മനം നിറക്കാൻ മധുമന്ത്രങ്ങൾ:mantras to fill the mind-352

സൂചന നൽകുന്നത് ശ്രദ്ധിക്കാറുണ്ടോ?.നമ്മൾ മറ്റുള്ളവരോട്  ഓരോ ദിവസവും എന്തെല്ലാം കാര്യമാണ് സൂചിപ്പിക്കാറുള്ളത്?.

നമ്മൾ ചുറ്റും നടക്കുന്ന കാര്യങ്ങൾ ശരിയായ രീതിയിൽ വീക്ഷിച്ചു കഴിഞ്ഞാൽ ഒത്തിരി അധികം സൂചനകൾ കിട്ടും.ശരിയായ സൂചനകൾ മനസ്സിലാക്കാൻ നമ്മൾ പരിശ്രമിക്കേണ്ടി യിരിക്കുന്നു.

സൂചന കണ്ടു പഠിച്ചില്ലെങ്കിൽ അനുഭവം നമ്മളെ പഠിപ്പിച്ചോളും,അക്കാര്യത്തിൽ യാതൊരു വിധ സംശയം ഇല്ല.

ധൈര്യമായി മുന്നോട്ട് പോകുവാൻ സൂചനകൾ നമ്മൾക്ക് ആവശ്യമാണ്.ചിലപ്പോഴൊക്കെ യാതൊരുവിധ സൂചനകൾ നൽകാതെ നമ്മുടെ ജീവിതത്തിൽ എന്തെങ്കിലുമൊക്കെ സംഭവിച്ചേക്കാം. എത്രയൊക്കെ സൂചനകൾ നൽകിയാലും മനസ്സിലാക്കാത്ത,മനസ്സിലാക്കാൻ ശ്രമിക്കാത്ത വ്യക്തികൾ നമ്മൾക്ക് ചുറ്റിലുമുണ്ടാകാം.നമ്മൾക്ക് കിട്ടുന്ന സൂചനകളെ ശരിയായി വിലയിരുത്താൻ ശ്രമിക്കാം.

നാളെക്കുള്ള കരുതലാണ് ഇന്ന് നമ്മൾക്ക് ലഭിക്കുന്ന ഓരോ സൂചനകളും.നമ്മൾക്ക് ആവശ്യമായ സൂചനകൾ മാത്രം നമ്മൾ ശ്രദ്ധിച്ചാൽ മതി.

സൂചനകളെ ശരിയായി മനസ്സിലാക്കി, തിരുത്തേണ്ടതാണെങ്കിൽ തിരുത്തി മുന്നോട്ട് പോകുവാൻ എല്ലാവർക്കും കഴിയട്ടെ.