ഉണർവിൻ പൊൻകിരണങ്ങൾ:The awakening golden rays-186

ജീവിതത്തിൽ ഏതെങ്കിലും തരത്തിൽ നഷ്ടങ്ങൾ ഉണ്ടാവാത്തവരായിട്ട് നമ്മളിൽ ആരും തന്നെയില്ലല്ലോ.

എല്ലാവർക്കും തങ്ങളുടെ ജീവിതത്തിൽ ഉണ്ടാകുന്ന നഷ്ടങ്ങളെ ശരിയായ വിധത്തിൽ ഉൾകൊള്ളാൻ പലപ്പോഴും ഒരുപക്ഷെ സാധിക്കാറില്ല.

ഓരോ നഷ്ടവും നമ്മൾക്ക് വേദനയും അതോടൊപ്പം വലിയൊരു തിരിച്ചറിവും സമ്മാനിക്കുന്നുണ്ട്.

ഒരു ഭാഗത്തു നേട്ടങ്ങൾ ഉണ്ടാകുമ്പോൾ മറു ഭാഗത്തു ഒരുപക്ഷെ നഷ്ടങ്ങൾ ഉണ്ടാകുന്നുണ്ട്.

നമ്മളുടെ ചുറ്റിലുമുള്ള നഷ്ടങ്ങളിൽ നിന്നും തിരിച്ചറിവുകൾ നേടികൊണ്ട് മുന്നേറാൻ നമ്മൾ ഓരോരുത്തർക്കും കഴിയേണ്ടതുണ്ട്.

നമ്മുടെ/മറ്റുള്ളവരുടെ ജീവിതത്തിൽ ഉണ്ടാകുന്ന നഷ്ടങ്ങളെക്കുറിച്ച് നമ്മൾ ഓരോരുത്തരും പഠിക്കേണ്ടതുണ്ട്.

എന്തുകാര്യത്തിലും നഷ്ടങ്ങൾ സംഭവിക്കാതിരിക്കാൻ വളരെയേറെ ശ്രദ്ധ ചെയ്യുന്ന ഓരോ കാര്യത്തിലും കൊടുക്കേണ്ടതുണ്ട്.

നഷ്ടങ്ങളെയോർത്തു ദുഖിച്ചിരിക്കുന്നതിൽ അർത്ഥമില്ല.നഷ്ടങ്ങളെ നികത്താൻ ആത്മാർത്ഥമായ പരിശ്രമം ആവശ്യമാണ്.

എന്തെങ്കിലും കാര്യത്തിൽ നഷ്ടപ്പെടുത്തലുകൾ വരുത്തിയാൽ മാത്രമേ ഒത്തിരി നേട്ടങ്ങൾ ജീവിതത്തിൽ നമ്മൾക്ക് ഒരുപക്ഷെ കൈവരിക്കാൻ സാധിക്കുകയുള്ളു.

ചില നഷ്ടങ്ങളൊക്കെ ഒരുപക്ഷെ പിന്നീട് വീണ്ടെടുക്കാൻ കഴിഞ്ഞേക്കാം, ചില നഷ്ടങ്ങൾ ഒരിക്കലും വീണ്ടെടുക്കാൻ കഴിയത്തില്ല.

ചില കാര്യത്തിൽ നേട്ടങ്ങൾ സ്വന്തമാക്കണമെങ്കിൽ മറ്റു ചില കാര്യത്തിൽ ഒരുപക്ഷെ ഉണ്ടാകുന്ന നഷ്ടങ്ങൾ സഹിക്കാൻ തയ്യാറാകേണ്ടതുണ്ട്.

ഒത്തിരി വർഷങ്ങൾ കഴിയുമ്പോഴായിരിക്കും നമ്മൾ ഓരോരുത്തർക്കും കഴിഞ്ഞകാലങ്ങളിൽ നഷ്ടപ്പെടുത്തിയതിന്റെ കുറവുകൾ എത്രത്തോളമായിരുന്നുവെന്ന് മനസ്സിലാക്കാൻ ഒരുപക്ഷെ സാധിക്കുന്നുണ്ടാകുക.

എവിടെയും മാറ്റങ്ങൾ ഉണ്ടാകണമെങ്കിൽ എന്തെങ്കിലും കാര്യത്തിൽ നഷ്ടങ്ങൾ ഉണ്ടായേ തിരുള്ളൂ. ഒരു കെട്ടിടം പണിയണം എങ്കിൽ കെട്ടിടം പണിയാൻ ഉദ്ദേശിക്കുന്ന സ്ഥലത്തു നിന്നും മണ്ണും അവിടെ നിൽക്കുന്ന മരങ്ങളും മറ്റു വസ്തുവകകളും എല്ലാം മാറ്റേണ്ടി വരുമല്ലോ.അതൊന്നും നഷ്ടപ്പെടുത്താതെ കെട്ടിടം പണിതുയർത്താൻ സാധിക്കില്ലല്ലോ.

