സ്നേഹസ്പർശനമായി കൺമുൻപിൽ:A spark of love to open your eyes-215

 215.പ്രതികരണം.

ഒരു കാര്യം കേൾക്കുമ്പോൾ അതിന്റെ യാഥാർഥ്യം എന്താണെന്ന് അന്വേഷിക്കാതെ നമ്മളിൽ പലരും പലപ്പോഴും പ്രതികരണം നടത്താറുണ്ട്.നമ്മുടെയിടയിൽ പ്രതികരണം ആവശ്യമായിട്ടുള്ള ധാരാളം കാര്യങ്ങളുണ്ട്. എവിടെയായാലും, ഏതു സാഹചര്യത്തിൽ ആയാലും പ്രതികരണം, കാര്യങ്ങളെ ശരിയായ രീതിയിൽ വിലയിരുത്തിയതിനുശേഷം മാത്രമാകണം.

മറ്റുള്ളവരുടെ പ്രതികരണം നമ്മൾ ശരിയായ വിധത്തിൽ സ്വീകരിക്കാൻ തയ്യാറാകണം എങ്കിലേ മുന്നോട്ടുള്ള വളർച്ചക്ക് സഹായകമാകുകയുള്ളു.

ഈ ഭൂമിയിലുള്ള ഓരോ വസ്തുവും പ്രതികരണം നൽകുന്നുണ്ട്.സത്യത്തിന് എന്നും നിലനിൽപ്പുണ്ടാവും.പ്രതികരണം എപ്പോഴും നമ്മുടെ ഭാഗത്ത്‌ നിന്നും ഉണ്ടാവേണ്ടത് നല്ലത് പോലെ ആയിരിക്കണം.സമയത്തിന്റെ വില നമ്മളായിട്ട് നഷ്ടപ്പെടുത്തികളയരുത്.എല്ലാവർക്കും ആവശ്യമെങ്കിൽ സ്വന്തം നിലപാട് വ്യക്തമാക്കികൊണ്ട് പ്രതികരണം നടത്താൻ സാധിക്കട്ടെ.