ഉണർവിൻ പൊൻകിരണങ്ങൾ:The awakening golden rays-53

പലർക്കും പലതരത്തിലുള്ള ഇഷ്ടങ്ങൾ ഉണ്ടാവാം. പ്രകൃതിയിലുള്ള ഓരോന്നും നമ്മൾക്ക് ഇഷ്ടപ്പെടുന്നതോടൊപ്പം, ഇഷ്ടപ്പെടാത്തതും ഉണ്ടായേക്കാം.

ഒരാൾക്ക് എന്തെങ്കിലും ഇഷ്ടം ആവണം എങ്കിൽ എന്തെങ്കിലുമൊക്കെ കാരണങ്ങൾ ആവശ്യമാണ്.

പലർക്കും പലരോടും ഇഷ്ടം ഉണ്ടെങ്കിലും തുറന്നു പറയാൻ കഴിയാറില്ല. ഇഷ്ടം ഉള്ളവർ പരസ്പരം സംസാരിച്ചു മുന്നോട്ടു പോകുമ്പോൾ മാത്രമാണ് ഇഷ്ടം ശരിക്കും ഉള്ളതാണോ അല്ലെങ്കിൽ അഭിനയം ആണോയെന്ന് തിരിച്ചറിയാൻ കഴിയുകയുള്ളു.

ഇന്നലെകൾ ഉണ്ടായിരുന്ന പല ഇഷ്ടങ്ങളും ഇന്നിപ്പോൾ ഇല്ലാതായി തീർന്നേക്കാം.

ഇഷ്ടം ഉള്ളവർ അതു തുറന്നു പറഞ്ഞെങ്കിൽ മാത്രമേ ഇഷ്ടം യാഥാർഥ്യം ആക്കാൻ കഴിയുകയുള്ളു.

നമ്മൾക്ക് ഈ ലോകത്തോട് ഒട്ടും ഇഷ്ടം ഇല്ലെങ്കിൽ നമ്മൾക്കു വിരസത അനുഭവപ്പെട്ടേക്കാം.

നമ്മളെ ഇഷ്ടം ആണെന്ന് പറയുന്നവരോട് നമ്മൾക്ക് ഇഷ്ടം തോന്നണം എന്നില്ല. നമ്മൾക്ക് ഇഷ്ടം തോന്നുന്നവരോട് നമ്മളോട് തിരിച്ചു ഇഷ്ടം ഉണ്ടാവണമെന്നുമില്ല.

ചിലർക്കൊക്കെ ഇഷ്ടം തോന്നി തുടങ്ങാൻ ഒത്തിരി സമയം വേണ്ടി വന്നേക്കാം.ആരൊക്കെ നമ്മളെ വെറുത്താലും അവഗണിച്ചാലും, നമ്മളെ തന്നെ സ്നേഹിക്കാൻ നമ്മൾക്ക് കഴിയേണ്ടതുണ്ട്.

ഇഷ്ടം ഉണ്ടെങ്കിൽ ഇഷ്ടമാണെന്ന് പറയാൻ കഴിയട്ടെ. ആരിൽ നിന്നും ഇഷ്ടം പിടിച്ചു വാങ്ങിക്കാൻ കഴിയില്ലല്ലോ.

ഇഷ്ടം നമ്മുടെ ജീവിതത്തിൽ എന്നുമെന്നും നഷ്ടമാകാതെ സൂക്ഷിക്കാൻ ഇടയാകട്ടെ.