മനം നിറക്കാൻ മധുമന്ത്രങ്ങൾ:mantras to fill the mind-236

ഭയം ഉണ്ടാവുന്നത് എങ്ങനെയാണ്?.ജീവിതത്തിൽ ഭയം അനുഭവപ്പെടാത്തവർ ആരെങ്കിലുമുണ്ടോ?.ഭയം നമ്മളിൽ എന്തെങ്കിലും മാറ്റങ്ങൾ കൊണ്ടുവരുന്നുണ്ടോ?.തീർച്ചയായും ഭയം നമ്മളെ വിജയത്തിൽ നിന്നും അകറ്റും.

എപ്പോളാണ് നമ്മൾക്ക് കാര്യങ്ങൾ ഭയമില്ലാതെ ചെയ്യാൻ കഴിയുന്നത്  അപ്പോൾ മാത്രമാണ് വിജയം നമ്മുടെ അരികിലേക്ക് എത്തുകയുള്ളൂ.

നമ്മുടെ ജീവിതത്തിൽ നമ്മൾ  എന്തെല്ലാം അറിയുന്നു, അനുഭവിക്കുന്നു, ചിന്തിക്കുന്നു അതുമായി ബന്ധപ്പെട്ടാണ് ഒരുപക്ഷെ ഭയം ഉടലെടുക്കുന്നത്.ഭയം എന്ന അവസ്ഥ മാറണം എങ്കിൽ ഭയത്തെ ശരിയായ മാർഗത്തിലൂടെ നേരിടണം.

ഒത്തിരി ഭയങ്ങൾ ലോകത്തിലുണ്ട് നമ്മൾക്ക് ഭയം ഇല്ലാത്തതു ഒരു പക്ഷെ മറ്റുള്ളവർക്ക് ഭയം ഉള്ളതാകാം.

ഭയം എങ്ങനെ ശരിയായ മാർഗത്തിലൂടെ ഇല്ലാതെയാക്കാം എന്ന് നമ്മൾ പഠിക്കേണ്ടിയിരിക്കുന്നു.

ഭയത്തിനെ നേരിടാൻ ഒരുപക്ഷെ അല്പമൊക്കെ പ്രയാസം ഉണ്ടായേക്കാം, നിരന്തരശ്രമത്തിലൂടെ ഒരുപരിധിവരെ ഭയം  മാറിക്കൊള്ളും.

എല്ലാവരിലും എന്തെങ്കിലുമൊക്കെ ഭയം ഉണ്ടായേക്കാം.നമ്മൾ ഓരോരുത്തരും ഭയം എന്ന വികാരത്തെ തോൽപ്പിക്കാൻ പഠിക്കണം എങ്കിലേ വിജയം നേടാൻ കഴിയു.

വിശ്വാസം ഉള്ളടിത്തു ഭയം എന്നത് ഉണ്ടാവില്ല.നമ്മൾ ഇന്ന് ഭയമില്ലാതെ ജീവിക്കുന്നുവെങ്കിൽ, അതിനുകാരണം ഒരുപക്ഷെ ഒത്തിരി അധികം കാര്യങ്ങളിൽ വിശ്വസിക്കുന്നതുകൊണ്ടാകാം.ഭയം എന്ന വികാരത്തെ നിയന്ത്രിക്കാൻ എല്ലാവർക്കും കഴിയട്ടെ.