സ്നേഹസ്പർശനമായി കൺമുൻപിൽ:A spark of love to open your eyes-217

 217.പ്രതിക്ഷ നൽകുക.

നമ്മൾക്ക് ജീവിതത്തിൽ എപ്പോഴെങ്കിലും എന്തെങ്കിലും പ്രതീക്ഷകൾ ഉണ്ടായിട്ടു ണ്ടായിരിക്കും.നമ്മളുടെ എല്ലാവരുടെയും പ്രതീക്ഷകൾ എപ്പോഴും സഫലം ആയി എന്നു വരില്ല.പലർക്കും ഇന്നത്തെ സാഹചര്യത്തിൽ ഒന്നും പ്രതീക്ഷിക്കാനുള്ള അവസ്ഥ ഉണ്ടാവണം എന്നില്ല.നിരന്തരം നല്ലതിനുവേണ്ടി പരിശ്രമിച്ചു കൊണ്ടിരിക്കുക.പലരും തങ്ങളുടെ കുറവുകളും പോരായ്മകളും മറ്റുള്ളവരുടെ മുൻപിൽ നിരത്തികൊണ്ട് ഇനി യാതൊരു പ്രതീക്ഷയും തങ്ങൾക്ക് ഇല്ലായെന്ന് പറയാറുണ്ട്.നമ്മളും പലപ്പോഴും ഒന്നും ഇനി അങ്ങോട്ട് പ്രതീക്ഷിക്കേണ്ട എന്നൊക്കെ എപ്പോളോക്കെ ചിന്തിച്ചുകൂട്ടിയിട്ടുണ്ടാകും.ഒരിറ്റു പ്രതിക്ഷ എങ്കിലും നമ്മളിൽ ഉണ്ടായാൽ മതി, നഷ്ടപ്പെട്ടത് എല്ലാം തിരികെ പിടിക്കാനുള്ള ഊർജം കിട്ടാൻ.

ജീവിതത്തിൽ പ്രതീക്ഷകൾ ഒരിക്കലും കൈവെടി യാതെ ഇരിക്കുക.നമ്മൾക്ക് നമ്മുടെ ഭാവിയെ പറ്റി ശുഭമായ കാര്യങ്ങൾ പ്രതീക്ഷിക്കാൻ സാധിക്കട്ടെ.

പലരുടെയും ജീവിതത്തിൽ പ്രതീക്ഷിക്കാത്ത പലതും ഇതിനോടകം സംഭവിച്ചിട്ടുണ്ട്.പ്രതീക്ഷിച്ച പലതും സംഭവിക്കാതെയും പോയിട്ടുണ്ട്.നമ്മൾ ഓരോരുത്തർക്കും ചില സാഹചര്യങ്ങളിൽ മുന്നോട്ട് ജീവിക്കാൻ കരുത്ത് നൽകുന്നത് നമ്മളുടെ ചുറ്റിലും ഉള്ളവർ നമ്മൾക്ക് ഓരോരുത്തർക്കും നൽകുന്ന നല്ല പ്രതീക്ഷകളാണ്.

മറ്റുള്ളവരെ നിരാശപ്പെടുത്താൻ വേണ്ടി ഒരിക്കലും ആർക്കും വെറുതെ പ്രതീക്ഷകൾ നൽകാതിരിക്കുക.എല്ലാവർക്കും എപ്പോഴും നല്ല പ്രതീക്ഷകൾ ഉണ്ടാകട്ടെ.