഗ്രഹങ്ങൾ നേടിയെടുക്കാൻ കൃത്യമായി തന്നെ ഓരോ കാര്യവും സമയത്തു തന്നെ ചെയ്തു തീർക്കേണ്ടതുണ്ട്.

ഈ ലോകത്തു ജീവിച്ചു നമ്മളിൽ നിന്നും വേർപെട്ടുപോയ ഒത്തിരി മനുഷ്യർക്കും ഉണ്ടായികാണും അവരുടേതായ ആഗ്രഹങ്ങൾ.

നമ്മൾക്ക് നല്ല കാര്യങ്ങൾ ആഗ്രഹിക്കാം, പരിശ്രമിക്കാം, ഒരുപക്ഷെ വിജയിച്ചേക്കാം അല്ലെങ്കിൽ പരാജയപ്പെട്ടേക്കാം.പരാജയത്തിൽ തളരാതെ മുന്നേറുക.

നമ്മൾ ആരും ആഗ്രഹിച്ചിട്ടല്ലല്ലോ ഈ ലോകത്തേക്ക് കടന്നു വന്നത്.നമ്മൾ ആഗ്രഹിക്കാത്ത സമയത്ത് ഒരുപക്ഷെ ഈ ലോകത്തിൽ നിന്നും നമ്മൾക്ക് വിടപറയേണ്ടി വന്നേക്കാം.

മറ്റുള്ളവരിൽ നിന്നും തിരികെയൊന്നും ആഗ്രഹിക്കാതെ അവർക്കുവേണ്ടി നല്ല കാര്യങ്ങൾ ചെയ്യാൻ ശ്രമിക്കുക.

നമ്മുടെയൊക്കെ ജീവിതത്തിൽ നമ്മൾ ഒരിക്കൽപോലും ആഗ്രഹിക്കാത്ത പല കാര്യങ്ങളും സംഭവിക്കാറുണ്ട്.

ഒത്തിരി ആഗ്രഹിച്ചിട്ടും കിട്ടാതെ പോയ പല കാര്യങ്ങളും നമ്മുടെയൊക്കെ ജീവിതത്തിൽ ധാരാളം കണ്ടേക്കാം.

ഒരുപക്ഷെ നമ്മൾ ആഗ്രഹിച്ചത്, ആഗ്രഹിച്ച സമയത്തു നമ്മൾക്ക് കിട്ടാതെപോയത് നമ്മുടെയൊക്കെ നല്ലതിനുവേണ്ടിയായിരിക്കാം എന്ന ചിന്ത ഒരുപക്ഷെ ചില സാഹചര്യത്തിലൊക്കെ നമ്മൾക്ക് ആശ്വസം നൽകിയേക്കാം.

നമ്മൾ നേരോടെ നല്ല കാര്യങ്ങൾക്കുവേണ്ടി പരിശ്രമിച്ചാൽ ഒരുനാൾ നമ്മൾ ആഗ്രഹിച്ചതിനു അപ്പുറം നേടാൻ ഒരുപക്ഷെ സാധിച്ചേക്കാം.

ഒത്തിരി ആളുകൾക്ക് അവരുടെ ആഗ്രഹത്തിന്റെ പിന്നാലെ പോയതുകൊണ്ട് ഒരുപാട് നഷ്ടങ്ങളും വേദനകളും മറുഭാഗങ്ങളിൽ നിന്നും അനുഭവിക്കേണ്ടി വന്നിട്ടുണ്ട്, പക്ഷെ കാലം അവരുടെ കഷ്ടപ്പാടുകൾക്ക് അറുതി കൊടുത്തു.

ഉന്നതമായ നേട്ടങ്ങൾ കൈവരിക്കാൻ നമ്മൾ ഓരോരുത്തർക്കും വലിയ ലക്ഷ്യങ്ങൾ നേടിയെടുക്കാൻ ആഗ്രഹിക്കാനും അതിനുവേണ്ടി പ്രവർത്തിക്കാനും സാധിക്കട്ടെ.

പ്രകൃതിയിൽ സംഭവിക്കുന്നത് ഓരോന്നും നമ്മൾക്ക് ആഗ്രഹിക്കാൻ മാത്രമല്ലെ കഴിയു, പ്രകൃതിയെ നിയന്ത്രിക്കാൻ മനുഷ്യർക്ക് ആവില്ലല്ലോ. മഴ ഉണ്ടാവാൻ മനുഷ്യർ എല്ലാവരും ആഗ്രഹിച്ചതുകൊണ്ടായില്ലല്ലോ പ്രകൃതി കനിയണമല്ലോ മഴ പെയ്യുവാനായിട്ട്.

പലപ്പോഴും പലതരത്തിലുള്ള തടസ്സങ്ങൾ കാരണം നമ്മുടെയൊക്കെ ആഗ്രഹങ്ങൾ സഫലമാകാതെ പോയിട്ടുണ്ടാകാം, അന്നേരമെല്ലാം നമ്മുടെയൊക്കെ ആഗ്രഹങ്ങൾ മറ്റുള്ളവരിലൂടെ പൂർത്തിയാക്കാൻ ഒരുപക്ഷെ ആഗ്രഹിച്ചേക്കാം.നമ്മുടെ ആഗ്രഹങ്ങൾ മറ്റുള്ളവരിൽ അടിച്ചേൽപ്പിക്കുന്നത് ഉചിതമായിയെന്ന് വരില്ലല്ലോ.

