ഉണർവിൻ പൊൻകിരണങ്ങൾ:The awakening golden rays-185

നാളുകൾ ഏറെ കഴിയുമ്പോഴായിരിക്കും പലപ്പോഴും നഷ്ടങ്ങളുടെ വില തിരിച്ചറിയുക.

നമ്മൾ പ്രതീക്ഷിക്കാത്ത സമയത്തു പോലും നഷ്ടങ്ങൾ നമ്മുടെയൊക്കെ ജീവിതത്തിൽ ഉണ്ടായേക്കാം.

നഷ്ടങ്ങൾ നമ്മളെ ഒരുപക്ഷെ ദുഃഖത്തിലാക്കിയേക്കും, നിരാശയിലാക്കിയേക്കും.

നഷ്ടത്തിന്റെ വേദന അതു അനുഭവിച്ചവർക്കേ അറിയുള്ളു.

നഷ്ടങ്ങൾ നൽകുന്ന തിരിച്ചറിവിൽ നിന്നും പാഠങ്ങൾ ഉൾകൊള്ളാൻ കഴിയണം.

നഷ്ടം നൽകിയ കുറവുകൾ നികത്തിയെടുക്കാൻ നമ്മുടെ ഭാഗത്ത്‌ നിന്നുള്ള പരിശ്രമം ആവശ്യമാണ്.

നാളെകളിൽ നഷ്ടം സംഭവിക്കുമോ എന്നൊന്നും മുൻകൂട്ടി ആർക്കും കൃത്യമായി പറയാൻ കഴിയില്ലല്ലോ.

ആരും തന്നെ നഷ്ടം വരുത്തുന്ന കാര്യങ്ങൾ ചെയ്യാൻ താല്പര്യപ്പെടില്ലല്ലോ.

നഷ്ടസാധ്യത കൃത്യമായി വിലയിരുത്തേണ്ടത് മുന്നോട്ടുള്ള സഞ്ചാരത്തിൽ വളരെയേറെ പ്രാധാന്യം അർഹിക്കുന്നു.

കഴിഞ്ഞകാല നഷ്ടങ്ങളിൽ പലതും നമ്മളെ ജീവിതകാലം മുഴുവനും ദുഖിച്ചിരിക്കാൻ കാരണമായേക്കാം. ഈ ലോകത്തിൽ ഒന്നും തന്നെ സ്ഥിരമായി നിലനിൽക്കുന്നത് അല്ലല്ലോ.

ജനിച്ചു വീഴുന്ന ഓരോ മനുഷ്യനും മരണമുണ്ട്. മരണത്തിലൂടെ ഉണ്ടാകുന്ന നഷ്ടങ്ങൾ ഒരിക്കലും നികത്താൻ ആർക്കും കഴിയില്ലല്ലോ.

നമ്മൾക്ക് ഉണ്ടായിട്ടുള്ള നഷ്ടങ്ങൾ നമ്മളെ വളരെയേറെ വേദനിപ്പിക്കുമ്പോഴും നമ്മൾക്ക് ലഭിച്ച അനുഗ്രഹങ്ങൾ ഒരുപക്ഷെ നമ്മളൊക്കെ മറന്നു പോകുന്നു.

നഷ്ടങ്ങളുടെ കണക്കുകൾ ഒത്തിരി ആളുകളുടെ ജീവിതത്തിൽ പറയാൻ ഉണ്ടാകും, അവരൊക്കെ നഷ്ടങ്ങളെ അതിജീവിക്കാനുള്ള നിരന്തരപരിശ്രമത്തിലാണ്.

ഇന്നലെകളിലെ നഷ്ടങ്ങളെയോർത്തു തളർന്നിരിക്കുന്നതിൽ അർത്ഥമില്ല. നഷ്ടം നൽകിയ കുറവുകൾ നമ്മളിൽ നിന്നും അകലണം എങ്കിൽ നമ്മുടെ ഭാഗത്തു നിന്നുള്ള പരിശ്രമം ആവശ്യമാണ്.

നമ്മൾക്കുണ്ടായ നഷ്ടത്തെ നേരായ വഴിക്കു നേരിടാൻ, ഭാവിയിൽ നഷ്ടങ്ങൾ ഉണ്ടാവാതിരിക്കാൻ വളരെയേറെ ശ്രദ്ധിക്കാൻ നമ്മൾ ഓരോരുത്തർക്കും കഴിയട്ടെ.