ഉണർവിൻ പൊൻകിരണങ്ങൾ:The awakening golden rays-21

നമ്മളിൽ പലരും കഴിഞ്ഞ കാല അവസ്ഥകളിൽ വളരെയേറെ ദുഃഖിച്ചിരുന്നവർ ആയിരിക്കാം.

കഴിഞ്ഞ കാലങ്ങളിൽ പട്ടിണിയിലും ദാരിദ്യത്തിലും കഴിഞ്ഞിരുന്നവർ ആയിരിക്കാം, ഇന്നിപ്പോൾ ആ അവസ്ഥകളിൽ നിന്നും ഒത്തിരി മാറാൻ സാധിച്ചിട്ടുള്ളത്, ആ അവസ്ഥകളെ ശരിയായ വിധത്തിൽ പരിശ്രമം കൊണ്ടു അതിജീവിക്കാൻ ശ്രമിച്ചതുകൊണ്ടാണ്.

നമ്മളോ, നമ്മളുടെ ചുറ്റിലുമുള്ളവരോ പരിശ്രമിക്കാതെ ഒരിക്കലും നമ്മുടെ മോശം അവസ്ഥകളിൽ നിന്നും മോചനം നേടാൻ കഴിയില്ലല്ലോ.

പലതരത്തിലുള്ള അവസ്ഥകളിലൂടെ ഓരോ മനുഷ്യരും അവരുടെ ജീവിതകാലത്തിൽ കടന്നു പോകേണ്ടതായിട്ടുണ്ട്.

നമ്മളുടെ നാളെകൾ എങ്ങനെ ആയിരിക്കുമെന്ന് ആർക്കും മുൻകുട്ടി പ്രവചിക്കാൻ സാധിക്കില്ലല്ലോ.

ഏതൊരു മനുഷ്യന്റെയും മോശം അവസ്ഥകൾക്ക് മാറ്റം ഉണ്ടാവണമെങ്കിൽ ആരുടെയെങ്കിലും സഹായം കൂടിയേ തീരു.

നമ്മൾ വിചാരിക്കാതെ, പരിശ്രമിക്കാതെ നമ്മുടെ അവസ്ഥകൾക്ക് മാറ്റങ്ങൾ ഉണ്ടാവണം എന്നില്ല.

കാലം മാറുന്നത് അനുസരിച്ചു എല്ലായിടത്തും മാറ്റങ്ങൾ ഉണ്ടാവും. നമ്മുടെ പ്രകൃതി തന്നെ ഓരോ കാലാവസ്ഥ അനുസരിച്ചു മാറ്റങ്ങൾ ഉണ്ടാവുന്നത് നമ്മൾക്ക് അനുഭവം ഉണ്ടാകുന്നുണ്ട്.

ഇപ്പോഴുള്ള അവസ്ഥയിൽ നിന്നും കൂടുതൽ മോശമായ അവസ്ഥയിലേക്ക് എത്തിച്ചേരാതെയിരിക്കാൻ നമ്മൾ ഓരോരുത്തരും കഴിവിന്റെ പരമാവധി ശ്രമിക്കേണ്ടതുണ്ട്.

നമ്മളെ തളർത്താനും വാക്കുകൾ കൊണ്ട് കുത്തിനോവിക്കാനും ആരെങ്കിലും ഉണ്ടെങ്കിൽ കൂടിയും അതിനെയെല്ലാം ചെറുത്തു തോൽപ്പിക്കേണ്ടതുണ്ട്.

എല്ലാ മനുഷ്യരുടെയും ജീവിതത്തിൽ എന്നും ഒരേ അവസ്ഥ തന്നെ ആകണം എന്നില്ല.

അവസ്ഥകൾക്ക് മാറ്റങ്ങൾ സംഭവിക്കാൻ നേട്ടങ്ങൾ കൈവരിക്കാൻ കഴിയട്ടെ.