മനം നിറക്കാൻ മധുമന്ത്രങ്ങൾ:mantras to fill the mind-178

നിരാശകൾ ഒരിക്കൽ എങ്കിലും ഇല്ലാത്ത വ്യക്തികൾ നമ്മുടെ ചുറ്റിലും ഉണ്ടാകുമോ?.നമ്മൾ ആശിച്ചതു ലഭിച്ചില്ലെങ്കിൽ നിരാശകൾ ഉണ്ടാകും.

നിരാശകൾ നമ്മളെ എവിടെയും എത്തിക്കില്ല.

നമ്മളുടെ ആശകൾ എത്ര വലുതായിക്കൊള്ളട്ടെ അവിടെ ആശകൾ സഫലമാകണമെങ്കിൽ ഒത്തിരി അധികം കഷ്ടതകൾ അനുഭവിക്കേണ്ടിവരും,കൂടുതൽ കഷ്ടപ്പെടേണ്ടിവരും.

നിരാശകളെ ഇല്ലാതെ ആക്കണമെങ്കിൽ ആശകളെ കൂടെക്കൂട്ടണം ,നിരാശകൾ വന്നാൽ ആശകളെ കൈവെടിയാതിരിക്കുക. ഒരു വഴിക്കു പോയി നിരാശപ്പെട്ടു തിരിച്ചു വന്നാൽ നമ്മൾക്ക് മുന്നിൽ മറ്റു വഴികൾ പ്രത്യക്ഷപ്പെടുമെന്ന് വിശ്വസിക്കുക, അതിനായി ശ്രമിക്കുക.

നിരാശകൾ ആർക്കുവേണമെങ്കിലും, എപ്പോൾ വേണമെങ്കിലും സംഭവിക്കാം അവിടെയെല്ലാം നമ്മുടെ നല്ല ആശകളെ സഫലമാക്കാനുള്ള ശ്രമങ്ങളുമായി മുന്നോട്ടു തന്നെ പോകുക ഒരു നാൾ നമ്മൾ എല്ലാവർക്കും സന്തോഷിക്കാനുള്ള കാരണമായി നമ്മുടെ കഴിഞ്ഞ കാലങ്ങളിലെ നിരാശകൾ മാറിക്കൊള്ളും.

നിരാശകൾ ഉള്ളവർക്ക് ഒന്നും തന്നെ ചെയ്യാൻ കഴിയില്ല ,എന്തെങ്കിലും ചെയ്യണമെങ്കിലോ മനസ്സിലെ നിരാശകളെ എടുത്തുകളയുക തന്നെ വേണം.നമ്മൾ എല്ലാവർക്കും നിരാശകളെ ഒഴിവാക്കാൻ കഴിയട്ടെ.