ഉണർവിൻ പൊൻകിരണങ്ങൾ:The awakening golden rays-90

നമ്മൾ പല വഴികളിലൂടെ കടന്നു പോയിട്ടുള്ളവരാണ്, കടന്നുപോകേണ്ടവരാണ്.

ദാരിദ്ര്യത്തിലൂടെ കടന്നുപോയവർ നമ്മൾക്ക് ചുറ്റിലും ധാരാളം പേർ കാണും.

ഇന്നലെകൾ നമ്മുടെ ഭാഗത്തുനിന്നും ഉണ്ടായിട്ടുള്ള വിഴ്ചകൾ പരിഹരിച്ചാൽ മാത്രമേ മുന്നോട്ട് സുഗമമായി പോകുവാൻ സാധിക്കുകയുള്ളു.

നമ്മൾ കടന്നുപോകേണ്ട വഴികളിലൂടെ നമ്മൾ തന്നെ കടന്നു പോകേണ്ടതുണ്ട്, മറ്റാർക്കും നമ്മൾക്ക് പകരമായി കടന്നുപോകുവാൻ കഴിയുകയില്ല.

നമ്മൾ ഈ ലോകത്തിൽ എന്തൊക്കെ നേടിയാലും അതൊക്കെ ഉപേക്ഷിച്ചുകൊണ്ട് ഒരിക്കൽ കടന്നുപോകേണ്ടവരാണ്.

ഓരോ ദിവസവും നമ്മൾ മുന്നോട്ട് സഞ്ചരിക്കുമ്പോൾ നമ്മുടെ ഇന്നലെകൾ നമ്മളിൽ നിന്നും കടന്നുപോകുകയാണ്.

ദുഃഖവും സന്തോഷവും നമ്മുടെ ജീവിതത്തിൽ മാറി മാറി കടന്നുവരുന്നതാണ്. ഓരോ സാഹചര്യവും നമ്മളെ കൂടുതൽ കരുത്ത് നേടാൻ സഹായിക്കട്ടെ.

നമ്മൾ ആർക്കും തന്നെ മുൻപിൽ ഏതൊക്കെ സാഹചര്യം ആയിരിക്കും കടന്നു വരിക എന്ന് മുൻകുട്ടി പറയാൻ സാധിക്കില്ലല്ലോ.

നമ്മൾ നേരിടുന്ന വേദനാജനകമായ കാര്യങ്ങളും നമ്മൾക്ക് മുന്നോട്ടു കൂടുതൽ നേട്ടങ്ങൾ സ്വന്തമാക്കാനുള്ള ഊർജം നൽകട്ടെ.

നമ്മൾ തളർന്നാൽ നമ്മൾക്ക് തന്നെയാണ് നഷ്ടം ഉണ്ടാവുക. നമ്മൾക്കുള്ള കഴിവുകൾ പൂർണ്ണമായി ഉപയോഗപ്പെടുത്തികൊണ്ട് നമ്മുടെയും നമ്മുടെ ചുറ്റിലുമുള്ളവരുടെയും ജീവിതത്തിൽ സന്തോഷവും സമാധാനവും നിറയ്ക്കാൻ സാധിക്കട്ടെ.

ഈ സമയവും കടന്നുപോകും. ഒരു രാത്രിക്ക് പകൽ എന്നത് പോലെ നമ്മുടെ ഇന്നിന്റെ ദുഃഖങ്ങൾ, നാളെകളിൽ സന്തോഷം ആയി തീരട്ടെ, അതിനുള്ള പരിശ്രമം നമ്മുടെ ഭാഗത്തുനിന്നും ഉണ്ടാവട്ടെ.