ജീവിതത്തിന്റെ അർത്ഥം മനസ്സിലാക്കി തരാൻ നമ്മുടെയൊക്കെ ജീവിതത്തിൽ ഉണ്ടാകുന്ന നഷ്ടങ്ങൾക്ക് ഒരുപക്ഷെ കഴിയും.

ചില നഷ്ടങ്ങൾ നമ്മൾക്ക് ഒരിക്കലും തടഞ്ഞു നിർത്താൻ കഴിയില്ല.പ്രകൃതി നമ്മൾക്ക് നൽകുന്ന ശുദ്ധവായു, വെള്ളം എല്ലാം ഒരിക്കൽ നഷ്ടപ്പെട്ടാൽ പിന്നെ മനുഷ്യരുടെ ജീവൻ നഷ്ടപ്പെട്ടേക്കാം.

നമ്മൾ ഈ ഭൂമിയിൽ ജനിച്ചിട്ടുണ്ടെങ്കിൽ ഒരുനാൾ മരണത്തിലൂടെ ഈ ഭൂമിയിൽ നിന്നും നഷ്ടപ്പെടുമെന്നുള്ള തിരിച്ചറിവ് നമ്മൾക്ക് ഉണ്ടാവുമല്ലോ.

നഷ്ടം നമ്മുടെയൊക്കെ ജീവിതത്തിൽ ഉണ്ടാക്കുന്ന വേദനകളെ ശരിയായ വിധത്തിൽ ഉൾക്കൊള്ളാൻ നമ്മൾക്ക് കഴിയണം.

നമ്മൾ നേരിടുന്ന നഷ്ടങ്ങളെ ശരിയായ വിധത്തിൽ കൈകാര്യം ചെയ്യേണ്ടതുണ്ട്.

നമ്മൾക്ക് മുന്നിൽ വരുന്ന അവസരങ്ങളെ നഷ്ടപ്പെടുത്തിയിട്ട് പിന്നീട് ദുഃഖിച്ചിരുന്നിട്ട് കാര്യം ഇല്ലല്ലോ.

നമ്മൾ ഒരിക്കലും നഷ്ടപ്പെടില്ല എന്ന് ആഗ്രഹിക്കുന്നതെല്ലാം ഏതു നിമിഷവും നമ്മളിൽ നിന്നും നഷ്ടപ്പെട്ടെക്കാം.

ഊർജസ്വലതയോടെ പ്രവർത്തിക്കണമെങ്കിൽ ശരീരത്തിനു ആവശ്യമായ ഉറക്കം നഷ്ടപെടുത്താൻ പാടില്ലല്ലോ.

പ്രതികാരചിന്ത, കോപം, മോശമായ പെരുമാറ്റം, അസൂയ, അഹങ്കാരം, പിടിവാശി, നെഗറ്റീവ് ചിന്ത, നുണ പറച്ചിൽ, കള്ളത്തരം കാണിക്കൽ, പരദൂഷണം പറയൽ, അപമാനിക്കൽ, അനാവശ്യ കുറ്റംപറച്ചിൽ, അലസത എല്ലാം തന്നെ സമയാസമയങ്ങളിൽ നഷ്ടപ്പെടുത്തേണ്ടതുണ്ട്.

കൂടുതൽ ഉയരങ്ങളിൽ എത്തുന്നതിനു നമ്മളിൽ തടസ്സമായവ എന്തെല്ലാമാണെന്ന് നമ്മൾ ഓരോരുത്തരും കണ്ടെത്തേണ്ടതുണ്ട്.നമ്മൾക്കൊക്കെ നേട്ടങ്ങൾ സ്വന്തമാക്കാൻ ഒരുപാട് കഷ്ടപ്പെടേണ്ടി വന്നേക്കാം, അതിനായി നിലവിൽ അനുഭവിച്ചുകൊണ്ടിരിക്കുന്ന സുഖലോലുപത പലതും നഷ്ടപ്പെടുത്തേണ്ടി വന്നേക്കാം.നമ്മളിലെ മോശമായ മാറ്റങ്ങൾക്ക് കാരണമായവ നഷ്ടപ്പെടുത്തിയാൽ മാത്രമേ നേട്ടങ്ങൾ സ്വന്തമാക്കാൻ ഒരുപക്ഷെ കഴിയുകയുള്ളു.

ഇപ്പോഴുണ്ടാകുന്ന ഓരോ നഷ്ടവും ഭാവിയിൽ കൂടുതൽ ഉയരങ്ങളിൽ എത്തിപ്പെടാൻ പരിശ്രമിക്കാൻ കാരണം ആയിതീരട്ടെ.

