motivation-18

വിജയത്തിനായി നല്ലതുപോലെ കഷ്ടപ്പെടാൻ തയ്യാറാണെങ്കിൽ ഇന്ന് അല്ലെങ്കിൽ നാളെകളിൽ വിജയം ഉറപ്പാണ്.

നമ്മൾ വിജയിക്കേണ്ടത് മറ്റാരെയുംകാൾ നമ്മുടെ മാത്രം ആവശ്യമാണ്. മറ്റുള്ളവരുടെ വിജയങ്ങളെ നമ്മുടേതുമായി ഒരിക്കലും താരതമ്യം ചെയ്യാതിരിക്കുക.

ഓരോരുത്തരും വിജയിച്ചിട്ടുള്ളത് അവരവരുടെ മേഖലകളിൽ നല്ലതുപോലെ കഷ്ടപ്പെടുന്നതുകൊണ്ടാണ്.

നമ്മുടെ ജീവിതത്തിൽ സന്തോഷം കണ്ടെത്താൻ, സംതൃപ്തി കണ്ടെത്താൻ നമ്മൾ ആഗ്രഹിക്കുന്ന നല്ല ലക്ഷ്യങ്ങൾ നേടാൻ സാധിക്കേണ്ടതുണ്ട്.

ഇന്ന് ഒരുപക്ഷെ ഒത്തിരി പ്രതിസന്ധികൾ ഉണ്ടായേക്കാം, ദുരിതങ്ങൾ അനുഭവപ്പെട്ടേക്കാം എങ്കിൽ പോലും പരിശ്രമം ഉപേക്ഷിക്കാതിരിക്കുക. നാളെകളിൽ നമ്മൾ വിജയം സ്വന്തമാക്കുമെന്ന് ഉറച്ചുവിശ്വസിക്കുക.

ഇന്ന് നല്ലതുപോലെ നല്ല കാര്യങ്ങൾക്കായി കഷ്ടപ്പെടാൻ തയ്യാറാണെങ്കിൽ തീർച്ചയായും അതിന്റെ പ്രതിഫലം എന്നെങ്കിലുമൊരിക്കൽ കിട്ടുക തന്നെ ചെയ്യും.

നമ്മൾ വേണ്ടതുപോലെ കഷ്ടപ്പെടാൻ ഒരുക്കമല്ലാതിരുന്നതുകൊണ്ടാണ് നാളിതുവരെയായിട്ട് പല കാര്യത്തിലും നേട്ടങ്ങൾ കൈവരിക്കാൻ ഒരുപക്ഷെ സാധിക്കാതെ പോയിട്ടുണ്ടാവുക.

ഇന്നലെകളിലെ നഷ്ടങ്ങളും വിഴ്ചകളും നമ്മുടെ ജീവിതത്തിൽ ഒത്തിരി തിരിച്ചറിവുകളാണ് നൽകിയിട്ടുണ്ടാവുക, ആ തിരിച്ചറിവുകൾ ഇനി മുന്നോട്ടു ചെയ്യുന്ന കാര്യത്തിൽ കൂടുതൽ നഷ്ടങ്ങളും വിഴ്ചകളും ഒഴിവാക്കാൻ സഹായിക്കട്ടെ.

ഓരോ വിജയവും നമ്മളിൽ കൂടുതൽ മുന്നേറാനുള്ള ആത്മവിശ്വാസം നൽകും. നമ്മൾ ചെയ്യുന്ന എന്തുകാര്യത്തിലും ഒരുപക്ഷെ ആരും തന്നെ വേണ്ടതുപോലെ പരിഗണന നൽകണമെന്നില്ല, നമ്മൾ തന്നെ സ്വയം പ്രചോദനം നൽകികൊണ്ട് മുന്നേറണ്ടതുണ്ട്.

നമ്മൾക്കുണ്ടാകുന്ന ഓരോ തോൽ‌വിയിൽ നിന്നും പാഠങ്ങൾ ഉൾക്കൊണ്ട്‌ തിരുത്താനുള്ള ശ്രമങ്ങൾ ഉണ്ടാവണം.

നമ്മുടെ ഓരോരുത്തരുടെയും ജീവിതത്തിൽ നല്ല ലക്ഷ്യം കാണാൻ കഴിയട്ടെ.

കഷ്ടപ്പാടിലൂടെ വിജയങ്ങൾ സ്വന്തമാക്കികൊണ്ട് മറ്റുള്ളവർക്ക് പ്രചോദനം ആയി തീരട്ടെ.