നല്ല നല്ല ആഗ്രഹങ്ങളാണ് നമ്മളെ എപ്പോഴും മുന്നോട്ടു നയിച്ചുകൊണ്ടിരിക്കുന്നത്.

നമ്മൾ എപ്പോഴും മുന്നോട്ട് വളരാൻ ആഗ്രഹിക്കുക.

ഒരുപക്ഷെ നമ്മുടെ ഉയർച്ച കാണാൻ ആഗ്രഹിക്കുന്ന മനുഷ്യർ നമ്മുടെ ചുറ്റിലും വളരെ വിരളമായിരുന്നിരിക്കാം, എങ്കിലും നമ്മൾ നമ്മുടെ ഇപ്പോഴത്തെ ജീവിതസാഹചര്യങ്ങളോട് ഓരോ നിമിഷവും പൊരുതി നല്ല ആഗ്രഹങ്ങൾ നേടിയെടുക്കാനായി മുന്നേറുക.

നമ്മൾ എന്ത് ആഗ്രഹിക്കുന്നുവോ അതായിരിക്കും ഒരുപക്ഷെ ഭൂരിഭാഗവും നമ്മളിലേക്ക് എത്തിച്ചേരുക.

എന്തു കാര്യവും നേടിയെടുക്കണമെങ്കിലും ആഗ്രഹിച്ചാൽ മാത്രം പോരല്ലോ അതിനുള്ള പരിശ്രമം ആവശ്യമാണ്.

നമ്മളുടെ നല്ല ആഗ്രഹങ്ങൾ നടപ്പിലാക്കാൻ നെഗറ്റീവ് ചിന്തകളെ കൈവെടിയേണ്ടതുണ്ട്.

നമ്മൾകൊക്കെ ചെറിയ ജീവിതമാണ് ഈ ലോകത്തുള്ളത് , ചില ആഗ്രഹങ്ങൾ ഒരുപക്ഷെ നിറവേറ്റാൻ ഒരുപക്ഷെ നമ്മൾക്കോ നമ്മുടെ വേണ്ടപ്പെട്ടവർക്കോ സാധിച്ചെന്ന് വരത്തില്ല. കുന്നോളം ആഗ്രഹിച്ചാൽ മാത്രമേ കുന്നികുരുവോളം കിട്ടുകയുള്ളു എന്നൊക്കെ പലരും പറയുന്നത് കേട്ടിട്ടുണ്ട്.

പേരിനും പ്രശസ്തിക്കും വേണ്ടി മാത്രം ആഗ്രഹിക്കാതെ ജനങ്ങളുടെ നന്മയെ ലക്ഷ്യമാക്കി ആഗ്രഹിക്കാനും പ്രവർത്തിക്കാനും സാധിക്കട്ടെ.

നമ്മുടെ നല്ല ആഗ്രഹങ്ങൾ ഭാവിയിൽ നേടിയെടുക്കാൻ ഇപ്പോഴേ പരിശ്രമിക്കാം.

നല്ല കാര്യങ്ങൾ എത്ര ചെയ്താലും നമ്മൾ ആഗ്രഹിച്ചതുപോലെ മറ്റുള്ളവർ നമ്മളോട് എല്ലായ്‌പോഴും പെരുമാറണമെന്നില്ലല്ലോ. മറ്റുള്ളവരിൽ നിന്നും നല്ലത് മാത്രം കേൾക്കണം എന്ന് എത്രയോക്കെ ആഗ്രഹിച്ചാലും അതെല്ലാം എപ്പോഴും സാധ്യമാവണം എന്നില്ലല്ലോ.മറ്റുള്ളവരിൽ നിന്നും പ്രോത്സാഹനം, നല്ല വാക്കുകൾ എപ്പോഴും കിട്ടിക്കൊള്ളണം എന്നില്ല.

നമ്മൾ ആഗ്രഹിച്ചത് കിട്ടാതെ വരുമ്പോൾ വിധിയെ പഴിച്ചിരിക്കാതെ ഉയർന്ന നേട്ടങ്ങൾക്കായി പരിശ്രമിക്കുക. ഇന്നെലകളിലെ നഷ്ടങ്ങളെ, നാളെകളിലെ നേട്ടങ്ങൾകൊണ്ട് മറികടക്കാൻ ഒരുപരിധിവരെ ഒരുപക്ഷെ കഴിഞ്ഞേക്കാം.

എന്തു ആഗ്രഹവും നടപ്പിൽ വരുത്താൻ ഓരോ സാഹചര്യത്തിലും അതിന്റെതായ പരിമിതികളെ മറികടക്കേണ്ടതായിട്ട്  വന്നേക്കാം.

നമ്മുടെ നല്ലതായ ആഗ്രഹങ്ങൾക്ക് പരിധി നിശ്ചയിക്കാതിരിക്കുക. മുന്നോട്ടു കൂടെ ആരും ഇല്ലെങ്കിൽ കൂടിയും കുതിച്ചുഉയരാൻ ആഗ്രഹിക്കുക, നമ്മുടെ ചുറ്റിലുമുള്ളവരുടെ ശരിയായ വളർച്ചക്ക് സഹായകരമാകുന്ന രീതിയിൽ പ്രവർത്തിക്കാൻ നമ്മൾ ഓരോരുത്തർക്കും ഇനിയുള്ള നാളുകളിൽ കഴിയട്ടെ.