മനം നിറക്കാൻ മധുമന്ത്രങ്ങൾ:mantras to fill the mind-308

ഒരു മനുഷ്യന് എപ്പോഴാണ് വെറുപ്പ് ആരംഭിക്കുന്നത്?. ജീവിതത്തിൽ ആഗ്രഹിക്കാത്ത കാര്യങ്ങൾ സംഭവിക്കുമ്പോൾ അല്ലേ.

ഒരു മനുഷ്യൻ ഒരാളെ വെറുത്തു കഴിഞ്ഞാൽ പിന്നെ അവിടെ സ്നേഹം നിറക്കാൻ ഒത്തിരി കഷ്ടപ്പാടാണ്.

വെറുപ്പുകൾ നമ്മളിൽ ഒരുപക്ഷെ വാശി സൃഷ്ടിച്ചേക്കാം.

നമ്മുടെ നല്ല കഴിവുകൾ വളരണമെങ്കിൽ ആരെയും വെറുക്കാതെ ഇരിക്കുക.

വെറുപ്പ് നമ്മളിൽ നില നിൽക്കുന്നിടത്തോളം നമ്മളുടെ കഴിവുകൾ പതിയെ നഷ്ടപ്പെടാനുള്ള സാധ്യതയുണ്ട്.

മറ്റുള്ളവർ നമ്മളോട് ചെയ്യുന്ന തെറ്റുകൾ നമ്മൾക്ക് ക്ഷമിക്കാം,മറ്റുള്ളവരോടുള്ള വെറുപ്പ് നമ്മൾക്ക് വേണ്ടായേന്ന് വെക്കാം.എല്ലാവരെയും സ്നേഹിക്കാൻ പഠിക്കുക ,ഏതു സ്നേഹത്തിനും സത്യമുണ്ടെങ്കിൽ അല്പം സ്വൽപ്പം വേദനകൾ ഒരുപക്ഷെ ഉണ്ടായേക്കാം.

മറ്റുള്ളവർ നമ്മളെ എത്രയൊക്കെ വെറുപ്പിച്ചാലും സ്നേഹം കൊണ്ട്  വെറുപ്പിനെ ഇല്ലാതെ ആക്കാൻ ശ്രമിക്കാം.

ചില നിസ്സാര കാരണങ്ങൾ മനസ്സിൽ ഇട്ടു വളർത്തി വലുതാക്കി വെറുപ്പ് സമ്പാദിച്ചു  കഴിഞ്ഞാൽ എവിടെ ചെന്നാലാണ് സമാധാനം കിട്ടുക എന്ന് ആലോചിച്ചുകഴിഞ്ഞാൽ ഉത്തരം കിട്ടുക വെറുപ്പിനെ ഉപേക്ഷിക്കുക എന്നതാണ്,അങ്ങനെ മനസ്സിൽ വളർത്തിയ വെറുപ്പ് ഉപേക്ഷിക്കാൻ കഴിഞ്ഞുവെങ്കിൽ ജീവിതത്തിൽ നഷ്ടപ്പെട്ടുവെന്ന് തോന്നിയ പല സൗഭാഗ്യങ്ങളും ഒരു പക്ഷെ നമ്മൾക്ക് തിരിച്ചുകിട്ടിയേക്കാം.

നമ്മൾ ഈ ഭൂമിയിൽ നിന്നും വിട്ടുപിരിഞ്ഞാലും നമ്മുടെ സ്നേഹം മറ്റുള്ളവർക്ക് എന്നുമെന്നും ഓർക്കാൻ കഴിയണമെങ്കിൽ നമ്മൾ ആരെയും വെറുക്കാതെയിരിക്കണം,അതിനു എല്ലാവർക്കും കഴിയട്ടെ.