ഉണർവിൻ പൊൻകിരണങ്ങൾ:The awakening golden rays-198

ജീവിതത്തിൽ നമ്മൾ ഓരോരുത്തരും ചെയ്യുന്ന നല്ല കാര്യങ്ങൾ എല്ലാം തന്നെ നല്ല നിലവാരത്തിൽ എത്തിക്കുക.

സാമ്പത്തിക നിലവാരം, വിദ്യാഭാസ നിലവാരം, തൊഴിൽ നിലവാരം അങ്ങനെ പലതരത്തിൽ നിലവാരം ഒരുപക്ഷെ അളക്കാറുണ്ടല്ലോ.

നമ്മൾ എന്തും സ്വീകരിക്കുക നമ്മുടെ നിലവാരത്തിനു ഉചിതമായത് ആണല്ലോ.

നിലവാരം പതുക്കെ പതുക്കെയാണ് മെച്ചപ്പെടുത്തികൊണ്ടുവരാൻ പലപ്പോഴും സാധിക്കുകയുള്ളു.

പല കാര്യങ്ങളും നിരീക്ഷിച്ചിട്ടാണ് നമ്മുടെ ചുറ്റിലും ഉള്ള ഒരാളുടെ നിലവാരം നമ്മൾ മനസ്സിലാക്കുക.

ഒരു സാഹചര്യത്തെ തന്നെ രണ്ടു മനുഷ്യർ തമ്മിൽ നേരിടുന്ന രീതിയിലുള്ള  വ്യത്യാസം  അവരുടെ നിലവാരം മനസ്സിലാക്കാൻ ഒരുപക്ഷെ ഒരുപരിധിവരെ സഹായിക്കുന്നതാണ്.

കലാപരമായ സൃഷ്ടികൾക്ക് നിലവാരം ഇല്ലെന്ന് പറയുന്നുണ്ടെങ്കിൽ എന്തിന്റെയെങ്കിലും അടിസ്ഥാനത്തിൽ ആയിരിക്കും.എല്ലാം കൃത്യമായി ചേർന്നെങ്കിൽ മാത്രമെ അതിന്റെതായ ഭംഗി എവിടെയായാലും ഉണ്ടാവുകയുള്ളൂ.

ഒരേ കലാസൃഷ്‌ടി ആണെങ്കിൽ കൂടിയും അത് ഓരോരുത്തരും ആസ്വദിക്കുന്ന രീതി വ്യത്യാസമാണ്, ഒരുപക്ഷെ എല്ലാവർക്കും ഒരേപോലെ കലാസൃഷ്ടി ഇഷ്ടമായെന്ന് വരത്തില്ലല്ലോ.

നമ്മൾ ചെയ്യുന്ന എല്ലാ നല്ല കാര്യത്തിലും നിലവാരം മെച്ചപ്പെടുത്തികൊണ്ടുവരേണ്ടത് വളരെ ആവശ്യമാണ്.

ഉൽപ്പന്നത്തിന്റെ നിലവാരം കുറഞ്ഞാൽ, ആ ഉത്പന്നം വാങ്ങിക്കുന്ന ആളുകളുടെ എണ്ണം ഒരുപക്ഷെ കുറഞ്ഞേക്കാം.

പലരും ഉത്പന്നത്തിന്റെ വിലയെക്കാൾ അധികമായി ഉൽപ്പന്നത്തിന്റെ നിലവാരമാണ് പലപ്പോഴും പരിശോധിക്കുക.സ്വർണ്ണത്തിന് വിലയുള്ളത് അതിനു അതിന്റെതായ നിലവാരം ഉള്ളതുകൊണ്ടല്ലേ.

നിലവാരം കുറഞ്ഞ വസ്തുക്കൾ വാങ്ങിച്ചു സാമ്പത്തിക നഷ്ടവും, സമയനഷ്ടവും, ജോലി ഭാരം കൂട്ടുവാനും ആരും ആഗ്രഹിക്കുക ഇല്ലല്ലോ.

നമ്മൾ ചെയ്യുന്നത് നല്ല നിലവാരം ഇല്ലെങ്കിൽ ആളുകൾക്ക് പൊതുവെ താല്പര്യം കുറഞ്ഞു തുടങ്ങും.

മറ്റുള്ളവരെപോലെ നിലവാരത്തിൽ എത്താൻ നമ്മൾക്ക് എപ്പോഴും സാധിച്ചെന്ന് വരില്ല, അതുപോലെ നമ്മളുടെ നിലവാരത്തിനൊപ്പം എത്താൻ മറ്റുള്ളവർക്കും എപ്പോഴും സാധിച്ചെന്ന് വരത്തില്ല. സാഹചര്യം കണ്ടറിഞ്ഞു മാത്രം മറ്റുള്ളവരോട് പെരുമാറുവാനും നമ്മളുടെ നിലവാരം നല്ല രീതിയിൽ മെച്ചപ്പെടുത്താനും എപ്പോഴും ശ്രമിക്കുക 

മറ്റുള്ളവർ എത്രയോക്കെ നമ്മളെപ്പറ്റി ഇല്ലാത്തത് പറഞ്ഞാലും അവരുമായി വെറുതെ വാക്ക് തർക്കത്തിൽ ഏർപ്പെട്ടു നമ്മുടെ നിലവാരം നഷ്ടപ്പെടുത്താതെയിരിക്കുക പകരം ആവശ്യമെങ്കിൽ ഉചിതമായ സഹായം വേണ്ടപ്പെട്ടവരിൽ നിന്നും നിയമസംവിധാനത്തിൽ നിന്നും തേടുക.

നമ്മുടെ നിലവാരം നമ്മൾ തന്നെ പരിശ്രമത്തിലൂടെ ഉയർത്തുക.

എല്ലാവർക്കും നല്ല നിലവാരത്തോടെ ഏതു പ്രതികൂല സാഹചര്യത്തിലും മുന്നോട്ട് പോകുവാൻ സാധിക്കട്ടെ.