സ്നേഹസ്പർശനമായി കൺമുൻപിൽ:A spark of love to open your eyes-239

 239.പിടിവാശി.

നമ്മളിൽ പലർക്കും പിടിവാശി ഉണ്ടാവാറുണ്ട്.

പലരും ചോദിക്കുന്നത് കേട്ടിട്ടുണ്ട് ആർക്കുവേണ്ടിയാണു നിന്റെ പിടിവാശി, എന്തിനു വേണ്ടിയാണ് നിന്റെ പിടിവാശി എന്ന്.

പിടിവാശി പലതരത്തിൽ ആകാം.മറ്റുള്ളവരെ സഹായിക്കുന്ന കാര്യത്തിൽ ആകാം, മറ്റുള്ളവരെ സഹായിക്കാതെ ഇരിക്കുന്ന കാര്യത്തിലാകാം.

നമ്മൾ ഓരോരുത്തരും വളരെ അധികം ആലോചിച്ചു മാത്രമേ പിടിവാശി മുന്നോട്ട് കൊണ്ടുപോകാൻ പാടുള്ളു.

പിടിവാശികൊണ്ട് നമ്മുടെ ജീവിതത്തിൽ ഒരുപക്ഷെ ഒരുപാട് ദോഷങ്ങൾ ഉണ്ടായേക്കാം.

നമ്മുടെ മനസ്സിൽ പിടിവാശികൾ ഉണ്ടെങ്കിൽ ഒരുപക്ഷെ നമ്മളുടെ സന്തോഷവും സമാധാനവും സംതൃപ്തിയും അതുമൂലം നഷ്ടപ്പെട്ടേക്കാം. കുട്ടികളുടെ പിടിവാശികൾ ഒരുപക്ഷെ മുതിർന്നവർ സാധിച്ചു കൊടുത്തു എന്നിരിക്കും, എങ്കിൽ പോലും എല്ലാ പിടിവാശിയും അംഗീകരിക്കാനും സാധിച്ചുകൊടുക്കാനും എപ്പോഴും സാധിക്കില്ലല്ലോ. എല്ലാവർക്കും അവനവന്റെ ഉള്ളിലെ ആവശ്യം ഇല്ലാത്ത പിടിവാശികൾ എത്രയും പെട്ടെന്ന് തന്നെ മാറ്റിയെടുക്കാൻ സാധിക്കട്ടെ.