മനം നിറക്കാൻ മധുമന്ത്രങ്ങൾ:mantras to fill the mind-185

നമ്മൾ എപ്പോഴെങ്കിലും ആലോചിച്ചിട്ടുണ്ടോ സംസാരിക്കാൻ കഴിയാത്തവരുടെ, കേൾക്കാൻ കഴിയാത്തവരുടെ ബുദ്ധിമുട്ടുകൾ. 

നമ്മുടെ  ചുറ്റിലും എന്തൊക്കെ ബഹളങ്ങൾ നടക്കുന്നുവെന്ന് നമ്മൾക്ക് തിരിച്ചറിയണമെങ്കിൽ നമ്മൾ നിശബ്ദമായിരിക്കണം.

വളരെ അധികം നിശബ്ദത ഉണ്ടെങ്കിൽ മാത്രമേ നമ്മൾക്ക് ഒരുപക്ഷെ കൂടുതൽ കാര്യങ്ങൾ വ്യക്തതയോടെ അറിയാനും, മനസ്സിലാക്കാനും സാധിക്കു.

മനുഷ്യന് ആരോഗ്യത്തോടെയിരിക്കാൻ വേണ്ടത് ഭക്ഷണത്തോടൊപ്പം,ആവശ്യത്തിന് ഉറക്കവും, വിശ്രമവുമാണ്.നമ്മുടെ പലരുടെയും ഉറക്കം കെടുത്തുന്നത് ഒരുപക്ഷെ ഉച്ചത്തിലുള്ള ശബ്ദമായിരിക്കാം.

നമ്മൾ കേൾക്കുന്നത് നമ്മുടെ മനസ്സിന് സന്തോഷം നൽകുന്നതാണെങ്കിൽ നമ്മൾക്ക് സുഖനിദ്ര കിട്ടുന്നു, അല്ലെങ്കിൽ നമ്മുടെ ഉറക്കം നഷ്ടപ്പെടുന്നു.

ആരൊക്കെ നമ്മളോട് ദേഷ്യപ്പെട്ടാലും നമ്മൾ നിശബ്ദമായി ഇരിക്കുക ,കുറെ കഴിയുമ്പോൾ പറയുന്നവർ തന്നെ നിറുത്തി കൊള്ളും.

നമ്മൾക്ക് കിട്ടിയ വലിയ അനുഗ്രഹമാണ് ശബ്‍ദം എന്ന് പറയുന്നത്.ശബ്ദം വേണ്ട ഇടങ്ങളിൽ മാത്രം പുറത്തെടുക്കുക.മറ്റൊരാളെയും വേദനിപ്പിക്കാൻ വേണ്ടി നമ്മൾ ഒരിക്കലും ശബ്‌ദിക്കാൻ പാടില്ല.

നമ്മൾ പറയുന്ന വാക്കുകൾക്കു പ്രസക്തിയുണ്ട്.എന്തെല്ലാം കാര്യങ്ങൾ നമ്മൾ ചെയ്യുന്നുണ്ടെങ്കിലും മറ്റുള്ളവരുടെ മനസ്സിൽ നമ്മളെ കുറിച്ചുള്ള കാഴ്ചപ്പാട് നമ്മൾ അവരോടു എങ്ങനെയൊക്കെ പെരുമാറുന്നു എന്നത് അനുസരിച്ചാണ്.

നമ്മൾ അനാവശ്യമായി മറ്റുള്ളവരോട് ബഹളം വെക്കുന്ന ഒരാളാണെങ്കിൽ ആർക്കും തന്നെ നമ്മളോട് സംസാരിക്കാൻ ഒരുപക്ഷെ താല്പര്യം ഉണ്ടായെന്നു വരില്ല.

സംസാരം വേണ്ട സ്ഥലങ്ങളിൽ മാത്രം സംസാരിക്കുക.എല്ലാവർക്കും ആവശ്യസന്ദർഭങ്ങളിൽ നിശബ്ദത പാലിക്കാൻ കഴിയട്ടെ .