ചില നഷ്ടങ്ങൾ ജീവിതത്തിൽ നിർബന്ധമായും ഉണ്ടാവേണ്ടതാണ്, നഷ്ടപ്പെടേണ്ട കാര്യങ്ങൾ നഷ്ടപ്പെട്ടാൽ മാത്രമേ മുന്നോട്ടു സന്തോഷവും സമാധാനവും ഒരുപക്ഷെ കൈവരിക്കാൻ സാധിക്കുകയുള്ളു.

ഒത്തിരി നന്മ നിറഞ്ഞ മനുഷ്യരാണ് അവരുടെ അധ്വാനത്തിന്റെ ഒരു പങ്ക് മറ്റുള്ളവരുമായി പങ്കുവെക്കുന്നത്, അവർ ഒരിക്കലും അതൊന്നും നഷ്ടങ്ങളായിട്ട് കാണാത്തതുകൊണ്ടാണ് അവർക്കെല്ലാം മറ്റുള്ളവരെ സഹായിക്കാൻ കഴിയുന്നത്.

സ്വന്തം ജീവൻ വരെ നഷ്ടപ്പെടുത്തികൊണ്ട് മറ്റുള്ളവരുടെ ജീവൻ രക്ഷിച്ച എത്രയോ വ്യക്തികളുണ്ട് നമ്മുടെ ചുറ്റിലും. അവരൊക്കെ സ്വന്തം കാര്യത്തിൽ മാത്രം ശ്രദ്ധകൊടുത്തിരുന്നെങ്കിൽ മറ്റുപലരുടെയും ജീവിതത്തിൽ അനുഭവിക്കേണ്ട സങ്കടത്തിന്റെ ആഴം ഒരുപക്ഷെ കൂടിപോയേനെ.

ആർക്കായാലും എന്തുകാര്യത്തിലും നഷ്ടങ്ങൾ സംഭവിക്കാൻ എളുപ്പമാണ്, മുന്നോട്ട് ഒന്നും ചെയ്യാതെ അലസരായിരുന്നാൽ ഒന്നും തന്നെ നേടിയെടുക്കാൻ ആർക്കായാലും കഴിയത്തില്ലല്ലോ.

നേരായ വഴിക്ക് അല്ലാതെ നേടിയതെല്ലാം ഒരുനാൾ ആർക്കായാലും നഷ്ടപ്പെടുത്തേണ്ടി വരും.

വേണ്ടത്ര മുൻകരുതലുകൾ എടുക്കാതെ നമ്മുടെ സുഖത്തിനു ചെയ്യുന്ന പല കാര്യങ്ങളും നമ്മൾക്ക് നഷ്ടങ്ങൾക്ക് കാരണം ആയിതിർന്നേക്കാം.

പ്രായം കൂടുന്തോറും ഓരോന്നും നഷ്ടപ്പെടാൻ തുടങ്ങും അതിനെയെല്ലാം കുറ്റപ്പെടുത്താതെ സ്വീകരിക്കാൻ തയ്യാറാകുക.

ആരോഗ്യത്തിന് ഹാനികരം, അപകടമേഖല എന്നൊക്കെ മുന്നറിയിപ്പ് നൽകിയിട്ടും അതെല്ലാം അവഗണിച്ചു മുന്നോട്ട് പോയിട്ടുണ്ടെങ്കിൽ ആരെയും കുറ്റപ്പെടുത്താതെ നഷ്ടങ്ങൾ സ്വയം സ്വീകരിക്കാൻ  ഒരുപക്ഷെ തയ്യാറാകേണ്ടി വരും.

പലരും മറ്റുള്ളവർക്ക് ഉണ്ടാകുന്ന നേട്ടങ്ങളെകണ്ടുകൊണ്ട് അനുകരിക്കാൻ ശ്രമിച്ചെന്നിരിക്കും, മറ്റുള്ളവർ ഒരുപക്ഷെ അവർക്കുണ്ടാകുന്ന നഷ്ടങ്ങളെ നികത്താൻ മറ്റു പല മാർഗങ്ങളും കണ്ടെത്തിയിട്ടുണ്ടാകും, ഒത്തിരി കാര്യങ്ങളെ അതിജീവിച്ചുകൊണ്ടാണ് അവരൊക്കെ നേട്ടങ്ങൾ സ്വന്തമാക്കിയിട്ടുണ്ടാകുക, അതുപോലെ പ്രതിസന്ധികളെ അതിജീവിക്കാൻ എല്ലാവർക്കും സാധിക്കണമെന്നില്ലല്ലോ.

ശ്രദ്ധ ഇല്ലാത്തിടത്തു സ്വഭാവികമായി നഷ്ടങ്ങൾ സംഭവിച്ചേക്കാം.

എല്ലാവർക്കും ജീവിതത്തിൽ ഉണ്ടാകുന്ന നഷ്ടങ്ങളെ ശരിയായ വിധത്തിൽ ഉൾകൊള്ളാനും മുന്നോട്ട് നഷ്ടങ്ങളെ അതിജിവിക്കാനുള്ള പരിശ്രമവും ഉണ്ടാവട്ടെ.