ഉണർവിൻ പൊൻകിരണങ്ങൾ:The awakening golden rays-98

നമ്മൾ ഓരോരുത്തർക്കും ശരിയായ പാതയിൽ മുന്നോട്ടു സഞ്ചരിക്കാൻ കരുത്തു നേടേണ്ടതുണ്ട്.

നമ്മൾ കഴിക്കുന്ന ആഹാര പദാർത്ഥങ്ങളും വെള്ളവുമാണ് നമ്മൾക്ക് മുന്നോട്ടുള്ള ശാരീരിക ഊർജം നൽകുന്നത്.

ഭക്ഷണം കഴിക്കാതെ മനുഷ്യരുടെ ശരീരത്തിന് കരുത്തു നേടാൻ മറ്റു മാർഗങ്ങളില്ലല്ലോ. മനുഷ്യർക്ക് ജീവൻ നിലനിർത്താൻ ഭക്ഷണം ആവശ്യമാണ്.

ആരോഗ്യപരമായി കരുത്തു ആർജിക്കുന്നതുപോലെ തന്നെ പ്രധാനമാണ് മാനസികമായി കരുത്ത് ആർജിക്കുക എന്നതും.

പല സാഹചര്യങ്ങളെയും ധിരമായി നേരിടാൻ മാനസികമായ കരുത്ത് മനുഷ്യർക്ക് ആവശ്യമാണ്.

ശാരീരിക ആരോഗ്യം നിലനിർത്താൻ വ്യായാമം ആവശ്യമാണ്.

മാനസികമായ ആരോഗ്യം നിലനിർത്താൻ ശരിയായ അറിവ് നേടേണ്ടതുണ്ട്. തെറ്റായ അറിവുകൾ നമ്മുടെ ആരോഗ്യത്തെ ഇല്ലാതാക്കിയേക്കാം.

നമ്മുടെ ജീവിതത്തിൽ ഉണ്ടാകുന്ന വെല്ലുവിളികളെ അതിജീവിക്കാൻ ശ്രമിക്കുന്നതിലൂടെയാണ് നമ്മൾക്ക് കരുത്തു നേടാൻ കഴിയുക.

ഓരോ മനുഷ്യർക്കും അവരുടെ ജീവിതസാഹചര്യങ്ങളാണ് അവരെ കൂടുതൽ കൂടുതൽ കരുത്തർ ആക്കിയത്.

പട്ടിണി കിടന്നിട്ടുള്ളവർ, ദാരിദ്ര്യം അനുഭവിച്ചിട്ടുള്ളവരൊക്കെ ഇന്ന് അതിനെയെല്ലാം അതിജീവിച്ചുവെങ്കിൽ അവർക്കുള്ള കരുത്താണ്, അവർക്കുള്ള കഷ്ടപ്പാടുകളെ അതിജീവിക്കുവാൻ ഏറ്റവും കൂടുതൽ സഹായമായിട്ടുള്ളത്.

പല സാഹചര്യങ്ങളെയും നേരിടാൻ പലപ്പോഴും പരിശീലനം ആവശ്യമായി വന്നേക്കാം.

നമ്മൾ ശ്രമിക്കാതെ നമ്മളിൽ മാറ്റം കൊണ്ടുവരാൻ കഴിയില്ല.

നമ്മൾ, മുന്നോട്ടു വളർച്ച നേടാൻ ഓരോ പുതിയ കാര്യവും പഠിച്ചെടുക്കേണ്ടതായിട്ടുണ്ട്.

ഓരോ മനുഷ്യർക്കും ഓരോ ശരിരപ്രകൃതിയാണ്, ഓരോരുത്തർക്കും അവരവരുടെ ശരിരപ്രകൃതിക്ക് അനുസരിച്ചുള്ള ഭക്ഷണമാണ് യോജിക്കുകയുള്ളു. യോജിക്കാത്ത ഭക്ഷണം കഴിച്ചാൽ ഗുരുതരമായ ആരോഗ്യപ്രശ്നങ്ങൾ ഒരുപക്ഷെ ഉണ്ടായേക്കാം.

നമ്മുടെ കരുത്ത് നഷ്ടപ്പെടുത്തുന്ന കാര്യങ്ങൾ ചെയ്യാതിരിക്കുക.

മറ്റുള്ളവരുടെ വിമർശനങ്ങളിലും കുറ്റം പറച്ചിലുകളിലും നെഗറ്റീവ് വാക്കുകളിലും തളർന്നിരിക്കാതെ മുന്നോട്ടു കരുത്തോടെ പോകുവാൻ എല്ലാവർക്കും സാധിക്കട്ടെ.