സ്നേഹസ്പർശനമായി കൺമുൻപിൽ:A spark of love to open your eyes-282

 282.മാറ്റം മനസിലാക്കുക.

നമ്മുടെ ചുറ്റിലും ഒന്ന് കണ്ണോടിച്ചാൽ ഒരുപാട് മാറ്റങ്ങൾ കാണാൻ കഴിയും. നമ്മുടെ ശരീരത്തിൽ ഓരോ ദിവസവും എന്തെല്ലാം മാറ്റങ്ങളാണ് സംഭവിച്ചുകൊണ്ടിരിക്കുന്നത്. നമ്മളൊക്കെ ഈ ഭൂമിയിൽ ജനിച്ചു വീണത് മുതൽ ഇന്നുവരെയായി ഒരുപാട് മാറ്റങ്ങളിലൂടെ കടന്നുപോയവരാണ്. നമ്മളിൽ ഉണ്ടാകുന്ന മാറ്റങ്ങളെ നമ്മൾ അംഗീകരിക്കണം. മറ്റുള്ളവരുടെ വിഷമങ്ങൾ നമ്മൾ അറിയാൻ ശ്രമിച്ചാൽ നമ്മുടെ വിഷമങ്ങൾ ഒന്നും അല്ല എന്ന് മനസ്സിലാകും.

പരിശ്രമിക്കാനുള്ള മനസ്സ് ഉണ്ടെങ്കിൽ നമ്മുടെ വേദനകളും ദുഃഖങ്ങളും കുറയ്ക്കാനുള്ള നേരായ മാർഗങ്ങളും നമ്മുടെ ചുറ്റിലുമുണ്ടാകും. ശാരീരികമായ വേദനകൾ, മാനസികമായ വേദനകൾ എല്ലാം നമ്മൾ അതിജീവിക്കേണ്ടതുണ്ട്.

നമ്മൾ എല്ലാം മാറ്റങ്ങളെ അതിജീവിക്കേണ്ടവരാണ്. മാറ്റങ്ങൾ കൊണ്ട് വരുമ്പോൾ അതുകൊണ്ട് എന്തെല്ലാം പ്രശ്നങ്ങൾ ഉണ്ടാകുമെന്നും അതെല്ലാം എങ്ങനെ പരിഹരിക്കാൻ സാധിക്കാമെന്നും പഠിക്കേണ്ടതുണ്ട്. നമ്മളിലുള്ള മാറ്റങ്ങളെ തിരിച്ചറിയാനും, മോശമായ മാറ്റങ്ങളെ പ്രതിരോധിക്കാനും നമ്മൾക്ക് എല്ലാവർക്കും സാധിക്കട്ടെ.