മനം നിറക്കാൻ മധുമന്ത്രങ്ങൾ:mantras to fill the mind-123

ജീവിതത്തിൽ നഷ്ടപ്പെട്ടതിൽ ചിലതെങ്കിലും തിരിച്ചുകിട്ടണം എന്ന് ആഗ്രഹിക്കാത്തവർ ആരുമില്ല.

നമ്മളുടെ  ജീവിതത്തിൽ നഷ്ടങ്ങളുടെ കണക്കുകൾ ഒരു പക്ഷെ ഒത്തിരി ഉണ്ടാവാം.

ജീവിതത്തിൽ ഉണ്ടായ നഷ്ടങ്ങൾ മറക്കാത്തവരാണ് നമ്മളിൽ പലരും.

ജീവിതത്തിൽ എല്ലാവർക്കും ആഗ്രഹിച്ചതുപോലെ കാര്യങ്ങൾ സാധിക്കണം എന്നില്ലല്ലോ.

നമ്മളുടെ ഉള്ളിൽ ആഗ്രഹം ശക്തമാണെങ്കിൽ , പരിശ്രമിക്കാൻ തയ്യാറാണെങ്കിൽ ഒരു പക്ഷെ നമ്മളുടെ ജീവിതത്തിൽ നഷ്ടപ്പെട്ട പലതും  നമ്മൾക്ക് തിരിച്ചു കിട്ടിയേക്കാം.

ജീവിതത്തിൽ നമ്മൾ എന്തെല്ലാം ആഗ്രഹിച്ചാലും എന്തൊക്കെ പ്രതീക്ഷിച്ചാലും നമ്മൾക്ക് ഒരിക്കലും തിരിച്ചു കിട്ടാത്തതായി ഉറപ്പിച്ചു പറയാൻ കഴിയുന്ന ഒരു കാര്യം എന്നത് സമയമാണ്.നമ്മൾക്ക് ഇപ്പോൾ കിട്ടുന്ന സമയങ്ങൾ ഒന്നും തന്നെ ഇനിയോരിക്കലും തിരിച്ചു കിട്ടില്ല.

സമയം നമ്മൾ വേണ്ടവിധം പ്രയോജനപ്പെടുത്തിയില്ലെങ്കിൽ  നമ്മൾക്ക് കിട്ടേണ്ട പലതും ഒരുപക്ഷെ ഒരിക്കലും കിട്ടിയെന്നു വരില്ല.

നമ്മളുടെ ജീവിതത്തിൽ നഷ്ടങ്ങളും ലാഭങ്ങളും ഉണ്ടാക്കിയ സമയങ്ങൾ ഒരിക്കലും തിരിച്ചു കിട്ടില്ല.

നഷ്ടപ്പെട്ട സമയങ്ങൾ ഒരിക്കലും  തിരിച്ചു കിട്ടില്ല എന്നത് മനസ്സിലാക്കി കൂടുതൽ സന്തോഷവും സമാധാനവും കിട്ടുന്ന മാർഗ്ഗങ്ങൾ പിന്തുടരുക.

ശുഭ പ്രതീക്ഷയുമായി മുന്നോട്ടു പോകുക നഷ്ടപ്പെട്ടെന്ന് കരുതിയ പലതും ഒരു പക്ഷെ തിരിച്ചു കിട്ടിയേക്കാം.

നമ്മുടെയൊക്കെ ജീവിതത്തിൽ നിന്നും  സന്തോഷവും, സമാധാനവും എപ്പോഴെങ്കിലും നഷ്ടപ്പെട്ടിട്ടുണ്ടെങ്കിൽ നമ്മൾക്ക് പരിശ്രമിച്ചാൽ തിരിച്ചുകൊണ്ടു വരുവാൻ സാധിക്കുമെന്ന് ഉറച്ചു വിശ്വസിക്കുക,അതിനു എല്ലാവർക്കും കഴിയട്ടെ.