ഉണർവിൻ പൊൻകിരണങ്ങൾ:The awakening golden rays-59

നമ്മൾ ചെയ്യുന്ന ഓരോ കാര്യത്തെക്കുറിച്ച് ഉത്തമബോധ്യം ഉണ്ടാവേണ്ടതുണ്ട്.

ഉത്തമ ബോധ്യം പല കാര്യത്തിലും നഷ്ടപ്പെടുന്നതുകൊണ്ടാണ് പലർക്കും ദുരിതങ്ങൾ നേരിടേണ്ടി വരുന്നത്.

മുന്നോട്ടുള്ള വഴികളിൽ അപകടം ഉണ്ടാകുമെന്ന് ഉത്തമബോധ്യം ഉള്ള വ്യക്തി സാധാരണ ഗതിയിൽ അത്തരം സാഹചര്യം ഒഴിവാക്കുകയാണ് ചെയ്യുക.

പല കാര്യങ്ങളും ശരിയായ വിധത്തിൽ മനസ്സിലാക്കിയാൽ മാത്രമാണ് ഉത്തമബോധ്യം നേടാൻ കഴിയുകയുള്ളു.

പല കാര്യത്തിലും ഒരു വ്യക്തിയുടെ ഉത്തമബോധ്യത്തോടെയാണ് ചെയ്യുന്നത് എന്ന് രേഖകളിൽ തെളിയിക്കുന്നത് ആ വ്യക്തിയുടെ ഒപ്പാണ്.

നമ്മൾ ഇന്ന് ചെയ്യുന്ന ഏതു കാര്യം ആയിക്കോട്ടെ നാളെ നമ്മൾക്ക്, അല്ലെങ്കിൽ മറ്റുള്ളവർക്ക് ഉപകാരപ്പെടുന്നതാണെന്ന് ഉത്തമബോധ്യം ഉണ്ടാവേണ്ടതുണ്ട്.

ആർക്കും ദ്രോഹം ആകുന്നത് നമ്മുടെ ഭാഗത്തുനിന്നും ഉണ്ടാവില്ലായെന്ന് നമ്മൾ ദൃഢനിശ്ചയം എടുക്കുക.

ശരിയായ അറിവുള്ളവർ, അതു മറ്റുള്ളവർക്ക് ശരിയായ വിധത്തിൽ പറഞ്ഞു കൊടുത്താൽ മാത്രമേ തെറ്റുകളിൽ നിന്നും പലർക്കും മോചനം നേടാൻ എളുപ്പം കഴിയുകയുള്ളു.

നമ്മൾ അറിവ് നേടുന്നത്, നാളെകൾ നമ്മളുടെ ജീവിതത്തിൽ അതുമൂലം സന്തോഷവും സമാധാനവും കൊണ്ടു വരാനാണ്.

നമ്മൾ ഓരോ കാര്യങ്ങൾ ഇതുവരെയായി പലരിൽ നിന്നും കേൾക്കാൻ ഇടയായിട്ടുണ്ട്. അതിൽ പലതും ശരിയാണെന്നു നമ്മൾ കാലങ്ങളായി വിശ്വസിച്ചു പോന്നിട്ടുണ്ടാകാം, ഒരു നാൾ സ്വന്തം അനുഭവത്തിൽ നേരിട്ട് ഉണ്ടാക്കുമ്പോൾ മാത്രം ആയിരിക്കും, തങ്ങൾ വിശ്വസിച്ചിരുന്നത് തെറ്റാണെന്നു ബോധ്യപ്പെടുക.

നമ്മൾക്ക് ഈ ലോകത്തുള്ള എല്ലാ കാര്യവും ഉത്തമബോധ്യത്തോടെ ചെയ്യാൻ കഴിഞ്ഞെന്ന് വരില്ലല്ലോ.

നാളെകൾ നമ്മൾ ഈ ഭൂമിയിൽ ജീവിച്ചിരിക്കുമെന്ന് ഉറപ്പ് പറയാൻ സാധിക്കില്ലല്ലോ.

ഉത്തമബോധ്യത്തോടെ വിജയത്തിനുവേണ്ടി നല്ല കാര്യങ്ങൾക്കുവേണ്ടി പരിശ്രമിക്കാൻ നമ്മൾക്ക് ആകണം.

നമ്മൾ ഇന്ന് ചെയ്യുന്ന ഓരോ കാര്യവും നാളെകളിൽ ആർക്കും വേദനക്ക് കാരണം ആയിതീരില്ല എന്ന് ഉത്തമബോധ്യം ഉണ്ടാവട്ടെ.