ഉണർവിൻ പൊൻകിരണങ്ങൾ:The awakening golden rays-34

നേട്ടങ്ങൾ നേടിയവരെ നാലാളുകൾ അറിയെ ആദരിക്കാറുണ്ട്.

സാധാരണ മനുഷ്യരിൽ നിന്നൊക്കെ അവരെ ആദരിക്കാൻ പ്രേത്യേകിച്ചു എന്തെങ്കിലും കാരണം കാണുമല്ലോ.

എത്രയോ കഴിവുകൾ ഉള്ള വ്യക്തികളാണ് ഇപ്പോഴും സമൂഹത്തിൽ അറിയപ്പെടാതെ പോകുന്നത്.

പലപ്പോഴും ചിലർക്കെങ്കിലും ആദരവ് കിട്ടുന്നത് മരണത്തിനുശേഷമാണ്.

ഒരു വ്യക്തി ജീവിച്ചിരിക്കുമ്പോൾ തന്നെ അവരുടെ നല്ല കഴിവിലുടെ കിട്ടുന്ന നേട്ടത്തിന്റെ പേരിൽ ആദരിക്കുന്നത് വലിയ സന്തോഷം നൽകുന്ന കാര്യമാണല്ലോ.

നമ്മൾ എപ്പോഴും മുതിർന്നവരുടെ പ്രായം കണക്കിലെടുത്തു ആദരവ് കാണിക്കാറുണ്ടല്ലോ.

എത്ര മുതിർന്ന വ്യക്തി ആണെങ്കിലും മോശമായ പ്രവർത്തികളാണ് ചെയ്യുന്നതെങ്കിൽ ആദരവ് കിട്ടാൻ ആ വ്യക്തിക്ക് അർഹത ഇല്ലല്ലോ.

സമൂഹത്തിന് വേണ്ടി, സ്വന്തപ്പെട്ടവർക്ക് വേണ്ടി നല്ല കാര്യങ്ങൾ ചെയ്യുന്നവർക്ക് എല്ലാം ആദരവ് എപ്പോഴായാലും കിട്ടേണ്ടതാണല്ലോ.

ഒരു മനുഷ്യനോടുള്ള ആദരവ് ആയിട്ടു പല കാര്യങ്ങളും ആ വ്യക്തിയുടെ ചുറ്റുപാടും ഉള്ളവർ ചെയ്യാൻ ശ്രമിക്കാറുണ്ട്.

നമ്മളുടെ ഓരോ പ്രവർത്തനവും മറ്റുള്ളവരിൽ നിന്നും ആദരവ് കിട്ടാൻ വേണ്ടിയുള്ളത് ആകരുത്.

നീണ്ട വർഷം സേവനം പൂർത്തിയാക്കി വിരമിക്കുന്നവരെ ആദരിക്കാൻ അവസാനദിവസം കൂടെയുള്ള സഹപ്രവർത്തകർ ഒന്നിച്ചു കൂടാറുണ്ടല്ലോ.

മറ്റുള്ളവർക്ക് നമ്മളെ ആദരിക്കാൻ തോന്നണമെങ്കിൽ നമ്മുടെ ഭാഗത്തുനിന്നും മറ്റുള്ളവർക്ക് ഗുണകരമായത് ലഭിക്കേണ്ടതുണ്ട്.

ഏതൊരു ആദരവും നമ്മൾക്കു മുന്നോട്ട് കൂടുതൽ നേട്ടങ്ങൾ കൈവരിക്കുന്നതിനു പ്രോത്സാഹനം നൽകുന്നതിനുവേണ്ടിയാകണം.

പണം കൊടുത്തുകൊണ്ട് ആദരവ് ഏറ്റുവാങ്ങുന്നതുകൊണ്ട് എന്തെങ്കിലും നേട്ടം നേടാൻ കഴിയുമോ?. പണം കൊടുത്തു നേടാതെ കിട്ടുന്ന ആദരവുകൾക്കാണ് എല്ലാ കാലവും വിലയും നിലനിൽപ്പും ഉണ്ടാവുള്ളു.

എത്രയോക്കെ നേട്ടങ്ങൾ കൈവരിച്ചാലും ആദരവ് ഏറ്റുവാങ്ങാൻ ആഗ്രഹിക്കാത്ത വ്യക്തികളും ഈ ലോകത്തുണ്ടാകാം.

സ്വന്തം കടമകൾ നിർവഹിക്കുന്നതിനു അപ്പുറം അവരാരും തന്നെ ആദരവ് ആരിൽ നിന്നും പ്രതിക്ഷിക്കുന്നുണ്ടാവില്ല.

നമ്മുടെ ഭാഗത്തുനിന്നുള്ള ചെറിയ വിഴ്ചകൾ മതി നമ്മളോടുള്ള ആദരവ് നഷ്ടപ്പെടുത്താൻ.

നമ്മൾ എത്ര ഉയരങ്ങളിൽ ആയാൽ പോലും വന്ന വഴികൾ മറക്കരുത്. നമ്മുടെ പ്രവർത്തനങ്ങൾ കൊണ്ടു ചുറ്റിലുമുള്ള ഒരാൾക്ക് എങ്കിലും ആയത് ഉപകാരപ്പെടട്ടെ.

ആരിൽ നിന്നും ആദരവ് കിട്ടിയില്ലെങ്കിലും നമ്മുടെ നല്ല പ്രവർത്തനങ്ങൾ എന്നും മുന്നോട്ടു കൊണ്ടുപോകുവാൻ സാധിക്കട്ടെ.

ആരിൽ നിന്നും ആദരവ് പ്രതീക്ഷിച്ചു മാത്രം ആവരുത് നമ്മുടെ പ്രവർത്തനങ്ങൾ മുന്നോട്ടു ഉണ്ടാവേണ്ടത്.

എല്ലാ വ്യക്തികൾക്കും അർഹമായ ആദരവ് നൽകാൻ നമ്മൾ മറക്കാതിരിക്കുക.