ഉണർവിൻ പൊൻകിരണങ്ങൾ:The awakening golden rays-219

നമ്മളിൽ പലർക്കും പലപ്പോഴും പതനം നേരിടേണ്ടി വന്നിട്ടുണ്ടാവാം.

ഓരോ പതനവും നമ്മൾക്ക് നൽകുന്ന ആഘാതം വളരെ വലുതാണ്.

വ്യക്തമായ ആസൂത്രണമില്ലെങ്കിൽ പലയിടത്തും നമ്മൾക്ക് പതനങ്ങൾ ഉണ്ടായേക്കാം.

പതനം പലതും നമ്മൾക്ക് ഒഴിവാക്കാൻ കഴിയണമെങ്കിൽ നമ്മുടെ ഭാഗത്തുനിന്നുമുള്ള പരിശ്രമം ആവശ്യമാണ്.

നമ്മൾക്കുണ്ടാകുന്ന ഓരോ പതനവും നമ്മൾ തിരിച്ചറിഞ്ഞു പരിഹരിക്കാൻ ആത്മാർത്ഥമായി ശ്രമിക്കേണ്ടതുണ്ട്.

തെറ്റുകൾ ചെയ്തുകൊണ്ടിരുന്നാൽ നമ്മൾ ഒരിക്കൽ തീർച്ചയായും പതനത്തെ നേരിടേണ്ടി വരും.

മറ്റുള്ളവരുടെ പതനത്തിൽ ഒരിക്കൽ പോലും സന്തോഷിക്കരുത്.

നമ്മൾ ആർക്കും തന്നെ എപ്പോഴാണ് സ്വന്തം ജീവിതത്തിൽ പതനം ഉണ്ടാവുകയെന്ന് പറയാൻ കഴിയില്ല.

ഏതൊരാൾക്കും ഏതു നിമിഷവും പതനം ഉണ്ടായെന്നു വരാം.

അടിത്തറ ശക്തമല്ലെങ്കിൽ എത്ര ഉയരമുള്ള കെട്ടിടം ആണെങ്കിൽ പോലും ഒരിക്കൽ കെട്ടിടത്തിന് പതനം സംഭവിക്കാം.

നമ്മുടെയും നമ്മുടെ ചുറ്റിലുമുള്ളവരുടെയും ജീവിതത്തിൽ പതനങ്ങൾ ഉണ്ടാവാതിരിക്കാനുള്ള ശ്രമങ്ങൾ നമ്മുടെ ഭാഗത്തുനിന്നും ഉണ്ടാവട്ടെ.