ഉണർവിൻ പൊൻകിരണങ്ങൾ:The awakening golden rays-23

ജീവിതത്തിൽ നമ്മൾക്ക് പലതരത്തിലുള്ള അവസ്ഥകളെ അഭിമുഖികരിക്കേണ്ടതായിട്ട് വരും.

ഓരോ മനുഷ്യർക്കും ഏതൊക്കെ അവസ്ഥകളാണ് ഭാവിയിൽ നേരിടേണ്ടി വരികയെന്ന് ആർക്കും പറയാൻ കഴിയില്ലല്ലോ.

നമ്മളിൽ പലരും കരുത്തു നേടിയിട്ടുള്ളത്, പ്രതികൂല സാഹചര്യങ്ങളെ ധിരതയോടെ നേരിട്ടതുകൊണ്ടാണ്.

ഇന്നലെകൾ നമ്മൾക്ക് ഉണ്ടായ വിഷമങ്ങൾ കാലങ്ങൾ കൊണ്ടു നമ്മളിൽ നിന്നും അകലാൻ തുടങ്ങും. കാലമാണ് നമ്മുടെ മുറിവുകൾ സുഖമാക്കുന്നത്. കഷ്ടതയിൽ കൂടി കടന്നുപോയവർക്ക് എത്ര സുഖസൗകര്യം ലഭിച്ചാൽ പോലും പഴയ ഓർമ്മകൾ മനസ്സിൽ ഉണ്ടാവും.

നമ്മളുടെ ഇന്നിന്റെ പ്രവർത്തികളാണ് നാളെകളിൽ നമ്മുടെ ഫലം നിർണ്ണയിക്കുന്നത്.

നേട്ടങ്ങൾ ഒന്നും തന്നെ ആർക്കും വെറുതെ കിട്ടുന്നത് അല്ലല്ലോ.ഓരോ നേട്ടത്തിന് പിന്നിലും അതിന്റെതായ കഷ്ടപ്പാട് എല്ലാവർക്കും ഉണ്ടാകും.

കഷ്ടപ്പെടാതെ നേട്ടം സ്വന്തമാക്കാൻ എളുപ്പമല്ല.

കഷ്ടപ്പാടും ദുരിതവും നമ്മളിൽ നിന്നും വിട്ടു അകലാൻ സമയം ആവശ്യമാണ്, അതുവരെ അവയെല്ലാം നേരിടേണ്ടി വരും.

നമ്മൾ ഇന്ന് അനുഭവിക്കുന്ന ഓരോ സുഖസൗകര്യങ്ങൾക്ക് പിറകിലും ഇന്നലെകളിൽ ഓരോരുത്തരുടെയും കഷ്ടപ്പാടും, വേദനയുമുണ്ട്.

നമ്മൾ ഈ ഭൂമിയിൽ പിറന്നു വീണത് നമ്മുടെ അമ്മ, നമ്മളെ ഗർഭാവസ്ഥയിൽ വേണ്ടതുപോലെ പരിപാലിച്ചതുകൊണ്ടാണ്.

നമ്മുടെ അവസ്ഥ എത്ര മോശം ആയിക്കോട്ടെ അതിനെയൊക്കെ തരണം ചെയ്യാൻ സാധിക്കുമെന്ന് ഉറച്ചു വിശ്വസിക്കുക, നാളെകൾ നമ്മളുടെ ജീവിതത്തിൽ വിജയങ്ങൾ സ്വന്തമാക്കാൻ സാധിക്കട്ടെ.

നമ്മൾക്ക് ലഭിച്ച സൗഭാഗ്യങ്ങൾ ഒന്നും തന്നെ ഇല്ലാത്ത എത്രയോ മനുഷ്യരാണ് നമ്മുടെ ചുറ്റിലുമുള്ളത്. മറ്റുള്ളവരെ നമ്മുടെ കഴിവ് അനുസരിച്ചു സഹായിക്കുക.

നമ്മൾ ഇന്നിവിടെ വരെ എത്തിയത്, നമ്മുടെ വേണ്ടപ്പെട്ടവർ നമ്മളെ സഹായിച്ചതുകൊണ്ടാണ്.

ഇന്നലെയും ഇന്നും നമ്മളെ സഹായിച്ചവർ നാളെകളിൽ നമ്മുടെ കൂടെ ഉണ്ടായെന്നു വരില്ലല്ലോ. നമ്മളെ സഹായിച്ചവർ ഒരിക്കലും അവർക്ക് തിരിച്ചു സഹായം കിട്ടാൻ വേണ്ടിയല്ല നമ്മളെ സഹായിച്ചിട്ടുണ്ടാവുക, പകരം നമ്മൾ രക്ഷപ്പെട്ടു കഴിഞ്ഞാൽ നമ്മൾക്കും മറ്റുള്ളവരെ സഹായിക്കാൻ കഴിയണം.

നമ്മളുടെ മുന്നിലൂടെ കടന്നു പോകുന്ന എല്ലാ അവസ്ഥകളെയും ശരിയായ വിധത്തിൽ നേരിടാൻ സാധിക്കട്ടെ.