ഉണർവിൻ പൊൻകിരണങ്ങൾ:The awakening golden rays-18

നമ്മൾ ഓരോ അവസരവും കാത്തിരിക്കുന്നവരാണ്. അവസരങ്ങൾ എപ്പോഴും നമ്മൾക്ക് മുന്നിൽ ലഭിക്കണം എന്നില്ല.

അവസരങ്ങൾ വേണ്ടതുപോലെ പ്രയോജനപ്പെടുത്തിയില്ല എങ്കിൽ അതിന്റെ പേരിൽ പിന്നിട് ഒരുപക്ഷെ ദുഃഖിക്കേണ്ടി വന്നേക്കാം.

അവസരങ്ങൾ ആർക്കുവേണ്ടിയും കാത്തിരിക്കില്ലല്ലോ.

മുന്നോട്ട് ഒത്തിരി ദുരം സഞ്ചരിക്കാൻ ഒരുപാട് അവസരം കിട്ടുമെന്ന് പ്രതീക്ഷിക്കുന്നതിൽ അർത്ഥം ഇല്ലല്ലോ. ഓരോ അവസരത്തിനും കാല പരിധിയുണ്ട്, അതിനു അപ്പുറം ആ അവസരം നമ്മൾക്ക് ഒരിക്കലും തിരികെ കിട്ടില്ല.

നമ്മൾക്ക് കിട്ടിയ അവസരങ്ങളെ വേണ്ട വിധത്തിൽ ഉപയോഗപ്പെടുത്താൻ ശ്രമിക്കേണ്ടതുണ്ട്.

അവസരങ്ങളെ വേണ്ട വിധത്തിൽ പ്രയോജനപ്പെടുത്തിയവരാണ് നേട്ടങ്ങൾ സ്വന്തമാക്കിയിട്ടുള്ളത്.

കഴിഞ്ഞുപോയ അവസരങ്ങൾ നഷ്ടപ്പെടുത്തിയതിൽ സങ്കടപ്പെട്ടിട്ട് കാര്യമില്ല, ഇനിയുള്ള അവസരങ്ങൾ തേടി കണ്ടെത്തി പ്രയോജനപ്പെടുത്താൻ ശ്രമിക്കുക.

നമ്മൾ മുന്നിട്ടിറങ്ങിയാൽ മാത്രമാണ് നമ്മുടെ മുന്നിലേക്ക് അവസരങ്ങൾ എത്തിച്ചേരുകയുള്ളൂ. ചുറ്റിലുമുള്ള അവസരങ്ങൾ കണ്ടെത്താൻ കഴിയേണ്ടതുണ്ട്.

അവസരം ഒരിക്കൽ മാത്രമാണ് നമ്മൾക്ക് ലഭിക്കുക എന്ന ചിന്തയിൽ കിട്ടിയ അവസരത്തെ പരമാവധി പ്രയോജനപ്പെടുത്തുക.

അവസരം ഉപയോഗപ്പെടുത്തിയില്ല എങ്കിൽ തോൽവികൾ ഏറ്റുവാങ്ങേണ്ടി വന്നേക്കാം.

എല്ലാ മനുഷ്യരും അവരുടെ ജീവിതത്തിൽ നേട്ടങ്ങൾ സ്വന്തമാക്കാനായി നല്ല അവസരങ്ങൾ തേടുന്നവരാണ്. എപ്പോഴാണ് നല്ല അവസരം കിട്ടുക എന്ന് മുൻകൂട്ടി പറയാൻ സാധിക്കില്ല.

നിരന്തരം ശ്രമിച്ചുകൊണ്ടിരിക്കുക, ഒരിക്കൽ നമ്മൾക്ക് നല്ല അവസരം കിട്ടുമെന്ന് പ്രതീക്ഷിക്കുക.

ജീവിതത്തിൽ ഉണ്ടാകുന്ന നഷ്ടങ്ങളിൽ, പ്രതിസന്ധികളിൽ എല്ലാം അവസരങ്ങൾ ഒളിഞ്ഞിരിപ്പുണ്ടാകും അതു ശരിയായ വിധത്തിൽ കണ്ടെത്തുന്നതിലാണ് വിജയം ഉള്ളത്.

പരാജയങ്ങൾക്ക് നടുവിലും പ്രതീക്ഷയോടെ മുന്നോട്ട് പോയപ്പോൾ അവരുടെ ലക്ഷ്യം നേടാൻ കഴിഞ്ഞത്, അവർ അവസരം കിട്ടുന്നത് വരെ തളരാതെ പോരാടിയതുകൊണ്ടാണ്.

നമ്മൾക്ക് പറ്റിയ അവസരങ്ങൾ ഉണ്ടാകുമ്പോൾ പരമാവധി പ്രയോജനപ്പെടുത്താൻ ശ്രമിക്കുക. അവസരങ്ങളെ പരമാവധി പ്രയോജനപ്പെടുത്തികൊണ്ട് വിജയം കൈവരിക്കാൻ എല്ലാവർക്കും സാധിക്കട്ടെ.